فتاة الميتم وأحببت مقدم

البارت الاول

اول موعيت عل  نفسي اني عايشة بميتم جنت دائماً
اسئل المديرة نصيحلها ماما جنت أكلها وين ماما الحقيقة ويه تكلي امج مسافرة من ترجع تأخذك واني
يومية باليل اكول باجر راح تجي امي وانام واني
اتخيل لحد مصار عمري ٩ سنين عرفت امي مراح
تجي تاخذني رحت سئلت المديرة كلتها ماما لعد
شوكت تجي امي الحقيقة كالتي انتي كبرتي ولازم
احجيلج كالت انتي لكيناج الفجر باب الميتم وانتي
عمرج ٥ ايام واخذناج ومحد سئل عليج كالتلي
اتعودت على حياتج لأن انتي ماعندج احد غيرنا
احنه اهلج الميتم بيتج اني جان عندي بس صديقة
وحدة اسمها سمر جربايتها بصف جربايتي طبعاً احنة
نام بالغرفة ٦ بنات كل وحدة عدها جرباية وساعة
بال ٨ بليل يطفون التلفزيون ميقبلون هاي بالعطلة
لحد ال ٨ بس بدوام المدارس ميعلكون التلفزيون
احنة مندمجين بالكارتون تجي ام نضال اطفي
ام نضال هية التسبحنة وتسويلنة شعرنا اذا سوت
بشعر وحدة تسريحة لازم بشعر الكل تسوي نفس
التسريحة وجنة انظف جربايتنا معلمينة من احنة
اصغار ومن نروح للمدرسة جان عدنة ابو احمد
يودينة ويجيبنة والبنات بالمدرسة يكولن بنات الميتم
لاتتقربون عليهم واني وسمر جنة انجع المصروف
ونطيه لام نضال مو تروح للسوك تجيبلنة سوارات
لو قلايد وجان عدنة وكت للدراسة وكت للراحة
يعني جانت حياتنة منظمة واذا جبنة درجات عالية
مروح لامنة هيه احسن من أمنه نشوفها الدرجات
وتنطينة حلويات جنه نجمع الحلويات مالتنة اني
وسمر لنهاية الأسبوع حتى يصيرن هواية ونكعد
ناكلهن بالدوام بس ناكل وندرس بس بالعطلة يعني
نظف نعاون ام نضال مجان شي ناقصنة يعني عايشين
بساطة على كد حالنة لحد مصرنة عمرنا ١٠ سنين 
كاموا يفهومنة تكعد امنا وتكلنة ديربالكم اخاف احد
يحجي وياكم كبل عيطوه بالشارع وتكعد تفهمنة
وجانت كل جمعة تبات يمنة وتكعد تحجيلنة شلون
لكتنة وحده وحده وشلون جان شكلنة وجانت
تاخذلنة صور ومحتفظة بيهن وهيه مسميتنا وجنة
نكعد لحد ساعة بال ١٠ بس يوم الجمعة واني قبل
مانام اكول يعني هسه اني عندي ام وأب وهمه
يدورن علية ويحبوني وجنت ابجي وانام متعلمة
يومية وجانت سمر حريفاً اكثر من اختي يعني
نتشارك بكلشي الاكل الملابس وجان العالم اذا اجتي
شافتنة اني وسمر نحط ايدنة على كلبنة منريد
نفترك لأن انب ماعندي احد غيرها وهيه وماعدها
احد غير الحمدللة صار عمرنا ١٣ سنة ومحد اتبنانة
وشوية خف القلق لأن العالم متتبنة هيج اعمار
يعني يتبنون الي عمرهم أشهر او سنوات يعني
اطمنة من هاي الناحية يوم الجمعة جان طالع الكَمر
طلعت لحديقة الميتم جان يجي واحد يريد يتحرش
بيه ماعرفة اول مرة اشوفة كمت اعيط امنه جانت
بايتة يمنة طلعت هية والبنات وكتلوا واني وياهم
ودكت عل شرطة اجوي اخذوه
ماما: سوالج شي يمه اني صوجي ابو احمد مريض
وجبت هذا الحيوان بدالة
شجون: لا ماما مسوالي شي
شافتني كاعدة ارجف اخذتني للغرفة ونامت بصفي
وحظنتني ونمنة ظلينة نفس روتينا ناكل نشرب
مدرس نام ماعدنه شي غير هاذا الروتين اجة اليوم
الي متوقعناة اجوي عالم اتبنوه سمر واني وياها
بس نبجي اخذوها واني ابجي حتى باليل مانام
بس ابجي والعائلة الي اخذت سمر نقلوها من المدرسة
حتى بالمدرسة ماشوفها رجعت يوم الخميس للمدرسة
جانت واكفة ماما بالباب جان تكلي غمضي عينج عندي
