محلة نجيب باشا
بقلمي عطر الياسمين🌸🖤
البارت4
__________________
بعض الأوجاع تبقى تفاصيلها عالقةً على رفوفِ ذكرياتِنا
و مهما طال بنا الزمان و تعاقبت عليها السنوات تعجز يَدُ النسيانِ ان تطالها ..
________________
نضال ...
- ابويه ويييين؟!!
التفتت لكيته كاعد بالطرمه على الكرسي كلت لعد اميي ... اميييي وين امي اصيح و اركض زياد ركض ورايه لزمني من ايدي
- على كيفج اوكفي افهمج
تركته و ركضت ليجوه يركض ورايه يحاجيني و اني حتى مدا افتهم اللي يكوله طبيت اركض و اتلفت بالوجوه مثل المخبله من دخلت للأستقبال ماكدر يدخل ورايه لأن كلها نسوان
و شفت امي كاعده بين خالاتي و لابسه اسود ؛ شعوري ماينوصف بهذيج اللحظه ..
فرحانه لأن امي و ابويه بخير و خايفه من اللي راح اسمعه .. لعد منووو ولكم منووو
بقيت افكر اخواني اللي شفتهم بره زياد و نهاد ويييين حيدر؟!!
وين حسن منو ماااات ؛
لزمتني عمتي و حجت :
- على كيفج يمه انتي نفسه
- شكو عمه شصاااير؟!!
نزلت دموعها و حجت :
- انور يمه انور استشهد
شهكت و حطيت ايدي على وجهي و بجيت بصوت عالي و ارد عليها :
- لاااا لا عمه لااا لا تكوليها .. شلون استشهد؟!!
شوكت دفنتو؟
سحبتني هي و ابتهال كعدوني و حجت ابتهال :
- نضال اليوم الأربعين مال المرحوم
ضربت على وجهي و صحت :
- الأربعين؟!!!
يعني من يوم ولادتي هو مستشهد؟!!
و اني؟؟ و اني شنوووو؟؟ مو اختتتته؟!!
محد يكلي؟!!
ردت عمتي :
- يمه لأن نفسه خفنا عليج مو زين تنهبطين
بجيت و رديتها :
- و تدفنو بدون مااشوفه؟!!
بدون مااودعه؟!!
ما اسامحكم ابد مااسامحكم
الكل صار يواسيني و يصبر عليه و نار قلبي ماتطفى جابولي مي شربوني و يقنعون بيه
لخاطر ابنج مو زين عليج بعدين حليبج يأذي
_______________
عبد الرحمن ...
كل هاي المده ساكت و ما حجيت انتظر الناس تخف و البيت يفرغ .. فض العشا مال الأربعين و راحو الغربه
بقو بس ولد اخويه كاعدين يمي و ولدي ؛ حيدر كاعد على يميني و ابراهيم و طالب ولد اخويه الجبير على يساري
بأيدي السبحه افرك بيها حيل و نار قلبي ما تطفى حيدر يعرفني بشنو افكر حتى لو مااحجي
عصرت السبحه بقبضة ايدي و وكفت لحيلي و احس نار تطلع من عيوني
أنت تقرأ
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل
