معجزتي أنتَ

Part' 19 '& Part '20'

روايه معجزتي أنتَ
الكاتبه زهــــره محمـد
•••• •••• •••• •••• ••••
-حساب الانستا
-zahramuhmd

••••   ••••  ••••  ••••  ••••  ••••  ••••

︵‿︵‿︵‿୨♡୧‿︵‿︵‿︵

سولفلي العشگ مو عيب
حبني بكثر ما احبك
بديني اعله شفتك ماي
ابلل ريج سالفتك
.
♡♡♡ ♡♡♡

حبّني ..
و مِن يجي الضيم إعلى متنك ،
‏راح أشيلنه إعلى متني .

♡♡♡ ♡♡♡

حبني حيل بـ ڪُݪشي بيه
حبني احبك مـن تودني .

♡♡♡ ♡♡♡

ايمان ..

عرسي قرب وحايره بين اجهز للعرس وبين البدلات والصالون وخطيه لؤلؤه ابد معافتني وياي وياي بكلشي حتى نصحتني على هواي شغلات اخذهن اني ماعرف بهيج شغلات طلعنا نشتري ملابس هيه ساعدتني لان احب ذوقها بل لبس واغلب الملابس الي شتريتهن فساتين لان تيم يحب الفساتين واني هم مو كلش وي البناطيل شتريت جنط وحجابات وشغلات احتاجهم ومكياج حبيت اغير شويه على العرس

فرحانه بس احس فرحتي ما مكتمله لان خطيه ليليان ابد محسن احساس العروس منوره الحيه شيماء واشوفها بس تصفن ومرات تنزل عيونها حمره واضح جانت تبچي الله يبرد كلوبهم ويهديهم ان شاء الله

سويت كارتات الدعوه ومحبيت اعزم شيماء لان حيه ومن جوه ليجوه بس ايهم أصر انو اعزمها ومقبل كال اعزميها وماعرف على شنو ناويلها الله اليستر بس تستاهل كلشي يصير وياها

اليوم نطلع اني وتيم نحجز البدلات لان مضل شي للحنه بس يومين خايفه ومتوتره ومتحمسه كل هل أحاسيس بداخلي كمت السبعه مال ليليان تصادف يوم حنتي قررنه نسويهن سوه

سوينه غده اني وماما وليليان لحت تساعدنه محبينه نقيدها تغدينه وكملنه كمنه اني وليليان غسلنه لصحون وتسوينه چاي كعدنه نسولف وماما كالت تروح تنام شويه ضلينه اني وليليان نسولف ونتذكر ايامنه القديمه قبل لنتزوج دك عليه تيم ساعه 4:30 كال احظر روحي لان حيجي ياخذني كمت صعدت بسرعه بدلت وخليت شي بسيط ونزلت

اجه تيم نزل سلم على ليليان بأس راسها وسألها اذا محتاجه شي وهيه احسها بلكوه لازمه روحها حتى لتبچي خطيه والله الصار وياها مو سهل ومو اي وحده تتحمله طلعت وصيتها تسد الباب وبعدها صعدنه بالسياره اني وتيم جان هادئ كلش شخصيته هادئه وثكيله

تيم: خما تشلعين كلبي بلبدلات

ايمان: لعد شلون غير اخذ وحده تعجبني واقتنع بيها