قصة : ( فاقد الوعي ) ل سهيلة سعيد المنجي

الحلقة ٢٩ و ٣٠

قصة : { #فاقد_الوعي } 💔🩺

الحلقة التاسعة والعشرون { ٢٩ } ⏳

يونس : انتي مصدقتي ولا ايه !!
نور : ي بني انت صعبان عليا ف عاوزة المك بس 🙄
يونس : حد قالك إني متبعتر ، خليكي ف حالك
( يكمل اكل )
نور : شايفين انا غلطانة إني عاوزة الحقه قبل م يدخل ع التلاتينات 😏
يونس : تلحقيني ولا تلحقي نفسك ؟
الكل : ههههههه 😆
( يقعد يونس ونور يهزره مع يوسف ، وليان قاعدة بتضحك مجاملة بس ، يعدي الوقت ويخلصه اكل ، نور ف المطبخ بتعمل شاي والباقي قاعدين برة )
يوسف : تسلم ايدك الأكل حلو اوي
ليان : بالهنا يارب
يوسف : هتطبخي كدة ف بيتنا ولا اعمل حسابي ع الدليفري ؟
ليان : ههههه 😅
يونس وهو بيقوم : لا مدام وصلت ل الدليڤري ف دي خصوصيات بيت ف اقوم ب كرامتي احسن 🚶🏻‍♂️
يوسف : ههههه ياريت 😄
( يقرب يونس ع المطبخ ويدخل ، تشوفه نور )
نور : ايه ؟!
يونس : لقيت شكلي وحش ف قمت احسن
نور : اهااا ، م قلتلك ملناش غير بعض 😉
( يبتسم يونس غصب عنه وبعدين يتنهد ويحط ايده ف جيبه )
نور : ع فكرة بجد خارجاً عني والهزار دة انت لو ارتبط ب حد هينسيك ليان
( يبصلها )
يونس : انتي شايفة كدة ؟
نور : اة والله ، لكن طول م انت لوحدك وفاضي كدة هتفضل تفكر فيها
يونس : اممممم ، يمكن
نور : مش مقتنع ب كلامي طبعاً 🤷🏻‍♀️
يونس : لأ
نور : يبقا هتفضل بقا طول عمرك كدة
يونس : وماله كدة ، م انا زي الفل
نور : كداب
( يتنهد يونس )
يونس : في قرنفل هنا ؟
نور وهي بتبص حواليها : مش عارفة
يونس : لو لقيتي حطيلي ف الشاي
نور : حاضر .. بتعرف انت تغير المواضيع بسرعة 🙄
يونس ب ضحك : ابهرتك ؟
نور : اوي بصراحة 😄
( بعد شوية ، نور ويوسف وليان قاعدين ع السفرة بيلعبوا ليدو ويونس قاعد ماسك الفون وباين عليه الزهق )
يونس : انتوا مطولين ع الحال دة ولا ايه ؟!
يوسف : م قلنالك العب معانا انت الي مرضتش 🤷🏻‍♂️
يونس : ي عم مبحبهاش ودة رابع دور تلعبوه ، مبتزهقوش ؟!  
نور : لا دي لعبة حماسية جامدة
يونس : طيب ي جامدة قومي اعمليلي شاي
نور : طاااايب 🙄
( تقوم نور تدخل المطبخ )
يوسف : مدمن شاي !
يونس : لا مدمن قرنفل ومصدقت في هنا
يوسف : مش بحبه خالص ، بحس بيضيع طعم الشاي
يونس ب مزاج : دة روقااااان 😑
يوسف : بالنسبالك
يونس وهو بيبص ل ليان : خطيبتك بتحبه
( تتخض ليان وتبصله )
يوسف ب استغراب : عرفت منين ؟!
يونس : موجود ف بيتها يبقا اكيد بتحبه 🤷🏻‍♂️
يوسف : ايوة صح
يونس : حلو عشان لما اجي ازوركم اعرف اشرب شاي
يوسف : انت ناوي ع زيارة وكدة ولا ايه ، الحقي !
ليان ب ارتباك : ااا ينور طبعاً 😅
يونس : شفت الزوق ، والله اصلية ي ليان عن خطيبك 🙂
( تبتسم وتبص ع الترابيزة )
يوسف : لا دة كلام بس ، لكن ف الحقيقة محدش بيطيقك 🤷🏻‍♂️
يونس وهو بيبص ل ليان : دة بجد ؟
ليان ب ابتسامة وتوتر : لا طبعاً دة بيت اخوك تنوره ف اي وقت ، بطل غلاسة ي يوسف 😅
يوسف : طبعاً بيت اخوه هو انا ليا غيره ♥️
يونس : ي عم كلام ي عم م بانت خلاص ، ع العموم متقلقش كدة كدة هتتجوز ومش هتلاقيني ف البلد كلها
( تتخض ليان )
يوسف ب استغراب : ايه دة ليه ؟!
يونس : بفكر اسافر
يوسف : متعملش كدة طبعاً ، دة انا مصدقت اتلمينا سوا حرام عليك 😕
يونس وهو بيبص ل الترابيزة : م انت هتتجوز وهتتشغل ب حياتك ، وانا هبقا لوحدي كدة كدة ، ف هقعد هنا اعمل ايه 😒
