للكاتبة مريم*
*
*
*
*
______مشاهدة ممتعة _____
جمانه...فجأه وكعت من طولي ماعرف شنو الصار بس مثل الفقدت وعيي عقلي صاحي واسمع كلشي داير مدايري بس جسمي خدران وعيوني مغمضه حيل خفت لا تجيني المرأة فجأة سمعت صوت الرجال
الحجي.. لتخافين بابا هذا علاجج وانتي بيد أبو فاضل(ع) ميتقرب الج شيء يأذيج
جمانه .. عزاا شلون عرف دافكر بي .. مرت دقائق وحسيت وجع براسي مو طبيعي وعيوني غمضن حيل وعبالك صار مثل الضلام بقيت اصرخ ولساني وحده يلهج بأسم أبا الفضل(ع) مـن بعيد شفت مثل النور يضهر ويتقرب الي مثل جسم بشر بس جفوفه مقطوعه وجسمه جبير مو طبيعي ضخم حيل وجها ما شفته عباره عن نور خفت وصارت عندي مثل الرهبه صرخت حيل اريد افتح عيوني تخبلتت
الحجي .. ولج بويه لتخافين هاي حضرج العباس (ع)
جمانه .. يشهد الله ورسوله بعد ما شفت هل رؤيا مدري حلم ماعرف شنو الصار بيه حسيت براحه مو طبيعيه احس رجعت نخلقت بلا هم وبلا تعب صح جنت ازورهم بس ما توقعت بيوم راح يحضروني امي رغم سنيه بس جانت دائما تحجي بيهم كعدت حضنت الرايه وابوس بيها وابجي شفت ايهم تقرب كعد يمي وحضني .. ايهم يعني اني صرت زينه وبعد متجيني المرأة
الحجي .. ههه بويه لتستهينين بأبو فاضل(ع) واذا تردين اثبات كومي نكثي روحج
جمانه .. كمت نكثت البشت واشوف صدك خصله مال شعر طاحت مني صحت... عزاا شنو هاي
الحجي .. متعرفين هاي شنو اذكري بويه هاي نفسها جانت سبب الصار وياج ودمارج
جمانه .. شلون ما اذكر
الحجي .. اكو شخص جاي البيتكم وماخذ هل خصله ومسويلج عليها عمل
جمانه .. تذكرت المرأة الكصت شعري بس خاف احجي وتطلع مو هي واسوي مشكله جبيرة رجعت باوعت للشيخ ابتسم بوجهي مثل الانطاني اشاره كال ايهم
ايهم .. حجي اذا تعرف كول ليش تبقى تتماده وتسوي الاكثر ترا دمرت حياتي وحياة مرتي ف ارجوك تحجي
الحجي .. لا مريتك بعد ما عليها شيء بأذن الله والسالفه تضهر منو وراها لان ربك مايظلم عبد فقير والسحر ينكلب ع الساحر يوليدي اصبرر والصبر مفتاح الفرج يبعد ابوك
ايهم .. اعرف شيخنا ربك مايقصر ودائما يوكف وي عبدة ودام كتلي ربك مايظلم عبدة وراح يبين الحق ونعم بالله لا اعتراض على حكمة ومشكور شيخنا صارت زحمه بشنو تأمرني
الحجي .. لا بويه افااه عليك انه ما اخذ فلوس المهم الوادم تكوم سالمه هاي تكفيني
ايهم .. بعد حيلي والله ونعم منك يلا بويه احنه نتوكل
جمانه .. داكوم وسمعت الشيخ كال الأيهم
الحجي .. وليدي جايتك بشاره عن قريب
YOU ARE READING
حكمك ياقدر،.؟
Romanceالقصة تحجي عن شابة نحجزت لابن عمتها الي توفت وحبت وعاشت وكبرت ولعالم تناست الموضوع لكن شاء القدر ان ينجمعون تابعوا الاحداث ملاحظة :القصة حقيقة 100/100 ومابيها اي شيء خيال
