زينب
اليوم جان اول يوم بعد التحرير الكلي لمنطقتنه والنواحي الي حوالينا كلها او بالاصح منطقتنه مجانت محتله لان جانت بيد الحشد لازميها والحمدلله بس لان المناطق الي حوالينا محتله ف جنا ننقصف ويصير هجوم بس حتى ياخذوها بس قاومنا وصبرنا واليوم انتصرنا هاليوم فرحه عظيمه حلم طال انتظاره معجزه تحققت يوم النصر العظيم الله عوضنا عن كل التعب والقلق والخوف الي شفنا لان حتى عيد الفطر عدا ومحسينا بي ولا حسبناله ولا اهتمينا اول عيد يمر هيج مرور الكرام يمنا اجواء العيد تختلف جذرياً عن هاذ العيد
العيد يمنا قبل التهجير جان عباره عن fashion show
اما هالعيد الي مر جان يوم كئيب وحزين وبس الاسم جان عيد ....
بس الله عوضنا عن العيد بالتحرير اليوم المنتظر
ناس صارت تبارك لناس وناس تسلم على ناس جان انجاز للكل للحشد الي ضحوا بنفسهم وللاهالي الي صبروا وقاوموا كل الضروف صح خسرنا هواي بس صبرنا وبالاخر فرحنا
اول شي سويته رحت وي اهلي للمگبره اول موصلت رحت ركض لگبور الشهداء الي جانوا مأمنين يمنا قريت الهم الفاتحه واني كلبي يعصرني ويوجعني عليهم وعلى اهاليهم الي ينتظرون رجعتهم وراح يرجعون بتوابيت بس هم شهداء والجنة تنتظرهم والدنيا صارت هيج لازم نضحي بشي حتى نحصل على شي واحنا ضحينا بارواحهم حتى نتحرر ونرجع الامان الف رحمه ونور على ارواحكم الطاهره الكم خلود الدنيا والاخره صح انتهت حياتكم بالدنيا بس تنتظركم الاخره ونعيمها ..............
مرت الايام بسرعه وبدوا يرجعون الاهالي ورجعوا عمامي وعماتي و الجوارين يعني بقت بس نسبه قليله مرجعت اما المنطقه نسبة الدمار جانت جبيره صح مجانت محتله بس القصف مبقى بيها شي يعني الي يرجع لازم يبدي من الصفر حرفياً اذا بيته مواگع ف محترك واذا ممحترگ ف بس حايط واكف واذا مو ع الحايط ف ماكو اثاث وكومه شغلات جانت ناقصه بالبيوت مجان اكو بيت كامل ابد بس نسبة الضرر تختلف من بيت لبيت حسب القرب والبعد عن السيطره والي جان مقر والي جان مخزن اسلحه والي واكع من القصف والي بصف المقر بس عدت واهم شي خلصنا منهم....
وعلي هم رجع قبل اهله واجه سكن يمنا لان اهله بقوا بكركوك جان بيتهم محترك ف جانوا يردون يكملوه حتى يرجعون اني مجنت اتمنى يرجع بس اجه بعد جنت اتجنبه اما ابقى بغرفتي او يم سمر واطلع على كد الشغل لان وجوده جان يضايقني وبالاخص قوت علاقتي بحسام وجنا نتشاوف كل يوم او باليوم اكثر من مره لان جنا متعلقين ببعض كلش .......
والشي الحلو رجعت زوجة عمي وجانت جايبه وياها لعبة تنس الريشه جانت سهله كلش بحيث بسرعه تعلمنا نلعبها وصار ميمر يوم بدون منلتم ونلعبها
جنا نسوي فرق ونلعب حتى عمامي جانوا يلعبون ويانا جانت ايام حلوه تعويض عن الايام الي فاتت الي جنا بيها كل شخص بمكان والوضع جان مؤذي نفسياً جنا مفتقدين هاي اللمات ومفتقدين شعور الراحه والامان لمن تنام وانت تعرف مراح تكعد على صوت هاون او طلق او هجوم .......
أنت تقرأ
حمامتي السمراء
Romanceفي العراق يسألونك عن نسبك قبل ان يسألوا عن اسمك ويسألونك عن طائفتك قبل ان يسألونك عن صلاتك ويسألونك عن حالتك الماديه قبل ان يسألوا عن اخلاقك ويسألونك عن ثروتك قبل ان يسألوك ان كنت انسان في العراق فقط لا نستخدم الزينه للشوارع لانها مليئه بصور الش...
