زينب
من شافني وي سمر وگف على حيله وتقدم علينا
-احمد : زينب مو
بدون وعي
- يي احچي
- عندي امانه الچ لازم تشوفيها
جسمي كله يرجف ومگدرت ابقى واگفه على حيلي گعدت وبديت اتنفس بصوت مسموع وسريع انطاني تلفونه عافني وراح ........
حسام يي چان حسام الي بالتصوير گاعد ع الساتر وشماغي بيده ويشتم بي وتلفونه بالايد الاخرى چان يحچي بالتلفون او الاصح يحچي وي التلفون
-حمامتي مااعرف شوكت راح ارجعلج او اذا الله كاتبلي عمر حتى ارجع واشوفج تعبان كلش بغيابج مشتاقلج وبالكوه تمشي الايام بدونج دااحسبها الايام يوم بيوم حتى اشوفج بس واكفه ومتمشي بدونج يأول دگة گلب واول وجع ماعرفت شنو الحب ووجعه الا لمن حبيتج مااعرف اذا الله كاتبلي عمر وراح ارجع ونكمل قصتنا ببدله وقاط وننحط وي اسماء العشاگ الي تزوجوا عن حب وخلد التاريخ حبهم لو راح نكون مثل هواي قصص الي يموت حبيبها وتبقى هي والذكريات ...
اخاف ولا سامح الله ماارجع وصيتي الج لتباعين او تحاجين ولا تلمسين غيري انه اوعدچ لو الچ لو للتراب اصير ....
حضن الشماغ وهو يشتم بي وكام يبچي والتلفون الي چان يحاجي جانت صورتي الي اخذها الي وجان يحچي وياها .....
عدت المقطع اكثر من عشرين مره بدون وعي ابچي واحجي وياه واعرف ميسمعني بس النار الي بداخلي مشتعله ومااعرف بشنو اطفيها ماكو بيدي وسيله بس ابجي .....
-اششششش اسكت لتحجي هيج الله يخليك اني اعرف راح ترجع ومراح تعوفني لان اني انتظرك مو بس خليتني احبك ورحت تريد تعوفني وتروح هسه بس علقت گلبي بيك ليش فهمني ليششش وخليت گلبي يدك الك واني چنت حالفه مااحب وكسرت الحلف وحبيتك لتسوي هيج بيه ارجع تسمعني ارجع وبسرعه كافي لتختبرني وتختبر صبري ترا مضل بيه صبر والله ......
سمر اجت واخذت التلفون مني وحضنتني
- كااافي شدسوين بنفسج كومي لخاطر الله
- وخري عني سمر وعوفيني عفيه
- لج لتفاولين عليه اسم الله كومي عاد
- سمر خايفه عليه مو بيدي گلبي يوجعني
- اني اعرفج انتي قويه وهو مراح يصيرله شي بس صبري اني اعرفه هو گد نفسه قوي وشجاع والاهم من هاذ كله يحبج راح يسوي كلشي على مود يرجعلج
- مضل بيه صبر محتاجته اريده يجي واطمن كلبي طاگ عليه
- راح يرجع اني متأكده بس لسوين هيج بنفسج
- ياريت ياريت يرجع الله يسمع منج
- ان شاءالله يروحي يرجع
- شفتي شون صاير تعبان كلش مبين
- ييي طبعاً ممرتاح يا عيني بس يجي هنا نعوضه
- يي بس يرجع ادعي ادعي يرجع وميصير شي
- راح يرجع ويشلع گلوبنا اني متأكده بس كومي غسلي وخلي نطلع برا نشتم هوا
غسلت وطلعنا گعدنا برا واني بالي كله يم حسام صحيح تطمنت انه هو عايش بس مبين بالفيديو جان تعبان كلش لحيته طولانه ووجه تعبان وضعفان كلشش
واحنا گاعدين برا سمعت صوت هاون وقريب كلش بحيث صارت هزه قويه حتى شجر الحديقة حسيه راح يطير ....
YOU ARE READING
حمامتي السمراء
Romanceفي العراق يسألونك عن نسبك قبل ان يسألوا عن اسمك ويسألونك عن طائفتك قبل ان يسألونك عن صلاتك ويسألونك عن حالتك الماديه قبل ان يسألوا عن اخلاقك ويسألونك عن ثروتك قبل ان يسألوك ان كنت انسان في العراق فقط لا نستخدم الزينه للشوارع لانها مليئه بصور الش...
