روايه معجزتي أنتَ
الكاتبه زهــــره محمـد
•••• •••• •••• •••• ••••
-حساب الانستا
-zahramuhmd
•••• •••• •••• •••• •••• •••• ••••
ماماتت الثوره تعيش ماماتت
وماخلصت زلمنه البلبرد نامت
نكطع اذيولهم ونسكت اليحجون
وبعد عدنه زلم ع ضلم ما هادت
لا عبالك نسكت ودمنه يفور
لعيون العراق اولادنه ماتت
باجر كل شهيد يعيش بلساحه
نخلي احزابكم ماتعرف الراحه
𑁯 zehra_101 ˚ 𝄒𝄒
ورده: عفيه يلا بسرعه استعجلوا اريد اشوف جاسم
صارلي هواي اريد أزور كبره لتتاخرون بسرعه تريكوا
مصطفى: تعالي اكلي كم لكمه ورده حبيبتي وراج
طريق
ورده: لا مشتهي بالعافيه
حسن: اذا متتريكين تضلين هنا
ورده: لا عفيه اكل اكل
ليليان: اباوعلها شلون بسرعه اجت حتى تاكل في سبيل
ميمنعوها من الروحه وشلون متلهفــه علي حركت كــلبي
تريكنا وكمنا بسرعه اني وايام وريم وآيات غسلنا الصحون
وبسرعه لبسنا شالات وطلعنا ، اول مرا اطلع من البيت بـ
عبـايـه وشـال عـدا مـن چـنـت البسهـا بالزيــارات طـبـعــاً
انــي وخـالـتي خـالـتـي ام حمـزه صـعـدنـا بسـيـاره ايـهـم
ابرار ورده ولبنى صعدن ويا حسن والباقين ماعرف عنهم
الطريق كله كضيته بچي على حال ورده وعلى جاسم
ذاك اليوم چنا نضحك ونشاقه واشوفهم شلون فرحانين
واول مچان يحبها عرفته من نضرته الها شلون يباوعلها
ومتلهف عليها ومركز بكل كلمه تكولها ويبتسم لابتسامتها
طلعت فديوهات خطبتهم چنت اصور بيهم شلون فرحانين
عين الشافتهم ما صلت على النبي، نكسـرت وهـيه صغـيره
كريم: لك جويسم لوما اني متخطبها ولا چان حبتك
جاسم: يمعود سد حلكك فضحتنا الله يوفقك
كريم: وچان صاحبها وخذاها وچان صاحبها وخذاها
جاسم: ههههههههههه يفضح عرضك يلخايس
ابرار: ورده دوسي على رجله ههههه
كريم: باع هاي تريد تصير تركيه تالي وكت
ابرار: نلصم انته محد كلك تحچي هاي مو بس الاتراك
يسووها
كريم: أشك حلكج ولج بكدچ انا وتكليلي نلصم الخايسه
حسن: والله محد خايس غيرك يلخايس
جاسم: يمعودين خطوبتي خلوني فرحان لتتعاركون
روحوا تعاركوا برا وتعالوا هنا من تخلصون
YOU ARE READING
معجزتي أنتَ
General Fictionفلم يتبقى جُزء صغير مني من الصغر إلا و امتلئ بالضَرر من بعد ما مر بي من الغدر كانت عيناها لي كأنها النصر . كنت لا اؤمن ، فاقد الشغف فأذا بثورة احيت ما بداخلي و تغلغل حبها في اوردتي و كل خلايا جسدي و روحي .. كُنت الضحيه لسنين عمقية الاثر لشهور...