مفاجئة الج غمضت كالتي فتحي لكيت سمر كبالي
حظنتها وابجي وهيه هم تبجي طبينه للغرفة لكيتها
جايبتلي هداية جايبتلي كلشي جنت اكولهها اتمنى
اشترية
سمر : شجون بعد كل أسبوع اجي واجيبلج هداية
اهلي الجديدن عدهم فلوس ويقبلون اشتري اي شي
شجون: صدك شلونهم اهلج
سمر: كلشي أريد يجيبولي يحبوني
شجون: راح تحبيهم اكثر مني
سمر: لا طبعاً انتي اكثر
ظلينة كاعدين تقريبا ساعتين ونص وكالوها يلا نريد
نروح ودعتها وكمت قريت وخلصت ونمت وسمر
كامت تجي كل أسبوع وجيبلي غراض لحد مصار
عمري ١٦ سنة انكطت سمر كامت متجي علية
واروح اسئل ماما تكلي هايها عدها اهل ميصير
كل أسبوع تجي هنا لعد همه ليش اخذوها
واني يومية ابجي اكول سمر هسة تحب أهلها
الجديدن ومتحبني ظليت على هاي الحالة وصرت
صف خامس اعدادي ادبي واني اقرة شاطرة الحمدللة
وجانت تجي ماما دائما تكللنا تره من يصير عمرجن
١٨ سنة لازم كل وحدة تعتمد على نفسها لأن بعد
ميصير تبقن بالميتم وصرنا صف سادس وامتحنة
واكو بنات وكعن والحمدلله نجحت وطلعت معدل ٨٢
وقدمت على كلية بمحافظة علمود السكن الجامعي
طبعاً اجه اليوم الي مجنت أريده يجي ودعنا امنا
ونبجي وانطتنا فلوس وكتبتلنا رقمها بورقة كالت
اذا تحتاجون شي من اي احد دكولي طبعن كل بنية
راحت بطريق واني ركبت سيارة تروح لهاية المحافظة
وجنت خايفة وارجف بس مابين لاحد حتى لايستغلوني وصلت لهاي المحافظة وظليت اسئل لحد
موصلت للجامعة طبعاً اني مسجلة بالسكن الجامعي
وانطوني باج صغير ومكتوب علية اسمي ورقم الغرفة
حتى ادخل واطلع بيه رحت للغرفة لكيت بيها بنات
اثنين سلمت عليهن الغرفة بيها ٣ جربايات جرباية
منفردة وجرباية امل طابقين هيج كل وحده حجزتلها
مكان اني أخذت الجرباية الفوك وصفطت ملابسي
قسمنة الكنتور واتفقنة لازم نشتغل حتى ندفع فلوس
مال الغرفة لأن الغرفة مو بلاش طبعن بالايام الأولى
بالكلية يسون حفلة تعارف ومدري شنو اني مداومت
رحت ادور على شغل لكيت شغل نادلة واتفقت وياه
عل وقت والمبلغ يعني زين احسن من ماكو رجعت
للسكن ساعة بال ٦ آلة اشوف الباج يلا ادخل طبيت
للغرفة طبعن وحده من البنات ابوها ينطيها فلوس
يعني مايحتاج تشتغل النبات لين ولارا الينطها ابوها
فلوس لارا ولين بعدها ادور شغل كتلهن لكيت شغل
يعني علاقتي بيهن سطحية كلش على كد السلام
والاسئلة داومت اول يوم بالكلية وجان عادي
يعني ميفرق شي خلصت المحاضرة الكل طلع
بقيت اتي كاعدة بالقاعة افكر شلون يرادلنة
هواية غراض للغرفة يعني يرادلنة طباخ صغير
وادوات مال طبخ لأن ماعدنة بشنو ناكل طلعت برة
سئلت البنات شكم محاظرة عدنة اليوم كالوا اليوم بس
وحدة طرت من الفرح رحت للسكن حطيت راسي
ونمت وفزيت قبل موعد الشغل بنص ساعة بسرعة
غسلت وبدلت ورحت للشغل وبديت بالشغل من ساعة
بل ٥ ل٨ بالأسبوع خمسين طبعن مو بس اني جنت
اشتغل يعني اخلص شغل واروح تلزم بنية بدالي
لأن مطعم راقي وعلية هواية ناس وجنت اخذ الاسبوعية واضمها وكلنة نشترك ونشتري غراض للغرفة
اشترينة طباخ صغير وادوات مال مطبخ وكل شهر
نشترك وندفع مال غرفة ٧٥ الف كل وحدة ٢٥ عشرين
والسكن جان جبير كلش ٣ طوابق احنه جنة بالطابق
الثاني .
هنا وصلنة لنهاية البارت اذا عجبتكم القصة اكتبولي
حتى استمر واذا معجبتكم هم كتبولي وتصبحون على
خير 💜