ابنة العميد

part 10

اُخذ مِن فَرح گَلبيّ اذا گلبَك يعَانيّ.
___________________________
دخلت للصالة واشوف النسوان كلهن گاعد
يبجن والملاية اتصيح على بنات عمو لان بس
يبجن بصوت عالي بس نجوم ماكو دورت عليها بالاخير لگيتها حاشكة نفسها

بالزاوية وتبجي
ياسمين:بلا نجوم تعال
هزت راسها "لا"
ياسمين:نجوم بس گومي اشو اتحركي ايصيحوج بالمطبخ

متقبل اتگوم اجر بيها ومتقبل تتحرك النسوان
كلها اتباوعلي عفتها ورجعت المطبخ لگيت
احمد واگف متلهف

ياسمين:متقبل تجي
احمد:يعني اشلون متقبل تجي
_گاعد تبجي ومتقبل اتگوم
_لا على بختج روحي جيبها متدرين شيصير
بيها من تبجي هسة اكيد وجها مطعون احمر ويتحسس خشمها منا هية عدها حساسية
اوفف ياربي

_عوفها من حقها تبجي وتزعل واتطلع الي
بگلبها علمود نفسيتها بعدين ترتاح
_ايي بس خطية

_روح هسة انتة ولا تشغل بالك
_عليج الله ديري بالج عليها
_اخليها بعيوني

راح واني اكو سعادة بگلبي لان بعد اكو هيج
حب واكيد اذا هو ايخاف عليها تبجي راح
ايدير باله عليها ويكون الها سند ورا ابوها

رحت يم النسوان خلصت الملاية لل 1:30 گمنا انصب اكل واني هم ما اكلت التهيت بالتوزيع

دمشق: ياسمين إياد ايريدج بالباب
رحت اله واني گالبة وجهي وكلام وشكل
مرام ايدگ براسي

ياسمين:ها اياد
اياد :لا بس علمود الغراض والبنات انطونياهن

اردف
_انتي اشبيج مريضة تعبانة ؟!

انتبهت على نفس گالبة وجهي فوگ حزنه
وتعبه ازود عليه

ياسمين:لا مابية شي بس نفسي تلعب
_ليش تلعب
_اكو ريحة بخور قوية جوة
_يلا عزيزتي ديري بالج على نفسج ولا اتعبين
روح واكلي لا اتضلين بلا اكل

_اكلت
_لا اتجذبين شفتج بيضة من البارحة
مماكلة شي

ابتسمت له

_ايي مماكلة
_يلا لعد ادخلي اكلي

باوع داير مدايره شاف المطبخ فارغ جر راسي
باسه وطلع واني اندرايت لگيت مرام وراية
ابتسمت الها وفتت لگيت نجوم گاعدة بالغرفة
گعدت ابصفها

ياسمين:نجوم روحي شوفي احمد اكل شي
خطية من البارحة
نجوم:هه هو اني اريد احد يسأل علية مو اني
اروح اسأل على العالم
_ايي انتي اكو احد يسأل عليج

ابسمت ابتسامه استهزاء

_ايي منو 😏
_احمد
_احمد ؟!
_اي احمد تدرين من البارحة لليوم كم مرة
اجاني نجوم اكلت ، نجوم شربت، نجوم
نامت لو اتعرفين اشگد انقهر من عرف
رحتي للنجف لو من گتله

گاعد تبجي گال هسة اكيد وجها مطعون
احمر ويتحسس خشمها منا هية عدها
حساسية اوفف ياربي