Unicode
💞သက္ကရာဇ်ရဲ့ရွှေရုပ်ပျို💞
💞ကျွန်တော်ပိုင်သောပြည့်တန်ဆာ💞
💞အပိုင်း ၅၅💞
💞💞💞 နောက်တစ်နေ့မနက်မှဖြင့် နေသက္ကရာဇ်တို့အားလုံးမနက်စာစားအပြီး ဦးတံစိုးနဲ့အတူ မိသားစုရှေ့နေကြီးဦးကောင်းသန့်လဲ သူခေါ်ထားတဲ့အတိုင်း စောစောပဲရောက်ရှိလာခဲ့ကြရာ ပျိုတို့အိမ်ဧည့်ခန်းလေးထဲမှာပဲ ဆွေးနွေးစရာရှိတာဆွေးနွေးကြလေသည်၊
ဒေါ်နှင်းသက်မေ ရှေ့နေကြီးပေးတဲ့အမွေစားအမွေခံ ညီမအဖြစ်မွေးစားသည့်စာချုပ်စာတမ်းတွေကိုသေချာဖတ်ရှုကာ သွယ့်ကိုဝမ်းသာမျက်ရည်တွေဖြင့်ကြည့်လေသည်၊
ထို့အတူ နေသက္ကရာဇ်ကိုကျေးဇူးတင်တဲ့အကြည့်ဖြင့်ကြည့်ကာ သူမလဲသဘောတူလက်ခံကြောင်းပြောကြားလေသည်၊'အန်တီကတော့ဘာမှကန့်ကွက်စရာမရှိသလို အတွန့်တက်စရာလဲမရှိပါဘူး သမီးသွယ်အတွက် အန်တီလဲစိတ်ချရပါပြီ လောကအလယ်မှာ သူ့ကိုကာကွယ်စောင့်ရှောက်ပေးမယ့်အစ်ကိုတစ်ယောက်ရှိနေပြီဆိုတော့ အားကိုးဖော်လဲရတာပေါ့ သွယ်'
'ရှင်အန်တီ'
'သမီးတွက် အန်တီဝမ်းသာတယ် ငါ့သမီးလေးမှာခုဆိုအစ်ကိုတစ်ယောက်ရှိနေပြီ နောက်ဆိုသမီးမှာဘာကိစ္စတွေပဲရှိရှိ အားကိုးရမယ့်အစ်ကိုရှိနေပြီဖြစ်လို့ သမီးလဲလိမ္မာရမယ်နော် ကြားလား'
'ဟုတ် ဟုတ်အန်တီ'
'ဒါဆိုဒီကအစ်မကြီးလဲလက်ခံသဘောတူပြီဆိုတော့ စာချုပ်မှာသူဌေးမင်းနဲ့မိန်းကလေးလက်မှတ်ထိုးပေးပါ အသိသက်သေနေရာမှာက ဘယ်သူတွေထိုးမှာလဲသူဌေးမင်း'
'အသိသက်သေမလိုအပ်ဘူး ကျွန်တော်ကိုယ်တိုင်တိုက်ရိုက်မွေးစားတာ ပြီးရင်ကျွန်တော့်အိမ်ထောင်စုစာရင်းမှာပဲသူ့ကိုထည့်မယ် ဇင်လေးသွယ် ကိုယ့်နားလာခဲ့'
နေသက္ကရာဇ် သူမကိုခေါ်လိုက်ကာ သွယ်သူမနဲ့အတူထိုင်နေသည့်ထည်ဝါကိုတစ်ချက်မော့ကြည့်တော့ အပြုံးဖြင့်ခေါင်းညိမ့်ပြ၍ သူမနေသက္ကရာဇ်ထိုင်နေတဲ့အနား သွားကပ်ထိုင်လိုက်သည်၊
YOU ARE READING
🚨 သက္ကရာဇ်ရဲ့ ရွှေရုပ်ပျို (ကျွန်တော်ပိုင်သော ပြည့်တန်ဆာ )🚨OC
Romanceငါ့အတွက်အပေါဆုံးကငွေပဲ မင်းငွေလိုအပ်တယ်မလား မိန်းမတစ်ယောက်ကိုတစ်ကြိမ်ထက်ပိုမသုံးတဲ့ငါ မင်းကိုတော့ချွင်းချက်တစ်ခုအဖြစ်သတ်မှတ်ထားမယ် ငါအလိုရှိတိုင်း မင်းအမြဲအသင့်ဖြစ်နေရမယ်ရွှေရုပ်ပျို ငါ့ကို စိတ်ကျေနပ်မူအပြည့်မင်းပေးနိူင်ရမယ် ဒါဆိုမင်းလိုအပ်တဲ့ငွေကို...