سلام الحب عليكم✨🤍
بين أناملكم الحلوة بارتي الجميل
:- #اسينات_السعيدي
لاتنسون متابعة الحساب + التصويت بنجمة + تعليقات بين الأسطر ونورتوني 💖
« انه ابيض كلب ولساني لسان
واذم كلمن مشه وياي مكلوب
حسبالي صدك صحباني احباب
شمدريني دغش مليانه الكلوب
شكثر صاحو هله بجيتك يبو فلان
وهسة بس اجي تتقفل البوب
كل ساعة جرح كل ساعة نيشان
جرح يجرح جرح بس اني ماتوب "
___________
صبحت الدنيا من زمان وهسه الساعة ب١٠ونص وجلنار لهسه نايمه ع نفس الجهه ماتحركت كلساع أتلمس خدها قلقتني ماتتحرك بنومها عبالي ماتت هبطتني، مشايف هيج واحد مايتحرك ومايغير نومته لعد مرتضى شبي من ينام عبالك ديتعارك بالحلم، رفعت البطانيه شويه عنها الجو صار دافي أحسن من الليل مسحت ع راسها ع كيف، حيدر منتبه عليها تنام هواي اذا تتعب نفسيتها لذلك يوميه صبح هو يروح يكعدها غصب حتى لاتنطوي ع روحها ومانسمع غير صياحهم شلون إثنين دوخه وعطلات تكابلوا واحد أعند من الثاني.
تحركت كاعده من النوم تفرك بعينها وخرت ايدها.
فرقان: عينج لاتفركيها هيج موزين عليها.
جلنار: ليش موزين_بنعاس_؟
فرقان: مادري بس اسمع حيدر يكلج موزين ع عينج فيعني موزين لاتسوينها.
جلنار: تمام، صباح الخير.
فرقان: صباح النور يبرتقال ديالى.
جلنار: بعدك لهسه كاعد ليش منمت؟
فرقان: اي بعدني بس غمضت عيوني وخرت التعب، فتحتلها بطل مي.
جلنار: شكرًا، كعدت تشرب منه ورجعته يمي ورجعت نامت ع المقعد تباوعلي بنظرات تصرخ بالفضول اي يجلنار دربنا طويل وياج مايفيد التخويف مال أمس.
فرقان: اسألي بويه حتنفجرين من فضولج.
جلنار: اممم شنو السبب الثاني اليخلي حيدر خطر عليا غير حبو للشهادة ؟
فرقان: إهتمامه بالمقابل نعلعله ضميره شايل حنية بكلبه كارثية بحيث احنا الولد اربعتنا سبب علاقتنا وياه صار من اهتمامه بينا وحرصه ماكو هيج بشر ابد لو ندور دنيا كلها مانلكه مثله كامل من كلهن بس هذا شي بي سلبيات طبعاً.
YOU ARE READING
ضحايا داعش
Actionيِلفح بوجهي بأنفَاسو الحَارة يلهث بعُنف وعصبية همس بأذني. _ لج انه أبو لبدة الاگطع رووسهم گطع بيدي تاليتي أختل منهم هيج ختله بسببج، لازمني من خصري يضغط عليه ويه كل كلمه بقوة. _ ح حيدرر عدتأذيني وخررر. ° _ نداء من صقور السماء إلى أسود الأرض تم القضا...
