حكمك ياقدر،.؟

بارت *1*

للكاتبة مريم *
،
،
،
___ (مشاهدة ممتعة) ___

رجعت بذاكرتي من جان عمري 7 سنوات
اول ما فتحت عيني عـ دنيا يتيمه وعمي اخذني رباني ويا جهاله
هل انسان شما اسوي ما اجازي دللني وما خلاني احتاج البشر
قبل لٱ اكول اريد الكاه كدامي

لو خالتي وحنانها عليه اكثر م‌ـــِْن جهالها صدك حسسوني كأنو بنتهم

عشت وياهم احلى سنين
صح ما قصروا وياي بشيء بس رغم هاي مكان الاهل محد يعوضه بأقل موقف تحس وحيد بهل دنيا وخاصه اني كل عمامي وعماتي يكرهوني لان بابا ازوج امي مو بموافقتهم وهي من غير طائفه وبابا الرباني ازوج خالتي لذالك مبتعدين عنهم بين فتره وفتره يجونه او احنه انروح الهم

صحيت من صفنتي ع ضربت علوش

علي...ول الصفنه مو الج

ممكن تنجب بلا زحمه عليك تره اذا اعصب متعرف شسوي

علي....طوووووط ام حلك تعصب

عابت دولي اروح انام صعدت بوجهي نمت

كعدت عـ صياح ماما كعدو راح الوقت كعدت لكيتها بــ7 اخذت شور سريع ونزلت

صباح الخير ..
الكل صباح النور
يلا ماما كعدي اكلي حيروح دوامج...

جمانه... بس الًيَوُمًِ اداوم اريد اترك

كلها باوعتلي

حيدر .. شنو بابا خيرج من الصبح وليش اتركين

يزن ...هاي ضاهر بلعتها كامله

حيدر... احترم نفسك شهل الفاض بويه

يزن ... شيخنه عـ كيفك غير نشاقه

سراب ... ولك شو انته صاير فد نوب ادبسزز

يزن ... اهووو واحد يتورط يشاقه

حيدر ... كافي اسكت وانتي جمانه
هل كلام ميمشي عندي تكملين دراستج رضيتي او لا هذه مستقبلج منو يفيدج بعد شكم يوم هذه سلاح البنيه
بـ مجتمعنه وانتي توج ادرسين خامس ابتدائي وكلامي بعد مينعاد...* عافنة وكام*

رحت للدوام اني وضايجه مالي واهس بالدراسه نزلت م‌ـــِْن الخط باب المدرسه شفت الخط راح وركض بيت خالتي جان قريب ع مدرسه دكيت الباب طلعت بنت خالتي نور استغربت ...

نور ..منو جابج ولج

جمانه... اشش خل ادخل متت جيبيلي مي... *دخلت بدون مقدمات شمرت الشال وشمرت الجنطه وشفت رجل خالتي كاعد بالصاله غطيت بملابسي عززه بسرعه جريت الشال

جمانه... شلونك عمو ..

هلا هلا شلونج بويه اليوم وحدج ..

جمانه... ها اي مو حليت وما اجاني الخط

علايه .. ها يمه شلونج شعجب اليوم هنا لعد ودوامج

جمانه... مو نص الدوام وطلعونه

علايه... ليش طلعوكم لعد اديان مو وياج بنفس المدرسه ولهسه ما اجت ليش اتأخرت البنيه

جمانه... خاله تردين الزبده اني ناويه اترك واهلي ما قبلو فـ راح اغيب منا لمن يفصلوني .. *ضلت تحجي عليه وخابرت امي وحجتلها كلشي تخبلت *

اجه يزن اخذني واستلمني الرزايل وابويه شنو كلج وتكسرين كلمته
لحد ما وصلنه للبيت دخلت سلمت محد رد عليه
صاحلي بابا رحت يمه وكال ..

حيدر... شوفي بابا جبت عمري كله ما جابركم عـ شيء والتردو يجيكم قبل لا طلبون تالي هاي جزاتي هاهيه بابا تشوفي مناسب الج سوي اني نصحتج وبعد يمج

.. راح بابا ضايج مني اشوف كلامه صحيح بس اني مالي واهس بالدراسه

تركت الدراسه وضليت بالبيت جان عندي بيت بيوت جبير يجنن
العب بي احط العابي والعب بيهم هيج جنت مخلصه ايامي

مرت الايام وسنين صار عمري 14 باوعت النفسي بالمرايه مو ذيج الطفله كبرت وتغيرت كمت البس عريض وخاصه البنيه بسرعه تلكوها تكبر مفاتنها بعمر صغير

صحيت من نومي ونزلت يوم جمعه احلى يوم عندي جان روتين الجمعه محد يطلع من البيت كلنه نلتم وبالغده ناخذ لحم او سمج وانروح ع شط الكوفه نشويهم

كعد بابا صرفن رداناته ويشوي بالسمج ويزن حط الجاي ع حطب وماما تسوي بالزلايط واحمد مخلي ناركيله ع شط ويشرب وهذني ياخذن صور
صفنت عليهم وابتسمت كلت بنفسي
رَبـــي ما يحرمني منكم
باوعت بابا
رغم عمره جبير بس ما مبين علي بابا من نوع الي يعتني بنفسه كل لبسه قمصان وبناطير

كعدنه ناكل وشربنه الجاي ..

يزن .. اني رايح اسبح

كلهم طفرو ويا حتى يسبحون طفرت من مكاني وكلت البابا خنروح وياكم اسبح

حيدر... لا يبويه تغركين روحي افتري ويا خواتج

برطمت كال

حيدر...تعالي بس نزلي بس رجليج شيطانه

باوعت للشط يخوف بس ما ردت افوته كعدت ونزلت رجليه ميه ثلج وضليت العب بالمي اجت فرح وكالت خل اصورج هاي بدمها يمشي التصوير اني هم ضليت اطبش بالمي حيل تونسنه

رجعنه العصر صعدت الغرفتي اخذت شور ونمت اجت ماما كعدتني وكالت عمتج حاجيه ويا ابوج عليج رايدتج ل محمد وابوج رافض
كمزت من مكاني لا هم عوزه يقبل ثقي بالله ماما اذا قبلتو اشرد
تردون ادمرون مستقبلي ويا تدرون بي يدور بنات ويشرب

ماما .. انجبي وكعدي مديتي لسانج كتلج رفض ومن يجي ابوج نفتهم منا

*
*
*
*
بدون متحجون اعرف البارت قصير بس ان شاء الله البارتات الجاية حتكون اكبر قراءة ممتعة وبقية القصة ان شاء الله حتنزل ع كيفها ماشي حبايبي *🌹

باي احبككم