گعدت بصفها واشوف الناس كلها فرحانة وخالة
سعاد شاعلة الدنيا الحضور اغلبه بنات بنات
عمها وخوالها ونور وبنات ويانا بالكلية كلهن
حلوات بس ولا وحدة دخلت بنضري جانت
اعيوني ونضراتي وحتى گلبي ايباوع عليها
جانت خالية من المشاعر لا تضحك ولا تبجي
ولا حتى تبتسم لما لزمت ايدها سحبتها
بدون ما اتباوع بعيني خالة سعاد والنسوان ايصيحن
_ بوسها ولا اتخاف من امها
لما اتقربت منها وبستها من خدها ابتعدت عني وحسيتها رجفة اني اهنا لو ميت احسن لي على كمية الحزن الي حسيت بيها حسيت كأنو واحد خانگني وبس اريد ابچي طلعت سريع وصعدت بالسيارة وضليت اضرب بالستيرن بكل قوتني كأنو هو سبب بال اني بيه
_ لك إياد الحمار خليت اكثر بنية اتحبها تخاف منك وترجف
اضرب بالستيرن لحد ما حسيت بدموعي ينزلن الحمدلله جانت السيارة مضللة لان ما حسيت اشگد بچيت
ياسمين****
مرت الخطوبة واني هادئة لان ما اعرف
اشلون اتصرف رجعت للكلية مثل جسد بلا روح
مرة الايام واني روتيني اقرة وانام حتى مرات
ما اكل نزل من وزني 7 كيلو بدت تحضيرات
الزواج وامي كل يوم طالعة للسوق ما خلت
شي ما اشترته وما خلت ابو محل ملابس
وفساتين ما شافته البدلة اختارتها هية
و اني ما اعترضت جانت كلش سمبل
و اني ما اتصلت وحجيت ويا إياد غير
مرة وحدة سألته عن عنوان الشقة مالته حتى
انروح انصفط الاغراض وانطانياه
راحت امي ورجعت توصفلي الشقة وجمالها
وگعدت اختي وتحجي وياها عن جمال الشقة
نرجس: انتي اتخيلي الشقة اطلالتها ع مول المنصور والترتيب الاثاث بسيط وكله بالون الابيض حتى المطبخ ما امبين ولد گاعد بهاي الشقة لوحده ل خمس سنوات مبين جديدة
سارة : الله يوم يا ريتني اجيت
ياسمين: ترا زودتنها ليش اشبيه بيتنا جنه قصر
نرجس: هية مو بال حجم اگلج جنها شقق المسلسلات شقة طابقين الطابق الاول صالة
و مطبخ وحمام والطابق الثاني اسويت
ياسمين: واذا يعني شسوي على كلن اني رايحة انام
اليوم اجى يوم العرس مثل الخطوبة گعدت
الساعه بالأربعة الصبح بدلت ورحنا للصالون
رجعنا للبيت جنت اشوف الفرحة بعيون الكل
اشوية واجى اياد صعدت وياه بالسيارة بدون كلام رحنا للقاعة جانت القاعة اتجنن واضائة صفرة والكوشة دخلت وگعدت فاتت سارة ونور وريم و سمر لابسات نفس البدلات وقدمن عرض بين الاضوية جنت اباوعلهن واضحك وبعدين اجن
عمات اياد ومرة عمه كل وحدة انطت قطعة ذهب احلى من الثانية و اياد لبسني تاح ذهب
گمنا نرگص جنت اتجنب اباوع لاياد بس جان
الدنيا ما شايلته من الفرح والإبتسامة شاكة
وجهة وطلعنا
وگفنا اب باب القاعة واشوف كومة ولد نصهم اعرفهم من قسمنا لعبو لعب الاغني والدبكات
ورگصو جوبي واياد وياهم خلصو وسلمت على اهلي وصعدت بالسيارة الطريق چان هدوء خليت راسي ع الجامة وسويت نفسي نايمة من طبگ السيارة ونزلنا صعدت فتح الباب ودخل صعدت للغرفة قفلت الباب بدلت ونمت گعدت ثاني يوم
نزلت لابسة حجاب مع انو اني ممحجبة لگيت
إياد گاعد بالصالة
YOU ARE READING
ابنة العميد
Romanceفي منتصف بغداد هناك فتاة ذات حظً عاثر تفارق جميع احببتها الى ان تلقى من سيشفيها من صدمات الماضي البائس ... ياسمين
