Unicode
ဒီနေ့က အတန်းစတက်ရမယ့်နေ့ဖြစ်တာမို့ ရိပေါ်နဲ့ကျင်းရီက မနက်ထဲကအစောကြီးထပြီး အတန်းတက်ဖို့ ပြင်ဆင်နေကြလေသည်။ ညစာထွက်စားရင်း ကျောင်းဝင်းထဲနဲ့ ကျောင်းအပြင်အနီးတစ်ဝိုက်ကို လျှောက်ကြည့်ခဲ့ကြပြီးပြီမို့ မနေ့ကလိုလမ်းပျောက်စရာအကြောင်းတော့မရှိပေ။
အချိန်ဇယားကိုကြည့်လိုက်တော့ ပထမဆုံးအချိန်မှာတင်မေဂျာletureအချိန်ပါနေတာမို့ မနက်စာကိုခပ်သွက်သွက်စားရင်း နှစ်ယောက်သားအဆောင်ကနေထွက်လာခဲ့လိုက်သည်။ သူတို့က အခုမှတက္ကသိုလ်စတက်တဲ့ ပထမနှစ်လေးတွေမို့ ဆရာတွေအားလုံးက မိတ်ဆက်စကားလောက်ပဲပြောပြီး အတန်းကိုစောစောဆင်းပေးလေသည်။
"တက္ကသိုလ်တက်ရင် ကျောင်းတွင်းကလပ်လေးတွေဝင်ရတယ်ကြားတယ်။ မင်းရော ဘယ်ကလပ်ကိုဝင်ချင်လဲရိပေါ် "
နောက်အချိန်အတွက် ဆရာမလာသေးတာမို့ စောင့်နေကြရင်း အားတက်သရောစကားစလာတဲ့ကျင်းရီကြောင့် ရိပေါ်မျက်ဆံလေးကိုထောင့်ကပ်လို့ အတန်ကြာစဥ်းစားလိုက်ရင်း
"ဘတ်စ်ကတ်ဘောကလပ်ထဲဝင်ရင်ကောင်းမလားလို့... သိပ်တော့မသေချာသေးဘူး။ မင်းရော.."
"ငါက ပြဇာတ်ကလပ်ထဲဝင်ချင်တယ်။ အဲ့မှာက ကောင်မလေးချောချောလေးတွေအများကြီးရှိတယ်တဲ့ ဟီးဟီး"
သွားအဖြဲသားဖြင့်ပြောလာတဲ့ကျင်းရီရဲ့စကားကြောင့် ရိပေါ်ခေါင်းအသာခါပြလိုက်မိသည်။ ထို့နောက် အတန်းထဲကိုဆရာနဲ့အတူ အနောက်ကနေလိုက်ပြီးဝင်လာတဲ့သူကြောင့် ရိပေါ်မျက်လုံးပြူးသွားမိသည်။ ဒီလူက ဘယ်လိုဖြစ်ပြီးပါလာရပြန်တာလဲ။
သူကြည့်နေရင်းနှင့်ပင် ထိုလူကသူ့ကိုမြင်သွားပြီး ပြီတီတီမျက်နှာဖြင့် မျက်လုံးတစ်ဖက်မှိတ်ပြလာတာမို့ ခေါင်းကိုအမြန်ငုံ့ချလိုက်မိသည်။
"အားလုံးသိပြီးလောက်ပြီးဖြစ်ပေမယ့် အချို့မသိသေးတဲ့သူတွေလည်း ရှိဦးမှာမို့ ထပ်ပြီးမိတ်ဆက်ပေးပါမယ်။ အကိုကတော့ အနုပညာမေဂျာနောက်ဆုံးနှစ်ကရှောင်းကျန့်ပါ... ရုပ်အရမ်းချောလို့ဆိုပြီး မခေါ်ရဲမပြောရဲနဲ့ ရှိန်မနေကြပါနဲ့။ ဒီကစီနီယာအကိုကြီးက ရုပ်ချောသလို သဘောလည်းအရမ်းကောင်းတာမို့ အခြားမစဥ်းစားပဲ အကိုတို့ရဲ့ပြဇာတ်ကလပ်ထဲကို ဝင်ဖို့အကြံပေးချင်ပါတယ်"
![𝙱𝚎𝚏𝚘𝚛𝚎 𝚆𝚎 𝙵𝚊𝚕𝚕 𝙸𝚗 𝙻𝚘𝚟𝚎[Completed]](https://img.wattpad.com/cover/318405374-64-k608829.jpg)