حمامتي السمراء ل شفاء ال سالم
حسابي ع الانستا
@shafa_a96
- لن أنسى تلك الليلة التي قضيتها في فراشي كجثة هامدة ، قد أنسى كل شيء لكني أتذكر بوضوح ذلك الشعور الذي نهش جوفي .
لهذا اليوم واني اتذكر هذيج اللحظه عبالك البارحه او بعدني عايشتها لهسه والاصح اني داعيشها كل يوم ، لليوم مكدرت اتجاوزها رغم قوتي وصلابتي الي معروفه بيها بين الناس متجاوزتها ولا اعتقد اني راح اتجاوزها مجنت اعرف الليل من النهار غرفتي ظلمه بكل وقت وصارت يمي كآبه حاده فكرت انتحر وفكرت انهي حياتي بس لو مو قوة ايماني جان هسه اني ميته .....
ابد مو سهله حلم ٩ سنوات ينتهي بكلمة لا وينتهي بسبب تافه تخيل شخص عايش وياك كل تفاصيل حياتك من الطفوله والمراهقه للنضج تكدر كلمة لا تمسحه من حياتك وكأنه مموجود ، جذبت بالبدايه ع الكل واولهم ماما وكلت كلشي انتهى وتعاوفنا بس مكدرت بالعكس زاد تعلقي وجنت احجي وياه واطمن عليه مثل قبل واكثر بس مكدرت اكمل بهاي الجذبه رغم جانت متعبتني بس لخاطره كلشي يهون......
على غير العاده طلعت گعدت وياهم العصر وبدت ماما بتحقيقها واسئلتها الي تعيدها كل متشوفني
- ام زينب : ماما زينب
- زينب : ها ماما
- سؤال
- جواب ماما
- اخبار حسام ؟!
تلعثمت وبلعت ريگي
- ما ممما اعرف
- يعني مدتحجين ويا؟!
- ليش احجي وياه مو رفضتوه
- باعي ماما حمدلله انه رفضناه، الي صار كله لمصلحتج اني سويته من البدايه لان حجي القيل والقال والشغلات الي صارت وانتو بعدكم حتى معاقدين وهيج لو تزوجين شيسوون بيج
- يا حجي ماما ؟
- هواي ماما ومنهن هو يتيم وعمامه ميحجون وياهم وخواله هسه هم علاقتهم متوتره من ورا سالفتكم لان رفضناه وهو مايقبل يعوفج ومتمسك بيج وهم لان اجه تقدم مرتين تلاثه ف هم رافضين يرجعون يتقدمون مره الخ لان حسب مسمعت انه احنا رفضناهم بلا سبب
- يي ماما صح بلا سبب رفضناهم بعدين حسام كال لو ابقى بس وحدي هم اجي اتقدملج
- هاا هاي شوكت كلج مو علساس متحجون
- هااا
- يي احجي اسمعج
- نحجي بين فتره وفتره اطمن عليه بس ماكو شي بينا وهو يعرف هالشي
- باعي ماما رغم انتي جبيره وتفهمين وولا مره كسرتي كلامي بس الظاهر حبج اله عامي عيونج فراح تجبريني اختار طرق اني مجنت اريد اوصل الها
- كتلج ماكو شي ماما لتكبرين الموضوع
- زين مدام ماكو شي ، اذا خيرتج بيني وبينه تختارين منو اني لو هو
- ماما شنو هالحجي دااكلج تعاوفنه
- مدام تعاوفتوا شخسرانه اختاري هسه تردين حسام لو ترديني اذا تردي اله انسي يمج ام واعتبريني ميته
YOU ARE READING
حمامتي السمراء
Romanceفي العراق يسألونك عن نسبك قبل ان يسألوا عن اسمك ويسألونك عن طائفتك قبل ان يسألونك عن صلاتك ويسألونك عن حالتك الماديه قبل ان يسألوا عن اخلاقك ويسألونك عن ثروتك قبل ان يسألوك ان كنت انسان في العراق فقط لا نستخدم الزينه للشوارع لانها مليئه بصور الش...
