معجزتي أنتَ

Part, 26, Part, 27,

روايه معجزتي أنتَ
الكاتبه زهــــره محمـد
•••• •••• •••• •••• ••••
-حساب الانستا
-zahramuhmd

🚫 تنويييه:-
احتمال اكو لقطات متعجبكم اعبروها

••••   ••••  ••••  ••••  ••••  ••••  ••••

︵‿︵‿︵‿୨♡୧‿︵‿︵‿︵
لقد اذيتني ...
للحد الذي لَم أعد اشعر فيه
أن ثمة قلب في صدري
٬ ان ما يجعل من الم صغير
كهذا قاتلاً بالنسبة لي ...
يجعلني اخشى ماقد يحدث
أن توقفت يوماً عن حُبي ...!

⊹⊹⊹⊹⊹⊹⊹⊹⊹⊹⊹⊹⊹⊹⊹⊹⊹⊹⊹⊹⊹⊹⊹

كعدت انشف شعري شلته ذيل حصان لبست دشداشه ردنها للعكس مال ايدي مخليت مكياج ابد كعدت ايهم حضرتله الحمام طب سبح وطلع مشط شعره ونزلنا جوه واول ما نزلنا النسوان صارن يهلهلن عبالك تونه معرسين

ابتسمت باوعت لايهم هم مبتسم وخجلان كعدنا نتريك و.....

حجت بنيه ماعرف منو بس مشفتها يم النسوان يطلع عمرها توها بل 30 كالت

- ايهم شعجب ماخذ سافره مو محجبه

باوعت لايهم مبتسم على اعصابه وكال

ايهم: لان اخذتها عن حب متت بيها وبثكلها وبرزانتها جماره كلبي هاي والحمد لله صبرت وأخذت بنيه تسوه الكون كله عندي ادب وجمال وأخلاق وعفه

باوعتله ابتسمت على حجايته وحسيت بفخر كلش كبير وباوعت للبنيه مبتسمه غصب عنها ومبينه الفشله بوجها شكد كرهتها

لبنى : اي والله حبيبي تخبل تخبل بسرعه دخلت كلبنا هنيالها بيك وهنالك بيها

ابتسملها ايهم وفتحلها ايده اجه ركض حضنها وباس راسها

هنا ما اوصف شعوري حسيت غصه بزردومي متت من القهر النار صارت بكلبي احس مستحيل تنطفي ردت اكتلهم ثنينهم

ابتسمت بقهر وكمت من الريوك واني كلبي احسه نار حتى ايهم كرهته مادري شبيه صعدت للغرفه وكبل نمت على الجربايه طكيت بجي شويه

ونفتح الباب بسرعه مسحت دموعي ورفعت راسي باوعلي واجاني ركض

ايهم: شكووو شبيج حبيبي منو وياج
ضل يحجي وياي وبس يرد يعرف شبيه

- ضجتي من كلام سمر؟؟

-منو هاي واضوج منها طبها مرض شعليه بيها

- لعد شبيج يروحي يوجعج شي؟؟

- احس لهنا وبعد كافي لازم اطلع الحركه الي بكلبي والقهر كمت بعصبيه اضرب بصدره

ليش لييششش، ليش تسوي بيه هيج شلون نطاك كلبك تحرك كلبي

- لججججج شكوووو شمسووييي شبيج تخبلتي

- أني مستمره اضرب بي واغلط وابجي اخر شي لزمني من زندي وصك سنونه ولزم بفچي ونتر..

- باعي لج لتضلين تجفصين داكول حامل وماريد اذيج بس اذا تتجاوزين اطيح حظج لو مو حامل