حكمك ياقدر،.؟

بارت *6*

للكاتبة مريم *

*
*
*
*
*
_____مشاهدة ممتعة _____

جمانه... لحد ما مليت وعفتهم باوعت للساعه بـ8 بيدي الجهاز وطلع صوت وطلع اشعار مالته جنت مخليه برنامج بس اله بساعتها متت جاوب واحس كلبي يريد يطلع من مكانه ايدي ما اسيطر عليهن كامن يرجفن
ردت اجاوبه وسمعت امي تصيحلي عفته خلي يحترك مثل ما حركني هل يومين ونزلت....ها ماما شتردين

سراب .. شبيج يمه وجهج اصفر وتنكثين شنو مصخنه

جمانه ..لا ماما بس جنت اقره وتعبت وميته من الجوع

سراب .. يخسى الجوع هاي الكدوره ع طباخ واصب راح اطير الدراسه يعني لْـۆ اتركيها سنين لو تكتلين نفسج عليه يا يمه هم انتبهي الروحج

جمانه ..تنهدت متدري مو بسبب الدراسه هيج حالي رحت صبيت ردت اكل باوعت مالي نفس رجعته المكانه وصعدت بعد ما اكدر اتحمل و جاوبته

جمانه ..وين جنت؟

فهد ..هلا يكلبي شلونج
مشتاقلج حيل زويزان

جمانه ..بس ما جاوبت وين جنت

فهد ..حقج تزعلين بس والله صار ويانه حادث انه ورايح الجدي وتعاركنه وسجنونه وقبل شوي يلا طلعت

جمانه .. باوعت رغم بررلي بس ما هديت احس نار بكلبي وحمدت الله انو بخير وما صاير بي شي احس مو يومين غاب احس سنين الوقت كوه يمشي حجيت ويا شوي وكتله روح نام وارتاح راح سديته منه وكبل نمت م‌ـــِْن التعب والتفكير كعدت ثاني يوم هم روتين الدراسه بالمدرسه وحسيت نغزات بكلياتي بس كلش قويه بحيث كوه امشي اخذت إذن من المعلمه وطلعت للبيت بعد ماكدر وصلت اتصلت ع ابويه جاوب كتله... بابا تعالي راح اموت كلياتي موتتني ضليت الوج منها لحد ما اجه بابا خطيه يلهث

حيدر .. ها بويه خيرج شنو شبيج

جمانه .. ماعرف بابا احس الم بكلياتي كلش قوي ابجي وكوه احجي

حيدر .. لا ياربي بس لا الوراثه.... اخذتها للمستشفى وتحالليل وسونرات كتلها كعدي هنا اسئل الدكتور شنو بيج واجي

جمانه... راح واجت الممرضه انطتني مسكنات وحب مال اوجاع شوي هدأت ورا نص سَـآعــهْْ اجه بابا وجه اصفر وعيونه حمر

جمانه ..ها بابا شكال

حيدر .. ميعرفون شيء هنا بابا اخذج العصر غير دكتور

جمانه... مَآعِرَفتّ شبيه طلعت ويا بابا وخايفه وكل شوي متصلين علي وصلنه للبيت تلكتني امي خطيه شبيج يمه

جمانه... ماعرف يمه العصر انشوف كال بابا تحليلهم غلط هذه

سراب .. هو غير اعرف شنو شبيها شنو الغلط

حيدر ... التحليل طلع عندها ضعف كلوي وكلياتها حيل تعبانه واذا متسوي عمليه بسرعه يصير عندها فشل وتوكف اجت اطيح ركض كمشها وضلت تبجي