أمير صار يتجاهلني اكثر من قبل يعني عبالك احنة
غربة يعني صار يطب للغرفة بس من يريد ينام لو يسبح ويبدل ويطلع ظليت على هاي الوضعية لمده
شهر كامل يومية عركة ويه ام أمير لو وية ميار
وماعندي احد اشكيله بس زهراء
وزهراء تكلي صبري هذا زوجج وماعندج احد غيره
طبعا اني مكلت لاحد أمير بعده ممتقرب علية فكلت
خاف اني بية شي عندي مشكلة واني مملاحظة جنت
كاعده بالمطبخ جان تجي زهراء وتكعد بصفي
زهراء.. هاا شعندج صافنة اكو شي سولفي
سولفتلها وهية مقصرت نصحتني وكالتلي رتبي
نفسج ميكجي لبسي حلو ميصير تبقين هيج
اهتمي بنفسج الرجال يحب المرة التلبسلة وتتزين
اني هم كلت خلي امشي بنصيحتها اتغدينة وغسلت
الاماعين وأمير بعده بالدوام
صعدت لغرفتي سبحت ولبست ثوب مال نوم أحمر
قصير وسشورت شعري وحطيت مكياج وتعطرت
وكعدت على جرباية انتظره انفتحت الباب أمير
فات للغرفة بدون مينتبه دينزع ساعتة جان يباوع
علية من المرايا مال ميز جان يرفع حاجب نزع
قميصة مال دوام ونزع الحذاء كمت رحت علية
حظنتة وهاي جانت اول مرة اتقرب منه هلكد
اني حاظنتة وهوه واكف متحجر ولا بادرني بالشعور
بس كلت مايخالف باوعت علية حاولت اسيطر على
دوموعي فشلت باوعت علية ودموعي موكفن
شجون.. أمير ليش دسوي هيج وياية اني بشنو غلطت
اذا اني غلطانة بشي كلي ليش تخليني محتارة أمير
ليش تتجاهلني اني شسويت حتى تعاقبني هيج
باوع علية أمير وكمل نزع هدومة وطب للحمام
سبح ولا حجة وياية كلمة واني فقدت عكدت بالكاع
ابجي احس كرامتي انهانت مسحت دموعي وكمت
بدلت هوه بعده بالحمام ومسحت المكياج ولميت
شعري كلت وين ميريد يوصل خلي يوصل طبعى
بذاك الوكت مبقالي بس شهرين وادوم طلع من الحمام
سئلتة بدون مابوع علية
شجون.. نقلتني هنا بالكلية لو بعدك
أمير.. يي كملتها
كلت بكلبي همزين سمعنة صوتك
شجون.. شوكت يبدي الدوام مليت من الطاقات السلبية
التطاير بهالبيت
باوع علية بطرف عينة ورافع تك حاجب واتمدد
وجر الغطة مني ونام اني همين حطيت راسي ونمت
صح اكول نمت بس قبل النوم اذكر كلشي واضمة
بكلبي وأسكت وأوكل أمري لربي مادري شنو الغيره
المشكلة ميحجي وياية وميقبل احجي وياه تعبت
YOU ARE READING
فتاة الميتم وأحببت مقدم
Romance"وألتقت أرواحنا في ذلك اليوم"..♡♡ بنية يتيمة عاشت حياتها بالميتم والصدفة جمعتها وية شخص غامض هل راح تعرف شنو سبب الغموض وتقع بحبه او عكس ذلك راح تعرفون تفاصيل القصة اذا قريتوها
