Unicode
ထိုစကားကိုကြားတော့ ရီနန်၏ မျက်နှာသည် ချက်ချင်းပင်ဖြူဖျော့သွားသည်။ သူခဏလောက် နှုတ်ဆိတ်နေပြီးမှ သူ့ကိုယ်သူ ရယ်မောလိုက်သည်။ "ဖြစ်ချင်တော့ မင်းငါ့ကိုတစ်ချိန်လုံး အသုံးချနေတာပဲ။ တစ်ချိန်လုံးဟန်ဆောင်ပြီး လှည့်စားနေတာ။"
"အချင်းချင်း လှည့်စားတာဆို ပိုမှန်မယ်။" စန်းယွီသည် ပုံဆောင်ခဲခွက်ကို ကောက်ယူလိုက်ပြီး ရီနန်ပြောသည့်စကားကို ပြုပြင်ရင်း ဝိုင်တစ်လုတ်ကို မော့ချလိုက်သည်။
"မင်းသိလား ရှောင်ဟိုင် ကုန်ပို့နေတုန်း ဘာလို့သေသွားတာလဲဆိုတာ"
“သူ့ကို သတ်လိုက်တာ မူးယစ်ဆေးဝါးရောင်းဝယ်လို့ပဲ။ ဒါမင်းအခု လုပ်နေတဲ့……”
"အဓိပ္ပါယ်မရှိတာ!" စန်းယွီခွက်ကို ပစ်ချလိုက်ပြီး အပိုင်းပိုင်းကွဲကြေသွားသောအခါ ကျလာသောဝိုင်နီများသည် သွေးနှင့်တူပြီး အရပ်ရပ်သို့ ပြန့်ကျဲထွက်နေသည်။ ဤအခိုက်တွင် စန်းယွီ၏ မျက်လုံးများသည် သွေးနှင့်ဆင်တူနေသည်၊ "တစ်ယောက်ယောက်က သူလျှိုလုပ်ပြီး တင်ပို့မယ့်ရက်နဲ့အချိန်ကို ရဲကိုပြောပြလိုက်လို့ ဖြစ်ရတာ။"
ထိုမှသာ ရီနန်သည် သင်္ဘောမောင်းသူနှင့် ဝိတ်တာများ ဝိုင်းခံထားပြီဖြစ်ကြောင်း သိလိုက်ရသည်။
"နောက်တော့ သူလျှိုဘာဖြစ်သွားလဲ သိလား? သူ့ကိုမိတော့ ပင်လယ်ထဲခုန်ချပြီး ကိုယ့်ကိုယ်ကိုယ် သတ်သေသွားတယ်။ အဲ့ထဲမှာငါကျိန်ဆိုခဲ့တယ်၊ သူလျှိုတွေထပ်တွေ့ရင် တစ်ယောက်ပြီး တစ်ယောက်ပစ်ချပစ်မယ်လို့!"
"သူတောင်းစား၊ လွှတ်စမ်း!" ရီနန်သည် တိုက်ပွဲတွင် လူ၆ ဦး၊ ၇ ဦးရဲ့ ရိုက်နှက်တာခံရပြီး ကုန်းပတ်မျက်နှာပြင်ပေါ်သို့ ဖိချခံခဲ့ရသည်။
ရီနန်၏ လက်ဝှေ့နှင့် ကရာတေးတို့သည် အလွန်ထူးချွန်သည်၊ ပုံမှန်အားဖြင့် လူ ၄-၅ ယောက်ကိုအသာလေးနိုင်သော်လည်း ယနေ့သူတိုက်သောအခါ သူ၏ အင်အားသည် တဖြည်းဖြည်း လျော့ပါးသွားသည်ကို တွေ့လိုက်ရသည်။
စန်းယွီသူ့ရေကို ဆေးခတ်လိုက်ကြောင်း သူသိလိုက်သည်။
"စန်းယွီ မင်းလူယုတ်မာ! ငါ့ကို ပစ်ချလိုက်၊ အခုပစ်ချလိုက်လေ!"
YOU ARE READING
လှည့်စားခြင်း [mmtranslation] {Completed}
Short Storyမာဖီးယားဘော့စ်ရဲ့ ပြစ်မှုမှတ်တမ်းတွေကို ဖော်ထုတ်ပြီး ထောင်ထဲထည့်ဖို့ ကုမ္မဏီထဲ သူလျှိုအနေနဲ့ ဝင်လာတဲ့ရဲတစ်ယောက်... Name: Deceive (欺骗) Author(s)- 林仑 5 Chapters + Epilogue (Complete) #cover is not its own cover.i make myself and give creadit to its or...