معجزتي أنتَ

Part '12'

روايه معجزتي أنتَ
الكاتبه زهــــره محمـد
•••• •••• •••• •••• ••••
-حساب الانستا
-zahramuhmd

🚫 تنويييه:-
احتمال اكو لقطات متعجبكم اعبروها

••••   ••••  ••••  ••••  ••••  ••••  ••••

𝅄︶︶  ͝ ͝ ⏝ ⊹ ⏝ ︶ ͝   ͝ ︶𝅄 ㅤ

ايهم يكول

رايد وياج اكمل الباقي من عمري 
يا اول عشك صدكي
أريدج بس الي وحدي
يل من اشوفج ارجع بأول العشرين
وكلبي كل دكه من تدك الفين
يا نسمتي ويا فرحتي ويا واهس ضحكتي
رايد يمي تبقين
واضمج بضلوعي وبحضني تغفين

♡بقلم بطلنا ايهم ♡

︵‿︵‿︵‿୨♡୧‿︵‿︵‿︵

ليليان:
من بعد ما نطيت موافقتي واهلي ردوا خبر لام ايهم حددوا موعد حتى يجي يخطبني رسمي من اهلي ويقرون الفاتحه

جنت كلش فرحانه لان ايهم ثبت حبه الي وثبت انو حبه الي  مجان لعبه وكبر بعيني اكثر واكثر هوا بل نسبه الي مو بشر عادي او مجرد شخص احبه لا ايهم اكبر من هيج هوا معجزه اجاني بوقت احتاجيته وكف وياي وساندني

ابد متخله عني ودافعلي وكف حتى بوجه اخوتي واخذ حقي وثبت برائتي مجنت احبه ولا حاسه بوجوده بس هسه صار جزء من حياتي كلش تعلقت بي وحبيته حب كبير مو حب عادي

اليوم يجي يخطبني من اهلي واصير اله بعد معاناة وفتره مرت علينه مثل السم وجرعناها كوه

كعدت من النوم متحمسه مثل أي بنيه تفرح وتتحمس من حبيبها يجي يخطبها رتبت غرفتي ونزلت جوه جانت ساعه 11 الصبح سويت ريوك الي لان هما جانوا متريكين

سويت لفه جبن وخليت وياها خيار وطاطمه وزيتون وخليتها بل كابسه مال صاج اني احبها مكسبه وصبيت استكان چاي وكعدت على الميز الي بل مطبخ اكل وفرحانه واتخيل نضرات ايهم الي شلون رح تكون ويا فشلتي اني اكل وصافنه ومبتسمه واجه بابا فات للمطبخ

- هاا بابا اليوم مبتسمه هههه

- احم هاا اي بابا تذكرت موقف يضحك ههه

- دوم الفرحه ان شاء الله بنيتي

- تدوم بوجودكم حبيبي بابا

- امين اميرتي الحلوه

ام تيم: هااا اشم ريحه خيانه

ليليان: ياااا ماما غير ابويه شنووو متقبلين

ابو تيم: زهرتي انتي حبج بكلبي اله مكانه خاصه

ام تيم: ها لعد تمام يروح زهرتك

ليليان: احمممم ترا اني هنا

طكيناها بضحكه وبعدها كمت صعدت فوك
دكيت على ايهم مره ومرتين ماكو ميرد على اتصالي كلت يمكن عنده شغل أو مشغول دكيت على ايمان وضلينه نسولف ونضحك وهيه متحمسه اكثر مني