ابنة العميد

part 12

مــا كنت أؤمن بالعيون وفعلها
حتـــى دهتني بالهوى عينـاكِ
"_____________________"
_احبك 
خليت وجهي بجتفه ونمت گعدت لگيته طالع
والساعة 2 اتكاسلت اگوم والفرحة مسايعتني
گعدت من اتذكرت البنات نزلت اركض لگيتهم بالمطبخ ايسون اكل

ياسمين:ياا والله اسفةة انطيني نجوم
اني اگلي
نجوم:يا شسالفة
مرام:انطيها انطيها الاميرة النائمه
شنو احنا جاين نخدمها

عتيت الخاشوگة من ايد نجوم وهي طلعت
برة اترزل مرام واتهددها اتگول لنور ما اهتميت وسويت اكل وگعدنا ناكل

مرام:ياا شنو سالفتج اتعوفين رجلج بدون
ريوگ ايروح للدوام
ياسمين:هو ما گعدني لو ايريد جان گعدني
_بس ديري بالج ترى بعدين ايروح يلگاله
وحدة اتسوي ريوگ

گمت معصبة بدون ما احجي وياها
نجوم:ليش ياسمين تعالي كملي اكلج
ياسمين:خلاص شبعت

گمت كملت شغلي ومن سمعت صوت الباب
وگفت اب باب المطبخ دخل إياد وابتسمت
له صعد بدل واني كملت العشة واسمع صوته

بالصالة يضحك ويا نجوم اشوية واجتني
نجوم المطبخ

نجوم:احمم ياسمين تتذكرين صديقتي
الي گتلج عليها اتحب واحد

بدون ما التفت عليها گلت
ياسمين:خوب گولي لي احب احمد
وفضي السالفة

سكتت انداريت عليها لگيتها منزلة
راسها مستحية

ياسمين:ترا عادي ليش هلگد استحيتي
نجوم:هسة اتكولين علية مستخفة بالسبعة
مال ابوها واتحب واحد
_لا بالعكس اصلا الواحد يعرف قيمة الإنسان بالمصايب

_زين شوفي اني مگتله استحي اشلون

ابتسمت الها وگلت الها
ياسمين:من اگول اگلج اشلون
ضحكت وگالت

نجوم:يعني مگايلة لاياد
اتقربت عليها وكلت بهمس
_اييي

ضحكت وباوعت علية
نجوم:احنا اثنينة يراد النا اختصاصيت علاقات
ضحكت على كلامها وقاطعنا صوت اياد

إياد:لا ياسمين وين صار الاكل
ياسمين:يلا جاية روحي نجوم ودي الاكل
على الميز

گعدنا ناكل بهدوء فتنا اني ونجوم غسلنا
المواعين وگعدنا كلنا بالصالة إياد مشغول
بالحاسبة خطية زاد عليه الشغل ورا وفات عمه وحتى صار يجي متأخر

نجوم: إياد اتحب ياسمين ياسمين ؟!
اباوع لإياد الي مشغول گال بدون ميرفع
عيونه من الحاسبة

إياد:ايي
رجعت باوعتلي گالت
نجوم: ياسمين اتحبين إياد
ياسمين:ايي
إياد ايباوع لي ويباوع للحاسبة ايحاول
ايكمل شغله سريع وعيونه علية خليت ايدي
على حلگي اداري ابتسامتي درت وجهي
اباوع لنجوم

نجوم: إياد شنو اكثر شي اتحب اتسوي
الك ياسمين
إياد قفل الحاسبة وگال
إياد:من تلعب برموشي
عزةة واني عبالي ما يدري قويت ايدي على
حلگي اندارت علية
نجوم :وانتي