قصة : ( فاقد الوعي ) ل سهيلة سعيد المنجي

الحلقة ٥ و ٦

قصة : { #فاقد_الوعي } 💔🩺

الحلقة الخامسة { ٥ } ⏳

ليان : الله يسلمك 😔
سلامة : الدكتور قال تقدري تمشي ، انتي كويسة
ليان : اوك 💔
سلامة : بس لو فضلت نفسيتك وحشة كدة هتتعبي تاني والموضوع هيتطور ، ف اهدي بقا ، دة قدر ربنا
ليان وهي بتقوم من ع السرير : حاضر
( تسندها نور ويخرجوا م الأوضة )
سلامة : معاكوا عربية ؟
نور : لا هنطلب اوبر 
سلامة : هوصلكم انا طيب
نور : مش عاوزين نتعب حضرتك انت وراك تمرين !
سلامة : مش هيطير يعني هوصلكم 🚶🏻‍♂️
نور : شكراً
( يطلعوا برة النادي ، يركبوا عربية سلامة ويسوق ويمشي ، ف الطريق )
سلامة : طب هو العزا او الدفنة امتى ؟
ليان : ادفن .. ادفن الصبح 😔
نور : متعرفيش هيعملوا عزا ولا لأ ؟
ليان : اكيد هيعملوا
نور : خلاص نروح بالليل
ليان وهي بتبص ل نور : لأ 😕
( تفهم نور ف تسكت )
سلامة : ايوة متروحيش احسن عشان انتي تعبانة ، ولو رحتي نفسيتك هتتعب اكتر
ليان : اة 
( بعد شوية ، يوصلهم قدام العمارة )
ليان : شكراً ي مستر
سلامة : العفو ، خلي بالك من نفسك ، البقاء لله
ليان : ونعمة بالله 💔
( تنزل ليان ونور م العربية ويدخله العمارة ، يمشي سلامة ، يطلعه الشقة ويدخله ، تقعد ليان ع الكنبة وتتفتح ف العياط )
نور : اهدي بقا ، قلنا هتتعبي كدة 🤷🏻‍♀️
ليان ب ندم : انا السبب 😔
نور وهي بتقعد جنبها : سبب ايه ي هبلة انتي دة نصيب ، الموت ب ايد ربنا هتكفري ولا ايه !!
ليان : زمانه مش مسامحني ي نور 😥
نور : متقوليش كدة ، يوسف كان قلبه ابيض ، ربنا يرحمه
ليان : يارب 💔
نور : كله كوم وشيل سلامة ليكي كوم تاني ، كان مخضوض عليكي ي بنت المحظوظااااا 🥺
ليان : دة وقته بزمتك 🤦🏻‍♀️
نور : بهزر معاكي ، فكيها بقااا
ليان : حاضر 😔
( تشاورلها ب اة ، ييجي الليل ، نور مازالت قاعدة مع ليان )
نور : انا كنت متوقعة بصراحة ، مهو بقاله فترة ف غيبوبة !!
ليان : كان عندي امل إنه يفوق منها 😟
نور : طب هو لو كان فاق ، كنتي هتوافقي عليه ؟
ليان ب حيرة : مش عارفة ، بس اظن لو فاق مش هيعيد الطلب دة تاني بسبب الي مر بيه بسببي ، ولو عاده ف انا هوافق ، بس عشان صعبان عليا وحاسة بالزنب من ناحيته 😕
نور ب فهم : ايوة فهماكي
( يرن فون ليان ، تمسكه )
ليان : الو
........ : الو
ليان : ايوة مين ؟
سلامة : انا سلامة
ليان ب استغراب : مستر سلامة ازي حضرتك ؟!
سلامة : الحمدلله ، انتي الي عاملة ايه دلوقتي ؟
ليان : احسن والله
سلامة : طب الحمدلله ، انا اخدت رقمك م المستشفى وقلت اطمن عليكي
ليان : شكراً ل زوق حضرتك 😟
سلامة : العفو ع ايه ، وبلاش حضرتك دي والنبي احنا برة الشغل يعني
ليان : حاضر 😅
سلامة : خلي بالك من نفسك ، ولو محتاجة اي حاجة كلميني ع طول 
ليان : تسلم الله يخليك 
سلامة : الف سلامة عليكي
ليان : الله يسلمك
سلامة : باي
ليان : باي
( تقفل ليان وتفرح إنه سأل عليها )
نور : دة سلامة ؟
ليان : اة بيسأل عليا
نور : جدع والله
ليان : اة فعلاً
( تعدي الأيام ودايماً سلامة بيسأل ع ليان وبيتكلم معاها ف الفون ، ليان واقفة قدام النادي وبتتكلم ف الفون )
ليان : انا برة اهو ، اة ، ماشي مستنياك
( تقفل ليان ، بعد دقايق ، يقرب عليها سلامة )
سلامة : اخيراً جيتي 🤷🏻‍♂️
ليان : مش عاوزة اعطلك عن شغلك 😅
( يمشوا جنب بعض )
سلامة ب ابتسامة : ياريت كل التعطيلات كدة ي ستي انا قابل 🙂
( تبتسم ليان ب كسوف ووشها يحمر وتبص قدامها ، يدخله المكان الي سلامة بيدرب فيه )
سلامة : ايه رأيك ؟
ليان : الله حلو اوي 😃
سلامة : جاهزة ؟
ليان ب حماس : اويييي ، لبسي مناسب ؟
سلامة : اة جداً
ليان : اشطاا يلا 👏
( يبدأ سلامة يدربها ع شوية حاجات بسيطة ل الدفاع عن النفس وهي متحمسة ومبسوطة بلي بتتعلمه ، ويوم ورا يوم مقابلاتهم ف النادي بتذيد وتدريبه ليها بيذيد )