ثم يفضحهم الله اما العالم أجمع
و تكتشف أن إنسانيتهم ليست إلا ثوب مهترئ
و خرقه باليه تختبئ خلفها جرائمهم البشعه
ضد براءة الطفولهعن غزّه التي باتت تحت الرُكام اتحدث💔
اللهم كُن عوناً لهم و اربط على قلوبهم بالصبر و الإيمانمحلة نجيب باشا
بقلمي عطر الياسمين🌸🖤
البارت 45
____________
استنكه ربعك زين و تخير أخيار
صير انت مثل الموت ما ياخذ العار____________
ايناس ..
ما كدرت اصبر بقيت الوب و قلبي محترك على اخويه سمعت صوت باب غرفته انفتح سبأ فاتت للحمام و هو بقى وحده بالغرفهرحت ركض دكيت الباب عليه جاوب بصوت
مخنوك .. تعاليمسحت دموعي و شجعت نفسي و دخلت للغرفه كعدت يمه كتله .. شبيك عيني ليش هيج مقهور و غاث نفسك
نزل عيونه و نزلت دمعته وياها مديت ايدي مسحتها و حضنته و حجيت .. حبيبي الرزق بأيد الله وحده ياما اطباء كالو ما يصير و الله سبحانه و تعالى يقول كن فيكون ماكو شي بعيد على رحمته ليش تيأس من اولها
- اني مثل خالي يمكن نفس حالته و هذاك هو شوفي بقى بحسرة الأطفال و ما صار عنده
فاتت ماما و سمعته و ردت بسرعه .. منين جبت هالحجي و شجاب وضعك على وضع خالك هو شي و انت شي لا تحرك بنفسك يا ابني
بعدين خالك صارله ٣٠ سنه متزوج و هذاك وكت و هسه وكت هسه الطب تطور و اكو مستشفيات و اطباء مختصين بهالأمور و الله كال اسعى يا عبدي و اعينك
انتو مر على زواجكم سنه هاي السنه خلصتوها بالمشاكل و يوميه متعاركين احسن من المشاكل تصافو بينكم و شوفولكم طبيب زين حتى لو بره العراق هم تروحون تتونسون و هم علاج
هم تتغير نفسيتكم شويه انت هم ضغط الشغل و المشاكل و يوميه يدزوكم مشروع بمكان و الدنيا ما تتأمن و هي هم تشيل همك و هم اخوانها و تخاف عليكم
هز راسه بهدوء و كال .. الله كريم
دفعت الباب مينا و فاتت تزحف باوعت على حسام و ضحكتله ابتسم بحزن و اشرلها تعالي اجتي تضحك و شعرها نازل على عيونها زحفت بسرعه عبالك واحد يركض وراها سندت ايدها بالسرير و وكفت
مد ايده الها شالها و حضنها و باسها جريت حسره و دعيتله بقلبي يارب يبرد قلبك و يترس حضنك بالذريه الصالحه
ورا شويه اجه عمار دك الباب اخذت مينا و سلمت على اهلي ماما كالت .. ابقي تعشي
- لا خطيه هسه عمار تعبان اروح هناك اسوي عشا
- اي شبيكم مستعجلين يوليبوستها و رديت .. مو يوميه اني و بنتي مكابليج المفروض هسه انتي تكوليلي كافي روحي لبيتج دخنا طلعت فات بابا ويا طلعتنا ما قبل نروح لأن وقت عشا
![](https://img.wattpad.com/cover/320701244-288-k273463.jpg)
ESTÁS LEYENDO
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل