ضحايا داعش

السَادسِة

صباح الحب والمحبة عليكم🥰💖
بارت السادس صار جاهز استمتعتوا
اتمنى دعمكم بنجمة وتعليق بين الاسطر
ونورتوني🤭

#اسينات_السعيدي

°°°°°°°

العَطله أنتهت هسه الدفاتر بيض
حِلم مر بعَجل بس خَلص بذكره
ومن أول شمس دَگت علينا الباب
گلته أستاذ هسه شنكتب شنقره ؟
گال أول درس نرسم وطن للناس
يتحدهَ الالم ويكابر بصبره
شلت أيدي بخجل وبخوف
گتله أستاذ نگدر هالدرس ماناخذه نعبره
لأن كلش صعب ويتعب الرسام
ودفاترنه تخلص ماناخذ أصوره
وذا أرسم وطن لازم وطن مذبوح
ترضه أرسم وطن مذبوح من صدره ؟
وشكه مني المعلم للمدير أهواي
يگله شكد عنيد يعاند بزغره
أگله أرسم وطن لابس ثياب العيد
يرسملي شظايا وجثث متوذره !
شسمها الخارطة البيها العراق يميل ؟
يگلي أستاذ أسمها الخارطة الحمره
عددلي العراق شعنده من جيران
يگلي جلاب كلها أنيابها أمگشره
احجيلي عالنفط وشعدنه من مخزون ؟
يگلي من النفط مانمتلك گطره
أگله ارسم حقد يلهم بيوت الناس
يرسملي مدافع تقصف الثورة
أگله ارسم شمس تطلع بنص الليل
يگلي أستاذ يعني أنقشمر الگمره
حذرني المدير وگالي مفصول
حتى من البدال أتصيلك عبره
على حجيك تريد تعلم الطلاب
لازملي وطن بس تلهج بذكره
ودعت أصدقائي بخاطري المكسور
ومن يگدر كسر والخاطر يجبره
لأن كل منتصر لو گلب التاريخ
يلگه أسم العراق معلگ بنصره
يابو المعضلات وياك أنه احتاريت
كل الطالعك بكتابك محيره
كل لحظه حرب
كلساعه صوت إنذار
كلساع تنذبح من شيعتك حضره
١٢عد الشهور ومايمرهن عيد
بس عاشور بيك ١٣ مره
من طبرت علي لو تحسب الطبرات
صار بحضرتك ستين إلف طبرهَ
يا أول كنيسه تبدلت انجيل
يا أخر مطاف أزيارتك عمره
سمعته من الحجاز وبيك مر الصوت
من ردد نبيك سورة اليقرأ
وربك ماگطع يوم النخه ابراهيم
إحمي البيت من جيش ابرّهَ وكفرهَ
هم انت بأمان ومانخاف إعليك
لأن أرضك قدس بيها اثنعش دره
نحط شعبك أمانه بحضرت العباس
ونگتبلك حرز يم فاطمة الزهره
دليني على درسك حته أضل سهران
حته افرش كتابي عالجمر وقرا
لكن ياعراق أله افتهم معناك
وأخذ بيك لازم عشره من عشره
إذا أنت أبو والوالدين أعزاز
ويوصينه الجليل إعليهم بذكره
أكيد بحضرتك نزلت بعض آيات
ليعصي الوطن هم تنحسب كفره
أريدك ياعراق بهيبتك محراب
أريدنك أصيل وديرتك حرّهَ
أريد المدن عدهن غيرت أبن جواد
إذا قصفو الموصل تزعل البصره

___________

_ جاهزين الأبطال.

حسام : جاهزين ريس ننتظر إشارتك.

محمد : ها سيدي نقصف ؟

_ استعدوا أريد الكاع تفور بيهم.

الكُل : حاضر سيدي.