حمامتي السمراء

البارت الثامن عشر

حمامتي السمراء ل شفاء ال سالم 🕊️

"‏كانت السماء مُرصعة بالنجوم، وشديدة الصفاء،
بحيث إن من يتطلّع إليها لابدّ أن يتساءل دون وعي: أيمكن تحت مثل هذه السماء أن يعيش مُختلف أنواع الناس ذوي النفوس الحاقدة والمُتقلّبة الأهواء."

- دوستوفيسكي

حسام

——————
قبل اسبوعين
——————

- سمر : ها حسو شونك
- حسام : اليوم حسو هاي اللواگة وراها شي شرايده
- لا يعني ميصير ادلعك الا بمصلحة
- مو من عوايدج
- منا وهيج تعود ع هالشي
- الله يستر
- هههه بالعكس لتخاف، تريد اجيبلك شي جاي ماي
- لا قبل شوي شربت اني رايح هسه
- الله وياك انتبه لنفسك

لزمت كصتها عبالي مصخنه

- والله حرارتج طبيعيه ممصخنه خاف شاربه شي
- شبيك يعني الواحد ميصير يهتم بالناس الي يحبهم
- لا انتي اليوم مو طبيعيه اني رايح هسه
- الله وياك

رحت واني متعجب على سمر وتصرفها وياي كلت اكيد محتاجه شي وجاي تتلوگلي ورا يومين هم نفس الشي سمر مهتمه بيه وتجيب وتودي ماي جاي اكل على غير عادتها قبل من اطلب منها شي الا تطلع روحي يلا تجيبلي الشي لو ادز اختها تجيبلي هسه بالعكس تكعد وياي وتسولف وتضحك بس من تجي زينب مو مثل قبل متگعد ويانا ابد الا بحالات نادرة كلش

—————
قبل اسبوع
—————

جنت گاعد ادخن نرگيله بالحديقه برا قبل لااطلع للمحل جتي سمر كعدت يمي

- اكلك حسو
- كولي
- اكول ومتعصب مني
- ليش اعصب يعني شعندج
- يعني هي نصيحة لوجه الله
- بخصوص؟
- زينب
- شبيها
- زينب صديقتي من الطفوله وبالمدرسه يعني اعرف كلشي عنها واعرف كل اسراراها وعلاقاتها بالمختصر واعرفها اكثر منك
- شكو ورا هالمقدمه
- مو شي بس ترا زينب متفيدك لان هي لعوبه جانت يمها هواي صداقات ويه ولد قبل لتعرفك
- كلنا يمنا ماضي ومدام هسه هي وياي  ميهمني ماضيها
-  مو بس هيج لحد هسه تحجي وياهم ووياك
- زين شون جانت تتواصل وياهم وهي معدها تلفون
- يي من تلفون ابوها عادي عدها متخاف عينها صلفه
- يي وبعد
- ف كلت اكلك حتى لتتورط اكثر
- وليش محجيتي هالحجي من دزيتج عليها
- هاااا ما اعرف هسه صحى ضميري ، وهم عبالي حالك حال الي قبلك تمل منك فتره وتعوفك
- بعد وكت خلي يضل نايم احسن ، وبعدين ما اعتقد زينب هيج طبعها
- يعني متعوفها
- لا اني مستحيل اعوفها
- يعني تقبل تلعب بيك وتجذب عليك تحجي وياك وتحجي وي عشره غيرك
- مكلت هيج بس اني اثق بزينب ثقة عميه يعني مستحيل اشك بيها لو ذرة
- اني لو ما احبك وخايفه عليك ترى ما انصحك ولا اتدخل
- يي ما اختلفنا بس زينب اني اعرفها وفوگ كلشي احبها وما ابدلها بالدنيا كلها ومستحيل يجي يوم واسمع عنها قبل لا اسمع منها
- يعني ترى اريد مصلحتك ليش متتفاهم
- مشكوره على نصايحج بس اني اعرف منج بمصلحتي وين اني مصلحتي وي زينب واني اعرف هالشي
- براحتك بس حبيت انبهك حتى لتكول ما حجت ولا حذرتني
- مشكورة مره ثانية