ضحايا داعش

الثَالِثة

مـابال الفرَح لايطيقُ وصـلنا

مـاباله لايزورُ أرضـنا
مـاباله لايشـرحُ صـدورنا
مـاباله لايُسـعدُ أيامـنا
مـاباله لايَسلكُ طـريقنا
وأن رأى دربنا
أغشـى عينيه کإنه لايرانا؟

ألهذه الدرجة نحن مـنبوذون ؟
وأرضـنا يسـتعرَ مـنها كُل شيء!
والفرح يرانا مـقبرةٍ لا امـل للحياة فيها!

لمـاذا ؟

وهل ذنب أرضـنا انها وقعت ضـحيةٍ
في أيادي طـغاةٌ انفسـهم ضـعيفةٍ
دنيئة تشـتهي لِذات الدنيا
فتُبيع الآخرة مـقابل أشـباع نفسها
أُناس مـُلئت أعينهم بلذة السـلطـة
فباعوا ارضهم وناسهم بثمنٍ بخسٍ
جعلوا دمـائهم وارواحهم ثمناً لإرضاء نزواتهم

_ يقفُ العراق ع قدَمـيين مـقطـعة
الأشلاء، ينزفُ بدم ابنائه، يقفُ شـامـخاً بهم..

الفاتحه الى ارواح شهداء ثورة عاشوراء
رحم الله اجسادكم الطاهره واعان الرب قلوب اهاليكم المفجوعه

***

سـطـعَ ضـوء ﺍلشـمـس الأظـلم يُعلن عن بدﺍية يومٍ جديد، يومٍ سـيکون حافلاً بالدمار والمـأساة ع ابناء هذه المدينه..

جلنار : عرفنه الدنيا صبحت بس احنه في ظلام دامس داخل القبو الهوه هنا بالكوه يوصلنه فكيف ضوه الشمس!
جانت بنيه ورانه كاعده سألتها،

جلنار : عيوني بيش الساعه هسه ؟

البنيه : هسه صارت ب٦ ونص

_ اليوم احد يعني هذا اليوم الثاني النه هنا، يوم واحد قلب حياتنه انقلاب جذري بعد ماجانت الفرحة والراحة والامان تملي ارواحنه هسه انملت خوف ورعب وتعب نفسي وجسدي.

محد جان متوقع هالشي، محد حاسب حساب لهيج يوم مأساوي..

مأكدر أنكر خوفي رغم محاولاتي حتى اصير قوية واحمي امي واختي شكد ماكدر، بس مأنكر شكد خايفه ومرعوبه
من وضعنه الحالي..

كلشي مجهول، وهذا الموتني خوف ماعرف شراح يصير يمكن بأي لحظه يسوون بينه شي ويمكن لا..

هذا التردد والتفكير شراح يصير وشلون
والقلق والافكار السوداوية التجي براسي
اكلت روحي من الخوف..

كلشي مجهول مرعب؛ لان ماتعرف مصيرك شنو وشلون حيكون..

بحياتي كلها اكره الغموض والاشياء المجهولة الي ماكدر اعرف شنو هي وشنو نهايتها، احس بخوف قوي اتجاهها واضل بقلق وتفكير مستمر..