Meant to be YOurs

Chapter 10

Sab cadets & faculties wahan se chale jate hain siwaye Aalekh, Naina, Gunny, Shalini and Rajveer ke

Aalekh: kya yaar Naina... humne toh chennai ghumne ka plan banaya tha, aur uncle ne sare plan pe paani pher diya

Gunny: haan toh maine pehle hi kaha tha ki itni planning mat karo, par tum dono ko meri sunni kahan hoti hai

Aalekh: kya yaar bhai... ab jale par namak mat chidko, waise hi dimag kharab hai

Gunny: acha chal sad mat ho, waise tujhe ek baat bataun Aalekh... dad ne weekends ki chutti cancel nahi ki, toh tum dono weekends pe Chennai ghum sakte ho

Aalekh (excitedly): yeah!!! phir toh bahut maja aayega... Naina pehle na hum beach par ghumne jaenge, uske baad shopping aur uske baad

Shalini : bas bas, baki planning tum dono baad mein kar lena... abhi aaj wali party par concentrate karo, jo Gunny aur Major tumhe bhulane ki koshish kar rahe hain

Naina : aise kaise... Gunny bhai hame party chahiye

Gunny: lekin hum dono mein se dega kaun, kyuki hamari bet toh tie ho gayi

Aalekh : hame nahi pata kaun dega... hame toh bas party chahiye

Naina : haan, aur aap dono ek kaam kariye... sare party expenses half kar lijiye kyuki aap dono ki lagayi bet tie ho gayi... aur haan indo chinese mein se kuch order kariyega kyunki, hame wahi khana hai... kyun Aalekh?

Aalekh: haan

Gunny:  bilkul nahi, party hogi toh healthy khane ki... otherwise no

Yeh sunkar dono Aalekh aur Naina gandi shakal bana lete hain, jisse dekhkar Shalini kehti hai

Shalini: don't worry, tum dono jakar rest karo.... main in dono ko handle karti hoon, aur haan aaj tumhe indo chinese food hi milega dinner mein

Yeh sunkar Naina aur Aalekh dono khushi ke mare uchalne lagte hain, aur uske baad wo matter shalini par chodkar wahan se chale jate hain

Shalini : ya toh tum aaj indo chinese order kar dena Gunny, warna tumhe bedroom mein entry nahi milegi

Gunny: yeh kya baat hui yaar Shalu, main indo chinese isliye order nahi kar raha kyuki wo Aalekh or Gudiya keliye training ke dauran thik nahi hain.. . aur yahan tum mujhe unke liye blackmail kar rahi ho

Shalini: jo samajhna hai, samjh lijiye... aaj dinner toh hum teeno ki pasand ka indo chinese hi aayega

Rajveer (Gunny ki help karne ki koshish karte hue) : par doctor

Shalini: aap toh kuch boliye hi mat Major, aapko bhi ache se janti hoon main... aap apne dost ko hi support karenge, aakhir inki tarah health conscious jo hain aap.... par main aapko bata doon ki agar aaj aapne indo chinese food order nahi kiya, toh hum teeno mein se koi dinner nahi karega... aur yeh final hai

yeh kehkar Shalini wahan se chali jati hain

Rajveer: yaar Gunny... tujhe kya puri duniya mein ek Dr. Shalini hi mili thi kya shaadi karne keliye... yaar kisiko bolne ka mauka tak nahi deti... kaise handle karta hai tu inhe ?

Gunny: tujhe jab kisise pyaar hoga na tab main puchunga tujhse, ki tu apni wali ko kaise handle karta hai

Rajveer: yaar, jisse dekho wo mujhe pyaar par lecture deta hai... yahan tu aur ghar pe wo Neil, aakhir yeh pyaar hota kya hai