نهوه ابن العم

الجزء الخامس عشر

مروه. وهيج مشت الايام علاقتي ويه اللكل حلوه بس هاذ اسد بويه موتني بكل شي  يتدخل ويحشر روحه بويه شكد اكرهه هيج رجال اي المهم اليوم حنه اختي زينب وحنه جاسر تصير بليل وباجر العرس راح يسو بقاعه مختلطه كعدت اليوم الصبح الساعه سبعه غسلت وصليت واسبحت وبدلت على السريع ومشطت شعري هوه كلش طويل لهيج تاخرت بثمانيه نزلت جوه لكيت اللكل كاعد بلصاله مجموعين ما عد البنات بويه شكد ينامن ذن للعلم عماتي وعمامي لسه كاعدين ببيتنا كالو بس يخلص عرس زينب جاسر انوب ينتقلون والبيوت كلها اثثوها المهم نرجع للقصه نزلت وكلت صباح الخير
اللكل. صباح العافيه
ام مروه. يمه كعدي البنات وروحن تريكن
مروه. خوش صعدت للبنات اول شي رحت لغرفة زينب صحت ولج كعدي انه ما شايفه عروس يوم حنتها تنام
زينب. بس خمس دقايق واكعد
مروه. تكومين لولا
زينب. ولي عني
مروه. براحتج انتي جبتيها لروحج جبت كاس ماي ودرته على راسها
زينب. اليوم اليخلصج من ايدي ياهو
مروه. خاب طيري هوه انتي شكول عروس شوف الكفشه اذا جاسر يشوفج هيج يطلكج باول يوم طكيتها ركضه وهي تركض وراي دخلت لغرفة يلي بيها نيرمين وريم ومرام وقفلت الباب درت وجهي واشوف ريم صافنه علي ها يحلو صح النوم
ريم. يصح بدنك يائمر تركض لي
مروه. شمرت عليها المخده انجبي ولا تتفلسفين براسي اكلج خل نكعد ذن ورانه ترتيب للبيت وانوب نروح للصالون
ريم. اي اكلج خل نخبث شوي
مروه. اي يروحي شنسوي
ريم. جابت كاسين مي ولج اليوم اسويها بحار
مروه. لا ولج توه كعدت زينب بل ماي
ريم. ولج لا خطتي غير انطتني كاس واخذت كاس وراحت يم نيرمين وصبت الماي على فراشها
مروه. صخام الصخمج ريم
ريم. انجبي وصبي هاذ على فراش مرام
مروه. انتي ليش خبيثه
ريم. يله يله لا تتفلسفين براسي
مروه. خوشششش صبيت الماي على فراش مرام بويه ريم ولج طفري اذا كعدن واشافنه هنا تنقري فاتحتنه
ريم. ولج شوفي هسه نكعدهن وانوب تعرفين الباقي
مروه. خوش رجعنه الكاسات راحت ريم تكعد نيرمين وانه اكعد مرام
ريم. مروه بس اكول 3
مروه  . اي
ريم. 123
مروه وريم. ولجننننن هاي شنوووو
نيرمين. جنت نايمه وجاي احلم بفارس احلامي فزيت على صراخ طفرت ووكعت من الجربايه شنو طبو علينا دواعش
مرام. صمله الرحمن شنو
مروه. ولجن هاي شنو على فراشجن ما اتوقعتها منجن ابد
ريم. ادري شنو جهال خو مو جهال
مرام. شافت فراشها لطمت على خدها. ولجن ولله مو اني شبيجن
نيرمين. هي شكو شكو
ريم. ماتوقعتها منج باجر تعرسن هم بليل العرس تسونها على رواحجن
مروه. وهيه حابسه الضحكه كوه. ليش ولجن ليش هيج مو عيب عليجن
نيرمين. يا صخام الصخمني عود هاي انه مسويه هيج كله بسبجج مرام اله  تضحكينه
ريم. خير خير. شنو
نيرمين. البارحه مرام تقلد بزهراء  ووسن وخلتنه نسويها على ارواحنه يبويه وين نروح تطشر العرض
مروه. هيه كالت هيج وانه ريم. طكيناها بضحكه سمعها يمكن سابع جار
ريم. وكعت بلكاع تضحك ولج مروه نوب صدكن يايابه يابويه
مروه. اي ولج انه راح اموت كافي لا تضحكين يله يله يابعد روحي روحن بدلن ونزلن تريكن
مرام. عليجن الله لاتكولن لحد
مروه. اخ بويه متت انوب تكول لاتكولن لحد
ريم. بويه شبيجن مقلب
نيرمين  . طايحات الحظ. وانه صدكت كامت نيرمين ركضت وراهن
مروه. طكيناها ركضه ونزلنه الدرج نلهث
ريم. كعدت على الدرج وتضحك اخ بويه راح اموت ولج صدكن 😂
مروه. كعدت يمها اي ولج انوب نيرمين تكول تطشر العرض 😂
الجده. شبيجن صوتجن واصل لسابع جار وانتي ام ايد المكسوره ليش ماتركدين لو لمن تكسرين اديج ثنينهن يله ترتاحين
مروه. عفا بيبي هاي عليه
الجده. لا على الحايط
ريم. هاي شنو جده صايره تقصفين
اسد. بعصبيه. شنو هاذ الصوت العالي وين كاعدات بملهى
مروه. احترم نفسك
اسد. لا ولله صعطوطه مثلج تعلمني الاحترام
مروه. ماني صعطوطه
ابو اسد. كافي بويه حاط راسك وياها هيه جاهل وماتفتهم
مروه. اهو مو كلت ماني جاهل
ابو اسد. لا بويه انتي العاقله ميصير هيج تحجين ويه الاكبر منج
مروه. ادري عمي بس هوه لفضه كلش
ابو مروه. تعاي بويه يمي بنيتي العاقله
مروه. اخ بويه هاذ حبيبي هنا واني ما ادري رحت كعدت بصف ابوي وحطيت عكس ايدي على رجله شلونك كلبي
ابو مروه. دام انتي بخير انه بخير ياعافيتي
مروه. بست خده فدوه اروحلك اني
اسد. كاعدين نتريك واسمع صوت ضحك جاي من الطابق الفوك كلش الصوت عالي وميزته صوت مروه وريم صرت عصبي نار ما احب احد يشوف ضحكتها غيري وانوب هاذ خره ياسين فتح حلكه بودي اكوم افرك حلكه اله شوي ونزلت مروه. وريم الدرج ركض خفت عليها خاف توكع وهل المره اذا صار بيها شي اموت صيحت عليهن وانوب ترادد بويه مو لسان عدها رشاش وانوب صاير عصبيه والوجه احمر والشفايف حمر بويه موتتني هاي البت كعدت يم ابوها تحجي وتضحك وانه شعوطت كلش وانوب كملتها من باسته بويه اشتعلت نار لو بيدي اضمها بصدري حتى اخفيها عن العالم كله اريد بس انه اشوفها وبس كمت سفره دايمه
الجده. وين يمه ما اكلت
اسد. لاالحمد لله شبعت شفتها رفعت راسها خزرتها انوب سوت حركه بشفايفها شلون الطفل بويه اذا اضل هنا اخذها واشرد طلعت