نيران الغيرة (عشق وإمتلاك)

البارت الثامن (مصدر قوّتنا)

البارت_الثامن
#نيران_الغيرة (عشق و امتلاك)
#بقلمي_نرمين_السعيد (برنسيسN)
قال النبيّ عليه الصلاة والسلام: (انْصُرْ أخاكَ ظالَمًا أوْ مَظْلُومًا فقالَ رَجُلٌ: يا رَسولَ اللَّهِ، أنْصُرُهُ إذا كانَ مَظْلُومًا، أفَرَأَيْتَ إذا كانَ ظالَمًا كيفَ أنْصُرُهُ؟ قالَ: تَحْجُزُهُ، أوْ تَمْنَعُهُ، مِنَ الظُّلْمِ فإنَّ ذلكَ نَصْرُهُ).
________
عفواً ع التأخير بس العرسه كلت كتاكيت نبع الحنان 🥺 و هي بناء عليه نكدت عليا أنا و أخواتى بجد و الله مش بهزر رابطه دماغها و مصدعه من الحزن ع ٢٣ كتكوت ربنا يصبرها دى كانت بتهتم بيهم أكتر مننا دي خدت وصلة المروحه بتاعتى عشان تعملها فى اللمبه و أهم ماتوا💃 قصدي 😭 لا و كل ده كوم و قهرتها أن العرسه و لا الفأر خد ٢٣ و ساب ١٠ كوم تانى جايه تقولى الفأر ده  مش حقانى المفروض كان خد النص و سابتلى  النص المهم قرأه ممتعه و انا هروح انادى عم عبده أمام الجامع و نشوف حوار مامى  و الفأر و العرسه الظالمه اللى كلت كتاكيتها يمهل و لا يهمل و ده درس لكل أم متخديش وصلة المروحه من بنتك الكيوت 🥺 عشان الكتاكيت لأن كده كده العرسه هتاخد حقها منك و من كتاكيتك اللهم لا شماته 😅🤭 يلا مع نيران الغيرة(عشق و إمتلاك)
________________#بقلم_برنسيسN

                       "مصدر قوّتنا"
مر اليوم دون أن يتحدث الأخوة في شيءٍ ، و اتفقوا علي أن يتقابلوا غدًا ، عاد حمد إلى منزله لم يجد بدور فتذكر أن أم شبل أخبرته مساء الأمس أنها ستأخذ الصغار و تذهب إلى منزل والدها، فاستغل الفرصة و هدوء المنزل و دخل إلى غرفته و نام فهو يعرف أن الأيام القادمة طويلة و مليئة بالتوتر و لن يستطيع النوم.

داخل منزل عمارة الباسل، تجلس بدور فوق الأريكة و أمامها أختها بدر زوجة العمدة عبد الكريم " تساعد زوجة أخيها هنوات بتجهيز العشاء.

تعمدت بدور أن تظهر العقد الكبير الذى يزين رقبتها مع إصدار صوت متكرر لأساورها الكثيرة ، لمعت عيون هنوات بانبهار حين وقعت عينيها على العقد، تبسمت بدور و قالت:
_مالك يا هنوات ؟

ردت هنوات بتردد :
_مفيش ، هو أنتِ شارية المشربية دى جديد أنا أول مرة أشوفك لابساها؟

أخفت بدور ابتسامتها و قالت بلا مبالاة:
_أيوه جديدة بس مش أنا اللى شاريها ده حمد اللى جابهالى.

تبسمت هنوات بحزن :
_ربنا يباركلك فيه .

نظرت لها بدر بطرف عينها ؛ لأنها تعرف أنها كاذبة لقد أخذت رأيها بها حين اشترتها منذ أكثر من شهر، تجاهلتها بدور و عادت تنظر لزوجة أخيها و قالت :
_إلا ما فى مرة ورتيني حاجة و قولتِ سند جايبها أنتِ خايفة نحسدك ؟

وقفت هنوات و قالت :
_هتحسدينى علي إيه يا حسرة ده اللى جاى على قد اللى رايح ده لو في جاى أصلًا، أبوكِ اللي بيجيب و بيدفع كل حاجة و هو يدوب يشتغل و بس .