للكاتبة مريم *
*
*
*
*
*
_____مشاهدة ممتعة _____
جمانه... معقوله لبالي...احبه؟ ههه لا لا مستحيل هل شخص اكرها اعاند نفسي واكول لٱ ماكو هيج شيء
بهل فتره انعزلت حتى اهلي ما فكروا يسئلوني ليش عازله نفسج كلها محتاره بدوامها تعودت ع الوحده بس اني والحيطان اغلب وقتي ع تلفون صار عالمي الصغير واشرد من واقعي والوحده العايشه بيها جان بابا ما يطلع اذا ما يكعدني اسويله ريوك ويبوسني براسي يلا يطلع هسه تغير وصار اليوم اذا ما يشوفني بي عادي عنده ضليت فتره ع تلفون وهل شخص اعترف حبيته
حاولت هواي امنع نفسي مـــِْن الكروب بس ماكدر لليل اشوف نفسي بي كاعده احجي ويا صديقتي
دخل فهد و كال شده يا ورد وهمه يردون وراه وبالاخير كال اسمي ضليت مركزه ع اسم اي هذه هو معقوله وحده غيري بس محد هنا اسمها هيج
احس دكات كلبي صارن الف حبيتها منه اخذت الها سكرين وحفضتها بجهازي شفت معاملته وياي تغيرت وين راح الكره الي بينه ماعرف ليش جنت ادور هل شيء مرات اكول بسبب بابا لان تغير وصار ميهتم بيه ومرات اكول لا يجوز حبيت اجرب هلشعور حالي حال غيري ((بس يبقى السبب الاكبر الاهل لمفروض ميهملون بناتهم ميهملون ولدهم الشخص كل ميكبر يبقى بحاجة نصيحة يبقى بحاجة احد وراه يرشدة ع طريق الصحيح لحد يكول اني كبرت مو بعازة احد حتى اهلي وقت الضيق وكت الشدة راح تكون بعازة شخص يسندك من بعد رب العالمين شخص يرشدك ع طريق صحيح شخص يصحح اغلاطك مو بكل وقت احنا صح احنا يبقى السند لوحيد الأهل)) اعتزلت وحدي بغرفتي كلمن ملتهي بروحه جان هذه وقت مراهقتي المفروض بابا يتابعني يعلمني صح من الغلط او اخوتي لو امي جان عندها اهم شي دوامها احسهم تغيرو وياي حيل
لهل سبب جنت ادور الاهتمام والحب ودلال بشخص غير اهلي وشفتهن بهل شخص اهتم بيه ويوم عن يوم تعلقت بي كمت اذا ما اشوفه بالكروب اكتب شي ع منصته استحي اراسله خاص جان يجاوب عليه بالليل ما اهتميت لان يتأخر المهم يجاوب واطمئن علي لحد ما يوم من الايام راسلني خاص شفته كاتب
فهد .. زوز
جمانه .. ها
فهد .. احبج
جمانه... تفاجئت ونزلن دموعي اي يحبني مثل ما احبه حيل فرحت احس هسة ارتاح كلبي ماعرف كلبي جان رايد هل علاقه بس اني ما رايدتها شلون مادري شايفين من كلبكم يجبركم ع شيء متريدوه من يجبركم تتعلقون بشخص عقلكم رافضة بس يبقى القلب الى الحكم الاكبر مو الكل بس هاي الفترة جان الحكم لكلبي وبس بس ما دامت فرحتي تذكرت بابا وثقته بيه شلون اسوي بي هيج احس داسوي غلط كلش جبير هيج اجازي ابويه بعد هل تعب ضليت محتاره ما بين كلبي وبابا
ما رديت علي وضلينه عادي مثل كل مره بس ماكدر بدونه وضليت الوم بأهلي لان هملوني مر اسبوع جنه نحجي وشفته ضايج عرفت لان ما جاوبت علي
كتله.. فهد
فهد... هاا
جمانه... احبك
جمانه... فهد جان كلبه طيب و عـ نيته اكثر شي حبيته بي روحه الحلوه بس الي يعرفه ويعاشره يعرف هل اطباع بي بدت علاقتنه جنت طفله مراهقه وشافت اهتمام من شخص جان دائما يعلمني الصح من الغلط صار الي كلشي قبل لٱ يكون حبيب استمرت علاقتنه اني وفهد واعتزلت عن العالم كله كعدت الصبح واجه ابالي فهد وتذكرت سوالفنه الاخر الصبح ابتسمت لٱ اراديا
نزلت البيت فارغ تعودت عـ هل شيء كعدت بالحديقه وافكر شنو الغيرهم هيج خاصه بابا سَـآعــهْْ اذا ما شافني يزعل عليه ليش هسه تغير وصار ميسئل عني
اختنكت وصعدت فتحت الكنتور وطلعت ثوب امي المتوفية الله يرحمها ويرحم امواتكم شميته وحضنته وكعدت اشكيلها وابجي غفيت بالطيف جن نايمه بحضن ماما وتمسح ع راسي وكبالي بابا وماما الربوني جن اجتهم مره شكلها بشع وتخوف انطتهم طاسه بيها دود وكالت الهم شربوها وهمه شربوها بسرعه فزيت خايفه
ليش شربو الدود وشنو معنى هذه الحلم ضل ابالي وماكدرت اعرف التفسير كعدت احجي ويا فهد وجبناها ع دراسه كال مترجعين للدراسه
YOU ARE READING
حكمك ياقدر،.؟
Romanceالقصة تحجي عن شابة نحجزت لابن عمتها الي توفت وحبت وعاشت وكبرت ولعالم تناست الموضوع لكن شاء القدر ان ينجمعون تابعوا الاحداث ملاحظة :القصة حقيقة 100/100 ومابيها اي شيء خيال