يوسف : ي عم انشغل ب ايه بس ، ولا انت عاوز تخلع قبل م اجيب عيل يقولك ي عمي ويكبرك 🤷🏻‍♂️
( يتخض يونس من جواة وبطنه توجعه لما يفتكر يعني ايه جواز والي هيحصل بينهم ، يبص ل ليان )
يونس : لأ ، مش بخلع 😐
يوسف : يبقا تهدى بقا كدة ونشوف الموضوع دة بعدين
يونس : اوك ، بالمناسبة انا عازمكم برة اخر الأسبوع
يوسف ب حماس : ايوة بقا اتكلم ف المهم ، عازمنا فين ؟
يونس : مكان كدة كنت بروحوا ساعات عارف ناس هناك ، البسه سواريه
( تبصلوا ليان ب خضة )
يوسف : اشطاا يبقا اكيد مكان غريب 😃
يونس وهو بيقف : اة ، غريب 😒
( تقرب نور بالشاي ، تتكعبل ف السجادة ويقع منها الشاي ع ايدها )
نور ب خضة ووجع : ااااه 😨
( يجري عليها يونس بسرعة ويقوم الباقي )
نور ب وجع : اااااه 😧
يوسف : معلش ي نور 😕
يونس : تعالي تعالي
( ياخد ايدها ويدخل بيها التويليت ، يروحوا وراهم ، يفتح الحنفية ويحطلها ايدها تحت الماية )
نور : ااااه 😔
يونس : معلش
يوسف : مش تخلي بالك بس !
نور : اتكعبلت 🤦🏻‍♀️
( ليان واقفة باصة ل ايدها الي ماسكها يونس ومهتم بيها )
ليان ب انتباه : ااا هجيبلك تلج 🚶🏻‍♀️
( تدخل المطبخ وتبقا بتلف حوالين نفسها مرتبكة ومتضايقة وغيرانة ، تفتكر هي جاية ليه ، تمسك كيس فاضي وتفتح الفريزر تحط فيه تلجتين وترجع التويليت ، تلاقي يونس بينشفلها ايدها بالراحة ، تفضل بصالهم )
يوسف : جيبتي تلج ؟
( متردش ليان سرحانة )
يوسف : ليان !!
ليان ب انتباه : ايه نعم ؟
يوسف : جبتي تلج ؟
ليان : اة اهو ، تعالي ي نور
( تاخد ايدها منه وتطلع بيها برة يقعده ف الأنتريه ، تحطلها التلج ع ايدها )
نور ب وجع : ااااه 🤦🏻‍♀️
يونس : معلش بسيطة
( تبصله ليان )
نور : بتوجع اوي 😟
يونس : هما مش أرو ع كباية الشاي بتاعتي ادي النتيجة 🤷🏻‍♂️
نور : ههههه صح والله 😄
يوسف : اهو ولا قرنفل ولا حتى نعناع
يونس : يلا اعوضها ف بيتي
نور وهي بتقوم : لا هعملك غيره
يونس : ي ستي اقعدي بس اقعدي
ليان : خليكي انا هعمله
يونس : لا والنبي مش عاوز خلاص الكباية الجاية هنطلب الأسعاف
الكل : هههههه 😄
يونس : انا بقول نمشي واحنا سُلام احسن
يوسف : انا برضو بقول كدة
نور : ليه بس هو انا الي همشيكوا انا كويسة والله 😕
يوسف : لا احنا طولنا اصلاً ف حلو كدة بقا
( يقفوا ، ف يقفوا البنات )
يوسف : مروحة ي نور ولا بايتة مع ليان ؟
نور : لا مروحة اكيد
يوسف : طب م تيجي نوصلك
( تبصله ليان )
يونس : اة بدل م تنزلي لوحدك والوقت اتأخر
نور ل ليان : طب انتي عاوزة حاجة ولا امشي ؟
ليان : لا ي قلبي عاوزة سلامتك 😊
نور : ماشي ي حبيبي باي
( تسلم عليها ويقرب يوسف يسلم ع ليان )
يوسف : عاوزة حاجة ي قلبي ؟
( ياخد يونس نور ويمشوا )
ليان وهي بتبصلهم : سلامتك 😕
يوسف : مالك انتي كويسة ؟!
ليان وهي بتبصله : قلقانة ع نور بس
يوسف ب ضحك : لا متقلقيش عليها مدام مع يونس 😄
ليان ب وجع : اة 💔
يوسف وهو بيبوس ايدها : هتوحشيني ♥️
ليان : وانت كمان 🙂
يوسف : باي
ليان : باي
( يمشي يوسف ، تقفل ليان الباب وراه وتنزل دموعها الي حبساها ، تقعد ع الأنتريه وتمسك منديل تمسح بيه دموعها وتحاول تهدى ، تاني يوم ، ف المستشفى ، نور ف عيادتها وليان ف عيادتها ، بيكلمه بعض ف الفون )
ليان : كنتي ريحتي انهاردة طب عشان ايدك