قصة : ( فاقد الوعي ) ل سهيلة سعيد المنجي

الحلقة ٢٧ و ٢٨

قصة : { #فاقد_الوعي } 💔🩺

الحلقة السابعة والعشرون { ٢٧ } ⏳

يوسف : استنى طيب ك ........
يونس : معلش هبقا اكلمك 
( يمشي يونس بسرعة وتدخل ليان اوضتها )
الجد : خير الحمدلله
( يرجعوا يقعده وتلم نور الأزاز تحطه ف المطبخ وتدخل ل ليان تلاقيها بتعيط )
نور ب خضة : في ايه ؟!
ليان ب عياط : عيونه كلها دموع ، كان بيعيط والله كان بيعيط 😥
نور : كفياكي بقا ي ليان انتي ف ايه ولا ف ايه ، انتي اتقرى فاتحتك من دقايق انتي مستوعبة دة ؟!
( تشاورلها ب لأ ورا بعض )
نور : لا استوعبي بقا عشان الي انتي بتعمليه دة غلط جداً ، قومي غيري هدومك يلا
( تساعدها نور إنها تغير هدومها وتهديها وتطلع تكمل اليوم ، عند يونس ، دخل محل هدوم اشترى قميص بدل الي اتوسخ ، يعدي الوقت ويمشي الكل من عند ليان ، ليان ف اوضتها ، نايمة ع سريرها لكن صاحية ، عند يونس ، قاعد ف night club وسكران جامد ومازال بيشرب ، يلمح بنت من ضهرها بترقص شعرها قصير وجسمها رفيع شبه ليان ، يقوم ويقرب عليها ، وفجأة ، يحضنها من ضهرها )
يونس : ليان 😔
البنت ب خضة : لأ مو ليان !!
يونس : وحشتيني 💔
البنت : انا مو الي قاصدها 😬
( يلفها مرة واحدة يبقا وشه ف وشها ، تبصله ب اعجاب )
البنت : فيني كون ليان ل اليوم بس 🙂
( يبوسها ، ف بيت ليان ، يرن فونها ، تمسكه )
ليان : الو
يوسف : ايه ي قلبي ، عاملة ايه ؟
ليان : الحمدلله ، انت ازيك ؟
يوسف : اسعد واحد ف العالم عشان بقيتي معايا خلاص ♥️
ليان : يارب دايماً اشوفك اسعد واحد ف الدنيا 😊
يوسف ب استغراب : بس انا ليه كنت حاسس إنك مش مبسوطة انهاردة ومتوترة اوي !
ليان : لأ هو من ناحية مبسوطة ف انا كنت مبسوطة جداً ، لكن التوتر انا فعلاً كنت متوترة اوي بجد 😅
يوسف : طب ليه بقا ؟!
ليان : ي سيدي عروسة لازم اتوتر اللاه 🙄
يوسف : ههههه ماشي ي عروستي ، اهم حاجة عندي إنك فرحانة ♥️
ليان ب ضيق : اة فرحانة اوي 💔
( يقعده يتكلمه شوية ، يعدي الوقت ويخلص اليوم ، تاني يوم ، ف بيت يونس ، ف اوضته ، يفتح يونس عيونه ، يلاقي البنت نايمة جنبه ومدياه ضهرها ، يبصلها ب استغراب وبعدين يفتكرها ، يغمض عيونه ب ضيق ويقوم يقعد ع طرف السرير ، يحط ايده ع دماغه ويلف يبصلها )
يونس : انتي ، ي انسة قصدي ي مداااام !
( تصحى البنت وتلف تبصله )
يونس : اسمك ايه ؟
البنت : ليان عشان خاطر عيونك 😊
( تستفزه )
يونس : طب قومي امشي 😐
البنت ب استغراب : امشي !!
يونس وهو بيقف : حالاً يلا قومي
البنت وهي بتقوم : طيب طول بالك راح قوم 🙄
( تقوم تلبس وتمشي ، يدخل يونس التويليت ياخد دش وهو متضايق من نفسه ، تعدي الأيام ويحاول يونس يلهي نفسه ف شغل الشركة وبيروح الچيم كل يوم يتمرن ، شاغل كل الوقت الي بيكون صاحي فيه ، يوم الخطوبة الصبح ، ف بيت يوسف ، يدخل يونس ، تشوفه ريڤان تجري عليه تحضنه )
ريفان : وحشتني 😃♥️
( تتنهد مامتها ب ضيق ، يبوس دماغها )
يونس : وانتي كمان ♥️
ريفان : يوسف مستنيك من بدري
يونس : هطلعله
ريفان : اوك
( يطلع يونس ل يوسف )
يوسف وهو بيسلم عليه : صباح الفل 👋
يونس : صباحو 👋
يوسف : هو انت العريس ي عم ولا انا ، بقالي ساعة مستنيك ، والله ل ازلك كدة يوم خطوبتك 🤷🏻‍♂️
يونس ب ابتسامة : معلش 😅
يوسف : يلا بينا اتأخرنا ع الحلاق
يونس : يلا
( ينزله يركبه عربية يونس ويمشوا ، ف بيت ليان ، قاعد ف اوضتها ومعاها نور والميكب ارتيست بتجهزها ونور عمالة تهزر وتضحك عشان تلهيها ، يعدي الوقت وييجي الليل ، يخلص يوسف ويونس وف العربية ف طريقهم ل بيت ليان ، عند ليان تحطلها الروچ احمر ، تشوفه ف المراية ، تفتكر اليوم الي كان يونس مستنيها فيه يوم ال night club ، تدمع عيونها وتبتسم ب وجع ، يرن فونها ، تمسكه )
