فتاة الميتم وأحببت مقدم

البارت الخامس عشر

طلعنة اني وأمير اتوجهنا للمحكمة واني احس اكو شي

غلط يعني اني اليوم العقد مالتي على الإنسان الاحبة

ليش اني ضايجة وحتى أمير ممبين علية الفرح وصلنة

للمحكمة جان يجي واحد هوه وبنية سلموا على أمير

أمير.. هذا صديقي وزوجتة راح يشهدولنة

سلمت علية الابنية طبينة عقدنا وطلعنة وزوجة

صديقة لأمير هلهلت وطشت جكليت ابتسمت برغم

الحزن البداخلي أمير باسني من خدي

أمير.. مبروك حبيبي

شجون.. الله يبارك بيك

زوجة صديق أمير.. مبروك انشاءلله يوم الاشوف الطفل
بيدج
ابتسمت

شجون.. انشاءلله

سلمنة عليهم ورجعنا للبيت واجتي زهراء وسهام

باركولنة وميار مرت سيف باركتلي وهية كاعدة حتى

متعبت نفسها وكامت وأم أمير علساس متخربطة

ونايمة بالغرفة كاعدين بالصالة ردت اكوم اروح للغرفة
أمير.. شجون

انداريت علية انصدمت من نبرة صوتة مدري شبيه بذاك الوكت

شجون.. هاا

أمير.. بعد باجر الحنة وراها الزفة ونفظها مابية حيل

نجرجر بيها بعد أكثر

اباوع علية من يحجي عبالك يتآمر محجيت شي

هزيت راسي ورحت للغرفة بدلت وطلعت حتى اساعد

البنات بس سهام متقبل اسوي شي تكلي انتي عروسة

كعدي ومن تكول هيج ميار تتخبل تكول احنة مو

جنة عرايس اشو نشتغل لو هاي عل راسها ريشة

جانت شكد تحجي ماجوبها اتجاهلها تريد بس الاسنها

حتى تلزمها علية بس اني اسكت عبالك مسامعة شي

ثاني يوم رحنة اني وأمير نأجر بدلة هوه اختارلياها

يصير اردانها تول ولون اوف وايت على بيج كلش

حلوه ونازكة حجزنا صالون واباوع على أمير احسه

يتجاهلني بأشد الطرق يعني حتى رسايل ميراسلني

واذا جنت بالصالة كاعدة يفوت يسلم ويصعد واني

ماعندي هاي السوالف مال عاقد علية أكدر اصعد

لغرفتة حتى لو حلالة بس لازم كدام الناس اني ماحب

تطلع علية سمعة وهاي شيماء واكفتلي عل زينة والشينة

كلش أنقهرت من تصرفات أمير مادري ليش هيج

واشوف نظرات حقد وخبث بعين أمة وميار