အခန်း (၁၇၂၉) : ကိုယ့်ကိုပဲ ကြည့်နေစေချင်တယ်
ဂူမန်မန် အသက်ပြင်းပြင်း ရှူသွင်းလိုက်သည်။
ဂရက်ဂိုရီနှင့် နှိုင်းယှဉ်လိုက်လျှင် သူမက သုံးကြိမ် လက်ထပ်ထားသည့် အတွေ့အကြုံရှိသော အမျိုးသမီးတစ်ယောက် ဖြစ်သည်။
ထို့ကြောင့် ပိုပြီးတော့ ရင့်ကျက်သည့်ပုံစံ ပြုမူသင့်သည်။
ထို့အပြင် သူမက ဝံပုလွေပေါက်လေးကောင်၏ မိခင်ဖြစ်ပြီး ဂရက်ဂိုရီက အသက်၁၆ နှစ်သာ ရှိသူ ဖြစ်ခဲ့သည်။
သူတောင် အရွယ်ရောက်လာပြီဆိုတော့ သူမလည်း ထပ်ပြီးတော့ မူမနေသင့်တော့ဘူး
သူမ၏ သေးငယ်နူးညံ့သောလက်လေးဖြင့် သူ့ပါးလေးကို ထိကာ ပြောလိုက်သည်
" ကျမက ဒီလိုတောင်းဆိုမှုမျိုးကို နှစ်ပေါင်းတစ်ထောင်တောင် စောင့်နေခဲ့တာကို ရှင်သိရဲ့လား"
ဂရက်ဂိုရီ ကြောင်အသွားကာ ရုတ်တရက် ဘယ်လိုတုံပြန်ရမည်ဆိုတာကိုပင် မသိတော့ပေ။
တကယ်တော့ သူက ဂူမန်မန် ငြင်းတာဖြစ်ဖြစ် စွန့်ပစ်တာကိုဖြစ်ဖြစ် ခံဖို့ အသင့်ပြင်ထားပြီးပြီ
အဲလိုအရာသာ ဖြစ်လာရင် သူ့အတွက်တော့ သေဆုံးခြင်းပဲ
သူမသာ သူ့ကို မလိုချင်တော့ဘူးဆိုရင် သူ ကောင်းကင်ယံအထိ ပျံသန်းသွားပြီးတော့ အမြင့်ရောက်တာနဲ့ တောင်ပံကို ရုတ်ပြီး ကိုယ့်ကိုယ်ကို ငှက်စာအဖြစ် ခံလိုက်မှာ။ ဒါမှ သူ့ဝိညာဉ်က ကောင်းကင်မှာ အမြဲတမ်းရှိနေပြီးတော့ သူမ ဘယ်နေရာမှာ ရောက်ရောက် သူ မြင်နေနိုင်မှာလေ
သူက သူမ၏ ကြင်နာမှုအပေါ်မှာ လောင်းကြေး ထပ်နေခဲ့သည်။ အရင်တုန်းက သူ တောင်ပံကျိုးပြီး မျက်လုံးကန်းခဲ့သည့်အတွက် သူမက မနေနိုင်ပဲ သဘောတူမည်ဟု သူ မှန်းဆထားခဲ့သည်။
ဒါပေမဲ့ သူမ တကယ် ပြောလာတဲ့စကားက ဒီတောင်းဆိုမှုကို နှစ်ပေါင်းတစ်ထောင်တောင် စောင့်နေခဲ့တာတဲ့လား
ဒါဆို....
သတ္တိကြောင်နေခဲ့ပြီးတော့ နှစ်ပေါင်းတစ်ထောင် အချိန်ဖြုန်းနေခဲ့မိတာလား
