للكاتبة مريم*
*
*
*
______مشاهدة ممتعة _____
جمانه... اليوم الأربعين مال بابا اربعين الرجال الي عزني وفضلني حتى ع جهاله دللني وعادة حتى اخوته علمودي واذا اتمرض يكابلني ويكعد ودموعه ع خده شنو الغيره هيج جنت متوقعه اذا احجي ويا يوكف وياي مو روان حبت وياها بالكليه وكال الها اذا ابن حلال ويخاف الله بيج يجرالج بابا واحمد اخوي هم كذلك لعد اني ليش ويعاقبني بروحته عني وينام بالكبور بابا فراكك هد حيلي
حيات... اي خيه شايفه بنات هل وكت بكد اصبعي ويدورن حبجيات
مريم .. لوعا بحلكج داده اني خايفه من اختها لدور ورا ابني
سراب .. انتن شوكت تبطلن هذه تخلفجن يعني حته بيوم اربعين اخوجن متبطلن الكال والكلت
حيات .. عـ كيفج خيه انهديتي اول شيء اخوي بسبب هل عار بت اختج توفه الله لا يرضى عليها دنيا واخره
سراب .. ام حسين لحد الان محترمتج وما تجاوزت هاي التحجين عنها تصير بنت اخوج هم لتنسين وماكو بشر ميحب النبي محمد حاجي عنه بس غلطها ما حجت من البدايه واخوج ما توفه بسببها بسبب الدكاتره مابيهم خير فـ رجائا سدي هل موضوع وعدي هل يوم عـ خير
جمانه .. اسمع حجيهن والهضمه بداخلي عفتهن وصعدت الغرفتي قفلت الباب احس هوى ماكو دخيلك ياربي اخذ عمري والله تعبت شوكت ارتاح بحياتي يا الهي مو كد هل حمل والله بعدني صغيره عـ اختبارك ياربي هذا ابوي الثاني اخذته ياللهي الشمات اكلتني بعد استغفرالله ياربي لا اعتراض ع حكمك رحت غسلت وجهي باوعت عيوني حمر ماكدر اعوف امي وحدها هذني يسمنها بالحجي كملت ونزلت خلص اليوم وراحو الوادم دخلت اسبح وشفت المكص كدامي بابا جان يحب شعري طويل هسه صار مو مهم كمشت شعري وكصيته كله لحد ركبتي اباوع شعري كله بالكاع كملت سبح وطلعت لكيت علي منتضر يريد يسبح
علي .. ديلا يختي
جمانه .. اجيت اصعد
علي .. ولج هااي شمسوويه رحت يمها جريت الخاولي وشفت شعرها كسر بيدج يا حيوانه هاي لييش هييج مسوويه بروحج
سراب .. شبيك تصيح يمه عزززه بعيينج هاي شمسويه بشعررج وولج لييش يممه تحركيين كلببي سننينن ادااري بيي
علي .. اذا بعد طخ لساني ع لسانج ما اكعد ويا الزلم
جمانه .. عفتهم يحجون وصعدت نمت ع جربايه ونزلن دموعي الي ماعرف شوكت ينشفن اتمنى بس اغمض وبعد ما افتح شفت الباب انفتح ودخلت امي كعدت يمي خليت راسي بحضنها
سراب .. شنو السبب خلاج تكصين شعرج
جمانه .. بابا جان يحب طوله
سراب .. يمه جمانه رحمي بحالي اني علمودكم لهسه متحمله الراح مو هين هذا ابو بيتي هذا حب عمري وبس انتو بقيتولي من ريحته شوفو حالكم واحد ازيد من الثاني المن اصير الفرح الصار عندها اسقاط لو يزن ميلفي للبيت غير بالوحده بالليل فهموني واحد منكم خل يوكف وياي ويصبرني
أنت تقرأ
حكمك ياقدر،.؟
Romanceالقصة تحجي عن شابة نحجزت لابن عمتها الي توفت وحبت وعاشت وكبرت ولعالم تناست الموضوع لكن شاء القدر ان ينجمعون تابعوا الاحداث ملاحظة :القصة حقيقة 100/100 ومابيها اي شيء خيال
