ဒီနေ့ ညဂျူတီဖြစ်တာကြောင့် ရုံ နောက်ကျမှအိပ်ယာထဖြစ်သည်။ရုံနိုးလာတော့မောင်ရှိမနေ။ဈေးများသွားတာလား။ကလေးငယ်လေးအိပ်ယာကနိုးလာတော့အမေကိုမတွေ့လို့အော်ငိုပြီးလိုက်ရှာတဲ့ခံစားချက်မျိုးဖြစ်အောင်မောင်အမြဲလုပ်သည်။မကျယ်သေးတဲ့ မျက်ဝန်းအိမ်တွေဟာစားပွဲပေါ်ကဘူးလေးနှစ်ဘူးကိုမြင်တော့လဲ့ခနဲ၊လက်ခနဲ။
ချောကလက်ပေါက်ပေါက်ဘူးလေးနှစ်ဘူး။ပြီးတော့ စာလေးတစ်စောင်။
“ မောင့်ကို
အပြည့်အဝစိတ်ကောက်ပြေပြီဆိုရင်
ပွေ့ဖက်ပေးပါ “
ရုံ ညင်ညင်သာသာ သဘောတကျ ပြုံးလိုက်သည်။
" အဟင်း "
မောင့်လက်ရေးနဲ့ရေးထားတဲ့ စာတိုလေးကို တယုတယ အကြိမ်ကြိမ် တစိမ့်စိမ့်ဖတ်နေမိသည်။စာလုံးတစ်လုံးစီတိုင်း၊ မောင့်ရဲ့စကားလုံးတစ်လုံးစီတိုင်းကိုမြတ်နိုးလွန်း၍အပြုံးပန်းတွေဟာလည်းမဆုံးနိုင်အောင်လှိုင်လှိုင်ဝေနေတော့တာပင်။ မောင်သည် သိပ်ကို ချစ်ဖို့ကောင်းသည်။
" မောင် "
ရုံ့ အနောက်မှာ မောင်ဟာတိတ်တိတ်ကလေးရပ်လို့နေသည်။လက်ထဲမှာ အာလူးတွေတပွေ့တပိုက်။ဘယ်သူကမောင့်ကိုချစ်ခင်ပြီးပေးလိုက်ပြန်သည်မသိ။
နားရွက်ဖျားလေးတွေရဲနေသည့် မောင်။ရာသီဥတုကအေးလို့လား။ဒါမှမဟုတ် ရုံ့ကိုအသဲယားအောင်လုပ်ထားပြီးရှက်နေလေသလား။စကားတစ်ခွန်းမဆိုပဲ ရုံ့ကို ကြည့်နေလေသည်။
" ဒုတ် ...ဒုတ် "
မောင်ပိုက်ထားတဲ့အာလူးတွေကြမ်းပြင်မှာပြန့်ကျဲကုန်သည်။မောင့်ကို ရုံအတင်းပွေ့ဖက်လိုက်သည်မလား။
မောင့်ကိုယ်လေးတောင့်တင်းသွားပြီး ဝင်သက်ထွက်သက်လေးကိုတောင် ထိန်းပြီးရှူသွင်း၊ရှူထုတ်လုပ်နေသည်။
" နာမယ်လေ ရုံ ပေကုန်မှာပေါ့ "
ကြည့် ။ သူပဲဖက်ဆိုလို့ ဖက်တာကို ။လူကိုနာမယ် ၊ ပေမယ် က လုပ်လာပြီ။
" ဖက်ဆို "
မျက်လုံးချင်းဆိုင်ကာပြောတော့ မောင်က အသာအယာပြုံးသည်။ထို့နောက်မောင့်လက်ထဲကျန်နေတဲ့အာလူးတွေအကုန်လုံးဟာကြမ်းပြင်ပေါ်တလိမ့်လိမ့်ကျဆင်းသွားတော့သည်။
.
YOU ARE READING
" စေတနာရုံ ခြုံကာလွှမ်းလို့ မောင့်မေတ္တာဝေ"
Romance🤍 In a relationship with Mg's Saydanaryone Start Date - 3. 8. 2021 End Date - 6.11.2022