ليان : الو
يوسف : ايه ي روحي ، خلصتي ؟
ليان : اة هلبس الفستان ، انت فين ؟
يوسف : انا داخل عليكي اهو
ليان : طيب هلبس وننزل
يوسف : اوك مستنيكي ، باي
ليان : باي
( تقفل ليان ، تمشي البنت وتقوم ليان تلبس فستان بيچ النص الي فوق مطرز ب الدهبي اوف شولدر ومن تحت تُل منفوش شوية تحت الركبة وتلبس صندل دهبي ، شعرها حطاله هير بيس رقيقة جداً م الجنب بس لإنه لسة قصير )
نور : زي القمر بجد 🥺
ليان : تسلميلي 😅
نور : يلا بينا
ليان : يلا
( يطلعه م الشقة وينزله تحت ، العربية مركونة قدام العمارة وواقف جنبها يوسف مستني ليان ويونس قاعد زي مهو منزلش ، يلمح ليان وهي نازلة من ع سلم العمارة ، يبصلها ويتنح من جمالها ، تقرب ع يوسف )
يوسف ب اعجاب : ايه الحلاوة دي 😍
ليان ب كسوف : تسلم 😅
نور : مبروك ي عريس 😊
يوسف : الله يبارك فيكي ي نور عقبالك
نور : الله يخليك
( يفتح يوسف باب العربية الي ورا تركب ليان ويركب جنبها وتركب نور جنب يونس ويسوق ويمشوا ، يوسف عمال يتغزل ب ليان ويونس ع اخره )
نور : عقبالك ي يونس ، مش هتفرحنا انت كمان بقا 🤷🏻‍♀️
يونس : لأ
نور : ي ستار عليك 🙄
( بعد شوية ، يوصله قدام مطعم كبير ، الخطوبة معمولة فيه ومعزوم فيها اقرب الأقربين والصحاب بس ، يقعده الكل يتكلمه ويهزره والمطعم يشغلهم اغنية *دبلة الخطوبة* يطلع يوسف علبة الشبكة ويلبسها الدبلة ، يفضل باصصلهم يونس ، يلبسها محبس ع الدبلة ، تمسك ليان دبلته وتلبسهاله ، يسقف الكل والبنات تزغرط ، يتنهد يونس ويضير وشه ، يطلعه كل البنات والشباب برة ف مكان معين يصوره ليان ويوسف مع كل صحابهم )
يوسف ل يونس : ي عم حسسني إني اخوك وتعالى اتصور معانا 🤷🏻‍♂️
يونس ب انتباه : اة جاي 😐
( يقرب عليهم ، يقف يوسف ف النص ، وليان ويونس من ع الجنبين ، تحط ليان ايدها ف ضهر يوسف ، يحط يونس ايده ع ايدها ، تتخض وجسمها يترعش ، يشيل يونس ايده مكانش يقصد ، تحاول ليان تركز نظرها ع الكاميرا ، يخلص التصوير ، تبص ليان ل يونس ، يبعد من غير حتى م يبصلها ، تقف متوترة وتكمل تصوير مع يوسف ، يبعد يونس ويولع سيجارة ، تقرب عليه نور )
نور : ازيك ؟
( يبصلها )
يونس : فل !
نور : عقبالك 😊
يونس : مصممة انتي !!
نور : م انت اكيد هتتجوز يعني متقاوحش 🤷🏻‍♀️
يونس : مش بقاوح ، بس مش هيحصل
نور : ليه ؟!
( يبص يونس ل ليان وبعدين يرجع يبص بعيد )
يونس : كدة 😒
نور : حبيتها ؟
( يبصلها ب خضة )
نور : انا عارفة كل حاجة من ليان ، اتكلم براحتك
( يتنهد ب ضيق )
نور : مهو باين عليك الزعل اوي ع فكرة ، بس ميفهمكش إلا الي عارف كل الي حصل بينكم 💁🏻‍♀️
يونس : انتي عارفة كله كله ؟!
نور : كله كله
( يشرب السيجارة )
نور : سرك ف بير 😉
يونس : هه ، سري !
نور : ايوة
يونس : عاوزة ايه ي حشرية ؟
نور : ليان كانت قيلالي إنك قلتلها إنها ولا حاجة بالنسبالك ، ف عاوزة اعرف انت متضايق ليه دلوقتي ؟!
( يتنهد يونس ويبص ل الأرض )
يونس : متضايق عشان كداب
نور : كدبت ف ايه ؟!
يونس : كدبت ع صاحبتك لما قلتلك إنها ولا حاجة بالنسبالي
نور : يعني ايه ؟!
يونس : يعني اة ، انا بحبها
( تتخض نور وتبص ل ليان ويوسف )
نور : انت بتتكلم جد !!
يونس : امممم جد
نور : بس انت عارف إن ..........
يونس : عارف ، وساكت اهو ، متكلمتش ولا هتكلم ، متقلقيش 💔
نور : انت عارف إن ليان بتعمل كدة غصب عنها وإنها بتحبك
يونس : حبي وحبها ميفرقوش دلوقتي ، مش هيغيره حاجة بالعكس هتأذيني وهأذيها واحنا الأتنين هنأذي يوسف