أنتِ تنوبين عن كل لطافة العالم.
🌺🌺🌺🌺🌺🌺🌺🌺🌺🌺
.عاتبته اشگد وجان ايگول انتة بعدك عريس
وملازم اشغل بالك خطية عمة شيماء ملازمه
يمه كل يوم تجي اتشوفه واتروح ردت
ابقى يمه بس ما قبل
رجعت للبيت ولگيت ياسمين منتضرتني على العشة ابتسم الها بتعب
_كل يوم بعد اتأخر حتى الاگيج منتضرتني
_ههه لا اشدعوة اصلان اخاف بوحد
گعدت اكل وعيوني اتقفل من التعب لان البارحة ما گدرت انام من التفكير
_ايي اشلونه عمو سامر
_مو زين ايسلم عليج
_الله ايسلمه بس ليش
_كلياته فرد نوب على ساعة ايوگفن وخطية عمة شيماء كل يوم عنده
ياسمين**"
اباوع لاياد يحجي بتعب وإرهاق يفرك بعيونه
ويرفع بشعره يادوب كمل اكل وشمر نفسه
على التخم ونام باوعت له نايم بالمگلوب اكيد
باجر يگعد ضهره متكسر
عفته وصعدت ثاني يوم نزلت لگيته ياكل
والساعة 2
ياسمين: ياا شبساع رحت ورجعت
_بعدني مرايح
_يا ليش
_راحت علية نومة
_ايي عيني چان گعدتني اسويلك ريوگ
ابتسم بثگل وگال
_لا عمري ما ردت اتعبج
گعدت اكل ويا كملنا شلت المواعين للمطبخ
واشوفه يفتر بالبيت ويطگ بضرهة والله
عرفت من نومة البارحة
گمت شلت المواعين غسلتهم وطلعت
البامية اريد اسوي گعدت يمه وهو جان
يشتغل بالحاسبة باوعلي ابتسم واجى
گعد اگبالي وگال
_اطلبي طلب
_طلب ايش
_ما ادري ايي شي
_ههه اياد اشبيك
_ما ادري احس مقصر وياج ، من صارلنا 3 اشهر متزوجين وانتي ما شفتي يوم حلو وياي
ضحكت وخليت ايدي بحلگي وگلت امممم
ياسمين: ماطول هيج خل اطلب طلب بيه خير
_ههه يلا شوفينا ابداعاتج
_اخذني للسينما
ضحك ضحكة قوية وگال
_هههه اي اخذج اشعندي غيرج
_صدگ
_والله
_ايي اكو سينما فاتحة جديد بمول ال^^^^^^^
_يلا گومي بدل
_صدگ
_اشبيج كل ساع گايلة صدگ مجذب عليج
_لا بس متفاجاة اول مرة اتطلعني
_بعد اشبعج طلعات لحد ما اتگولين كافي اريد
ابقى بالبيت
ضحكت وگمت انداريت عليه وگلت
_ايي من نرجع انتة هم اطلب طلب
_هه الله كريم
صعدت بدلت ونزلت طلعنا وصلنا واني فرحانة
لان اول مرة احد ايخليني اني اختار الفلم دخلنا وكلش طلع حلو الفلم بس إياد خال وجهة علية ومبتسم
ياسمين:اياد
_همم
_اشبيك
_مابية شي
_لعد ليش جاي اتباوع علية متباوع على الفلم
_البطلة حلوة
انداريت اباوع على البطلة وصدگ حلوة بس شگرة
حجة بنفس النبرة الهادئة وهو خال ايده جوا حنجه ويباوع لي
_بس انتي احلى منها
BINABASA MO ANG
ابنة العميد
Romanceفي منتصف بغداد هناك فتاة ذات حظً عاثر تفارق جميع احببتها الى ان تلقى من سيشفيها من صدمات الماضي البائس ... ياسمين
