اللعنات العشر (الجزء الثاني من مغامرات إلى عالم الأساطير)

الحادى عشر (اللعنة الثالثة)

*فى المستشفى *

كان والد سليم يقف متوترا أمام غرفة الكشف منتظرا خروج الطبيب

* بعد دقائق*

خرج الطبيب وقال لوالد سليم الذى استقبله بلهفة وقلق على ابنه: أستاذ سالم متقلقش ابن حضرتك بخير هو بس جاله هبوط بسبب قلة الأكل ... أنا علقتله محاليل وإن شاء الله هيبقى كويس
سالم: بجد يا دكتور... طب أقدر أخده معايا
الطبيب: أكيد يفوق بس ونطمن عليه وبعدين يروح معاك عادى
سالم بإرتياح: شكرا يا دكتور

*فى منزل الفتاة*

هجمت إسراء عليها فأوقعتها أرضا وهى تحاول غرس السك_ين فى جسدها
كانت الفتاة تمسك يدها تحاول مقاومتها وإبعادها عنها ولكن دون جدوى
كاد السك_ين يخترق قلب الفتاة حتى جاء أدهم وآدم من خلف إسراء وسحبوها للخلف

أدهم: احنا آسفين جدا أخونا تعبان نفسيا حقيقى بعتذر
*تحدث بصيغة المذكر حتى لا يكشف شقيقته أمامها بما أن ملامحها قد أُخفيت بسبب القلنسوة ولم تضح أمام الفتاة*
الفتاة وهى ترجع للخلف بغضب: تعبان نفسيا تسيبوه يق_تل فى خلق الله
أخرج آدم بعض النقود من جيب بنطاله وأعطاها للفتاة قائلا: حقك علينا احنا هنوديه المستشفى حالا بس أرجوكى بلاش شوشرة
التمعت عين الفتاة بفرح والتقطت النقود من يد آدم وهى تعدها وقالت: لا لا ألف سلامة ربنا يشفهولكم

سحب أدهم السك_ين من إسراء التى فقدت الوعى
ثم حملها آدم على كتفه

أدهم: متشكرين لذوق حضرتك وعد الموضوع دا مش هيتكرر
الفتاة: ياريت علشان المرة اللي جاية هيكون فيها بوليس
أدهم بنفاذ صبر: إذا عيشتى الم...أقصد أكيد حضرتك سلام عليكم

ثم أخذ شقيقيه وعادا إلى منزل إسراء
أدهم بقلق: هنعمل إيه يا آدم
آدم بتعب: مش عارف بس أنا خايف على إسراء وكمان بتصل بمروان مش بيرد وآخر حاجه تليفونه اتقفل
أدهم: مروان تصرفاته اتغيرت أوى... هو اسمه متذكرش فى أي لعنة فى الكتاب دا
آدم: لا محصلش بس فى لعنة تالته ظهرت ومكتوب الإد_مان
أدهم بفزع: إد_مان؟ طب مين اللي هتصيبه نلحقه قبل ما يحصل
آدم بقلة حيلة: مش مكتوب شكل الكتاب دا مش بيقول غير لما الكار_ثة تقع دى عادة قديمة عنده باين
أدهم وهو يضع رأسه بين كفيه: خلاص تعبت ومبقتش عارف أعمل إيه وبقيت خايف من اللي الكتاب بيعمله وبفكر دايما يا ترى دورى هيجى إمتى وإيه اللعنة اللي هتبقى من نصيبى ولو حصل وخدتها هأ_ذى حد من اللي بحبهم ولا لا
نظر إليه آدم بحزن متذكرا هنا فأردف أدهم قائلا: مقصدش يا آدم والله
آدم بإبتسامة: ولا يهمك اللي حصل حصل ولازم نتعلم منه ولو لقدر الله حصلك لعنة مؤذ_ية أوى مش هسمح انك تإ_ذى حد بتحبه
أدهم وهو يأخذه فى حضنه: حقك عليا
آدم بهدوء: أنا اللي آسف على كل اللي حصل

*فى ڤلة رعد وآسيا*

كان رعد جالسا على الأريكة فى غرفة الإستقبال يهز ساقه بغضب
دخلت آسيا ومن الواضح أنها عادت للتو