رتم التكرار ᅳ كتاب نقد ساخر.

✦ | الجميلة والخجول.

فصل ودرس اليوم مكتوب بواسطة المبدعة Choi_Yeonah لذا اشكرها على مشاركتها ♡

══════════════════

متبريه من نفسي .

.

بطلتنا اسمها زينب شابه حليوه عمرها 16 سنه طالبه اعداديه سچاچه طويله كلوش وبيضاء وشعرها حريري وكلوش حلوه والكول يريد يصير صديقها .

بطلنا أسمه سوبين هم طالب اعداديه بس اكبر من زينب بسنه يعني آخر سنه بلأعداديه شاب كلوش يخبول وهم طويل كولش وأبيضاني وكول البنات ناصبات عليه .

.

بأول يوم مدرسه طلعت بطلتنا متأخره البارحه خلصتها سهره وي صديقاتها واخذتها النومه جانت دتمشي سريع كولش وهيه مدنگه راسهه جان تنضرب بشي صلب رفعت راسها جان تشوف شاب يجنن وكولش حلو تطشرت كتبه بالشارع ومن فهاوتهم من دتنزل تلم الكتب وياه انضرب راسها براسه وزاد الأحراج اكثر .

شالت الكتب وياه وانطتهم اله واعتذرت وراحت بسرعه وهي تسب نفسها وتسب صديقاتها لان سهرت وياهم .

خلص اول يوم دراسي وجان الوضع كولش محلو وخطيه بطلتنا روحه طافره جان ترجع للبيت وأمها دكوللها انو لازم يروحون لبيت خالتها لأن انتقلو من البصره لبغداد ، طبعا زينب ابد مشايفه خالتها هاي وأول مره تسمع بيها فتحمست تشوفها بس جانت تعبانه وضايجه من المدرسه .

زينب : مابيه حيل اروح اريد انام .
امها : ولج مو عيب العالم شايلين هستوهم شكوللهم والله زينب تعبانه .
زينب : واني شعليه بيهم وذا شالو هستوهم .
امها : انجبي عاد كلت تروحين يعني تروحين .
زينب : اووفففف ماكو راحه بهاذ البيت .

اختنقت احس مقدر اكمل 😭.

راحت المسكينه لبيت خالتها وي اخواتها وامها جانت كاعده عادي لحد منصدمت صدمه حياتها ، دخل عليهم فجأه نفس الشاب اللي انضربت بيه الصبح وسلم علا أمها جان يندار عليهه وهم ضل صافن .

زينب (بداخلها) : يا گاع انشگي وبلعيني .

ابتسم الها الشاب وگرصتها اختها الصغيره ساره لان شافت اختها ماناويه تشيل عينها عن الولد .

خالتها : هاذ وليدي سوبين ( مو راهمه ابدااا ادري بس ميتضحكك) .

امها : ماشاءلله كبران ولك .

ابتسم ودنگ راسه بخجل بعدين راح لغرفته يغير ملابسه .

رجع سوبين وره شوي وكعد يمهم وضلت امه تسولف وتذكر سوبين وزينب عن طفولتهم وشگد جانو يكرهون بعض ويتعاركون .

(ادري اني گلت اول مره تشوف خالتها بس هي هنا الفكره ماكو ربط والكاتب نفسه مو متذكر احداث قصته) .

امها : اي ولج تتذكرين بذيج المره ضلينا ساعتين نفك شعرها من أيده وهيه تخرمش بيه .

خالتها : ايييي هاي ولا انساها ابدد ، بس هسه همه كبرو وصارو عاقلين بعد كم يوم نزوجهم ونرتاح منهم .

امها : الله كريم .

سوبين : 🤡.
زينب : وتفك شديصير .

التفت سوبين لزينب جان يطلب انو يحجي وياها لوحدهم وهيه وافقت لان متريد تسمع سووالف خالتها وأمها اللي تصدع .

طلعو يتمشون بالشارع جان يوكف سوبين بساحه فارغه .

(مادري منين اجتي الساحه وهمه بالشارع بس اتسك اهم شيء انهم لوحدهم) .

اندار عليها وصفن شويه وهيه صفنت وياه جان وره شويه گال بصوت رجولي وخشن كولش .

سوبين : زينب اني احبج من يوم چنه صغار .

زينب ( بصدمه) : اني؟.

سوبين : لا جدي . ( تخيليلي سوب يقول جدي 😭).

زينب : خوش دوخر يلا .

دتروح ترجع للبيت جان يجر ايدها بقوه وقربها عليه وباوع بعيونها بهيبه وگال .

سوبين : احبج ولج .

زينب : اني هم .

جان ابتسم بخبث وحضنها وهيه خجلت .

.

آسف لي ولك ولزينب ولسوب وللواتباد والعراق وأهل العراق وديم ع الهبده اللي راح انهبدها يوم الأحد .

══════════════════

اذا ما فهمتوا كلمة عراقية قولولي😭

درس اليوم؛
- لا تستخدم. اللغة العامية. بسردك. رجاءً!

- غالبًا كل القصص اللي تلقونها بالرئيسية بنفس الحبكة لذا من فضلكم طهروا الواتباد

- لا تقوموا بوضع تعريف بالشخصيات ببداية قصصكم، او فصل خاص بالتعريف.. اجعلوا قرائكم يتعرفون على الشخصيات برأيهم الشخصي مع الاحداث والسرد، هذا سيكون اكثر إثارة للأهتمام بشكلٍ رائع.. فربما مع الاحداث سيرى قارئ ما ان البطلة شجاعة، واخر سيراها مسترجلة، والثالثة سيراها جريئة.. انه شيء جميل ويشعرك بمدى حيوية وواقعية القصة

اسئلة؛
- اين تجدون الاشياء غير المنطقية بالقصة؟
- كيف تقومون بتعريف شخصياتكم للقراء؟

اخرى؛
- هل صادفتم قصة كهذه؟😭

ويلا، جمعة مباركة ودُمتم في آمانٍ وهناء💟.