تحـدث عنهـا قائِـلاً:
مثـل منـزل عائِلـة سعيـدة
ڪان قلبهـا يُربـي طمأنينتِـي!♥️
_________________________________
ياسمين :قمر تعالي
_ها عيني
حبيبي إياد طلع وگال عينج على البيت
اتگدرين اتقفلين الغرف
_ايي صار
صعدت الدرج ورجعت نزلت
قمر :بس شوفيهم اشوكت ايجيبون بابا شنو
رأساً ايدفنوه ما انشوفه
_هسة اسأل إياد انتي اصعدي
صعدت واني گلت للنسوان ايگعدن على التخم اتصلت على إياد گال ربع ساعة ويوصلون گلت للبنات على مود ايگعدن بالگاع وفرشت بالگاع لان نسوان اهواي اجن
وانترست الصالة مع انو هية حيل جبيرة گال
إياد شوفي الاستقبال اذا نضيف دخلت لگيته
حيل ضخم ونضيف وحتى ريحته حلوة گتله
ودخلو الزلم بيه وگف اب باب الصالة واشرلي طلعت
ياسمين : ها عيني
_اكو ولد بالمطبخ اني دزيته گولي له
شمحتاجة
_صار
رحت للمطبخ شفت ولد اصغير يطلع 15،16 سنة
احمد :ها خالة انتي ياسمين
_ايي
_دزني إياد گال شوف مرتي شمحتاجة وخل
اتسوي جاي
رحت شفت الجاي اشوية مو گد الزلم الي اجوي
_اي عيني اريد جاي كمية ومي لان ما كو مي
اوزعه صار
طلع الولد واني دخلت البيت على صوت
العياط عرفت جابو التابوت يابة اشصار بية
گلبي انمرد امشي وافرك بگلبي من شفت
البنات سبعتهن مالتمات على كبر ابوهن اني
لا إرادياً گمت ابجي
استبرق : گوم بوية گوم موجنت ما ترضى ابجي
اني بنيتك الجبيرة گوم بوية شوف بناتك اشصار بيهن بلياك شوف شمس انمردت بلياك مو
جنت اتگول ما اموتن اذا ما اشوف ابن نور
اشو متت وما شفته اخ بوية شمس بعدها ما متخرجه ترضاها اتعوف ابنياتك
مسحت ادموعي ورحت للمطبخ گعدت اسوي
جاي واني اسمعهن يبجن ابجي وبس سمعت
اصريخ قوي انطيت الجاي لاحمد ابن خالة
البنات والصريخ ايزيد من يمي قفلت ذاني
بعدين اتذكرت نجمة ركضت للصالة اشوف
النسوان واگفات والبنات مجلبات بالتابوت
ادور من وصطهن واشوف نجمة جاي اتملخ
بشعرها حضنتها وما أريدها اتباوع وهية تضرب
بية حيل اتريديني اهدها واني مقابلة لان
خلصت شعرها لحد ما هدت وطلعو التابوت
وهية عضتني بجتفي شاغت روحي بس بقيت حضنتها لحد ما اجت نور تركض واتصيح
نور:نجمة وينن
هديتها وركضت لاختها حضنتها وتبجي
نور :مشكورة خية
گمت جبت مي انطيته لنور
_اشربي حبيبتي انتي حامل ما ايصير
تبجي وتباوع لنجمة النامت بحضنها
ياسمين : انطينيها اوديها اتنام بالغرفة
شلتها وديتها وگعدت بصف نور اواسي بيها لحد
ما دخل احمد
احمد : خالة إياد ايريد بعد جاي
نور :ليش إياد ما راح وياهم الدفنة
احمد :لاراح بس قبل لا يطلع گال گول لياسمين اتسوي جاي واني ياهية اگولها صيحيلي خالة ياسمين متعرفها
YOU ARE READING
ابنة العميد
Romanceفي منتصف بغداد هناك فتاة ذات حظً عاثر تفارق جميع احببتها الى ان تلقى من سيشفيها من صدمات الماضي البائس ... ياسمين
