روايه معجزتي أنتَ
الكاتبه زهــــره محمـد
•••• •••• •••• •••• ••••
-حساب الانستا
-zahramuhmd
🚫 تنويييه:-
احتمال اكو لقطات متعجبكم اعبروها
•••• •••• •••• •••• •••• •••• ••••
لدي ذلك النوع من الحُب،
الذي يجعل
الأبدية تبدو فكرةً منطقية ..
♡♡♡ ♡♡♡
ليليان...
من بعد ما خلصت العطله رح نبدي نداوم وجمان هم ويانه بس هيه مرحلة أولى واني وأيمان مرحله ثانيه والبنات نفس وضعي لحد هسه ماكو شي محبلن لان منتظرات يكملن دراسه بس اني غير وضعهن
بنفسي اصير ام واجيب ثمره حبنه بس بيد الله بعد هلشي
مافكرت اراجع دكتوره كلت اعوفها على رب العالمين وهوا بعد يدبرها اذا الله كآتبلي اصير ام الحمد لله واذا لا ف لا اعتراض على حكمه رب العالمين
من بدينه دوام لحد هسه ابد ما مختلطين ب اي بنيه من بعد سالفه فاطمه بل اخص اني كلش نلچمت وصارت علاقتي ب اي بنيه سطحيه بس عل محاظرات وبس ماحجي وياهن بأي شي خاص او تفاصيل عن حياتي وهلطلب من ايهم واني هم كلت هيج
جمان عدها صديقه وحده بس وجانت وياها من الاعدايه ف لهذا السبب متيم ما منعها منها لان تعرفها من زمان وكالت اثق بيها وخوش بنيه
وبقينه على هل حال نطلع من المحاظره سوه منختلط ب احد وليسأل نجاوبه على كد السؤال وحتى اكو ولد من يشوفونه متعدين اذا رادوا سؤال من محاظره او شي يدزون بنات يسألن وكلش هلشي عجبني منهم مو من النوع اللزكه
بس اخر فتره لاحظت شخص عينه على ايمان وبس يصفن عليها بقهر ومن يشوفني منتبهتله اخزره ويدير وجها حتى ايمان لاحظته وكلش هلشي زعجنه مع انو يدري بيها متزوجه بس شنو غايته ما اعرف
ف بيوم من الايام جنه كاعدين اني وإيمان بالكافتيريا مال جامعه ننتظر جمان واجه هذا الولد اسمه محمد
محمد: السلام عليكم
ايمان ليليان: عليكم السلام خويه
محمد: طبعاً اجيت اعتذر من عدچن لان اكيد فاهماتني غلط لان اباوع للأخت
ليليان:العفو خويه ليش فاهمين غلط اكو تفسير ثاني لنضراتك؟؟؟
جر حسره ونزل راسه وكال
محمد: والله يا خويه اختي الله يرحمها جانت تشبه ايمان بالضبط ومن اباوعلها اشوف اختي كدامي
اني وإيمان وحده اباوع للخ
ايمان: هيه هاي سوالفكم من واحد يعرفكم تضون تطلعون سيناريوهات
ليليان: كومي ايمان خل نروح نشوف جمان... وباوع انته ترا لبنيه متزوجه واذا وصل الموضوع لزوجها تكبر السالفه ويصير حالك من حال رضا اذا جنت تعرفه
أنت تقرأ
معجزتي أنتَ
General Fictionفلم يتبقى جُزء صغير مني من الصغر إلا و امتلئ بالضَرر من بعد ما مر بي من الغدر كانت عيناها لي كأنها النصر . كنت لا اؤمن ، فاقد الشغف فأذا بثورة احيت ما بداخلي و تغلغل حبها في اوردتي و كل خلايا جسدي و روحي .. كُنت الضحيه لسنين عمقية الاثر لشهور...
