نهوه ابن العم

الجزء الثاني والثلاثون

قسور. اليوم طالع من القسم انه والولد بعد ما طردنا الدكتور لان مامنتبهين  عليه كعدنا بلكافتريا جان يكول يزن
يزن. اكولكم خل نسوي شي ترا روحي طاكه يوم الاسود يلي دخلت طب بي احنا وجوه دكاترا
قسوروياسر. اي ولله
قسور. خل نروح نشوف ذنيج الحوريات
ياسر. وينهن
يزن. اي ولكم طفرو انه من هسه الي ذيج ام عيون الرصاصي
قسور. وانه الي الي بصفها
ياسر. وينهن هيوو
قسور. كفخته على راسه شنو نعميت ذنيج
ياسر. ها يله نروح
قسور. اوكفو خل اعدل الياخه عدلنه ارواحنه وتوجهنه الهن بس شنو من جمال
يحلووو ممكن الرقم
نوارا. شنو متستحي مع
قسور. ولله عندي بلا هل السوالف هسه احنه شنو كنالج بس الرقم نتعرف ويمكن حتى نتزوج
نوارا. ايععع انه اتزوجك لا وخر راح اتقيء عليك من جد
قسور. ديله ديله علساس انتي نانسي عجرم
نوارا. لا مو نانسي تاج راسها
قسور. لو ما ذن الصاكات الكاعدات اله اجرج بزيج عابر القارات
نوارا. بسيطه اتناوع على صديقاتي الفاهيات فاكات حلوكهن عفتهن وكمت وتوجهت لغرفه العميد انه الك دكيت الباب وفتت
العميد. تفضلي بويه محتاجه شي
نوارا. حجيتله عليه ( قصدها قسور)
العميد. زين كتيلي يامرحله هوه
نوارا. ها مرحله الثانيه اعتقد
العميد. ولايهمج بنتي أنه اطيح حضه
نوارا. شكرته وطلعت انه الك لا انوب يكلي عساس انتي نانسي عجرم اذا ماني نانسي المن جاي تتحارش بويه شكد اكره الشباب الي هيج
ها طبعا لغيت اهواي ولسه معرفتوني ( يا واخيرا حسيتي)
اني نوارا من بغداد اجيت ادرس بلبصره لان عمري 19 مرحله اوله طب اسنان انه يتيمه الاب بس اني وامي وامي مريضه كلش لذلك اني اشتغل وادرس لان ماعدنه احد يعينه المهم دخلت المحاضره الاخيره مالتي وطلعت اجرت تكسي لبيتنه هوه صح تعبان بس الحمدلله هذا ولا كلشي ماكو طبعا اشغل اخيط واخبز وابيع للناس وهيج ماشيه الحياه
_________________________
قسور. دخلنه المحاضره الاخيره وجان يندك الباب ويدخل العميد ويصيح بسمي واسم الولد.  الي فهمته ذيج البنيه الي كتلها انطيني الرقم مشتكيه علينه والعميد متصل على اسد  اخذنه للاداره جان ندخل ونشوف اسد وجاسر وشاهين غير بلعنه العافيه
يزن. بهمس رحنه بيها شوفو وجه اسد اليوم يلعب العكال على ظهورنه
ياسر. اي وجاسر يستلمنه بعوجيه جدتي
قسور. اويلي شلون اسلحه راح يغسلون حضنه اليوم ننعلس
ياسر. شباب انه اقترح عليكم اول ما نطلع طفرو لاخر الدنيا لان اذا طحنا بديهم ما يعوفونه اله مودينا الوادي السلام
قسور. خاب ماتاكل خرا انت وخلي اقتراحك الك هوه زين اذا.وصلنا الوادي السلام
ـــــــــــــــــــــــــــــــــــــــــــــــــــــــــــــــ
اسد. جنت كاعد بلبيت أنه والولد اليوم عدنه استراحه اتصل عليه عميد الجامعه مال قسور والولد الله اليعلم شنو مسوين فتحت خط
العميد. السلام عليكم
اسد. اهلا وعليكم السلام خو ماكو شي
العميد. اتصلت عليك علمود اخوك قسور واولاد عمك هل الايام هواي جاي تجينه شكوات عليهم وهسه اجتنه البنيه اشتكت عليهم يتحرشون بيها  وتالي متعارك وياها ياريت تشوف شغلك وياهم ولا انه اتصرف
اسد. هوه يحجي وانه اتوعد الهم كتله خلص هذا هوه انه هسه جاي واخليهم يعتذرون من البنات
سديته من عنده وانه اسب بيهم
جاسر. شنو السالفه خويه شمسوين انوب
اسد. كول شنو الما مسوي هسه اتصل عليه العميد مال الجامعه مالتهم  وحجيتله على الي كلي عليه العميد
شاهين. ذول شكلهم مو مال واحد ينطيهم مجال مال واحد يطيح حضهم يله يجرون عدل
اسد. كومو خل نروح الهم ركبنه السياره للجامعه وانه الطريق كله اتوعد الهم بسيطه حتى ماعرفت ارد على العميد هاي تاليتي انه احمي بعروض الناس واخوي واولاد عمامي يلعبون عليهن بسيطه كون اكضهم اله اطلع الهم جلد ثاني
وصلنه شوي ودخلو النه من شافونه وجوهم صوفرت اليوم وين يطيرون
طلبت الهم اجازه وطلعنه وهم ورانه يلغون عاط بيهم جاسر وسكتو
قسور. ليش طلعتونه ترا عدنه محاضره
اسد. اكل خرا صار شاطر طايح الحض خل اكضك اليوم انعل*****
يزن. ول ول ول ابن عمي شنو هاي الالفاظ مو انت المتدين هوه انه كلت هيج لو ابتليت على عمري عاط بيه جاسر عيطه اله خرطت العافيه بويه ذول شلون متحملاتهم نسوانهم احنه شطولنه ونتراجف كدامهم هسه جاي اتخيل مروه شلون راح اتكمل حياتها ويه اسد ذيج السانها اطول منها وهذا بركان غير ايصيرون مكافش من الروس بس اتخيلتهم ضحكت بصوت عالي
وجان تجيني خزره من اسد
اسد. خير دكتور يزن ضحكنه وياك
يزن. هيج ابن عمي بس اتخايلي شي وضحكت
اسد. اضحك اضحك بعشوي ابجيكم على ارواحتكم
ياسر. بهمس تف عليك يزن همه كابين نار وانت تتمضحك وصلنه لبيت عمي ابو اسد اول ما دخلنه لزمونه كل واحد اخذ واحد وجرجرونه على الدرج ولغرفه ابن عمي العزيز اسد وشمرونه بلكاع واحنه كعدنه عقال ننتضر الحكم نزعو حزاماتهم
يزن. بويه شنو استرو علينه عرضكم احنه جان يتقرب مني شاهين وهوه يطبگ بلحزام صرخت بعلو صوتي لا.    اميييييي راحححح ينتهكوووونننن شرفففففييي لا هذاااا اغلللللىىىىى شي عندييييي
هوه كلت هيج لو قسور وياسر تمددو بلكاع من الضحك وطاحو الولد بينه كتل نعلو الخلفونه
قسور. شاهين تعال انت اضربني وخل اسد يضرب يزن
يزن. اكل خرا ما اريدددد اسددد ايده ثكيله
قسور. جاي احجي وجان احصلي حزام  على ضهري بويه تحرمست
اسد. طايحين الحض انه احامي اعرض الناسسسس واخوي واولاد عمي يلعبون عليهن بسيطه احسابكم عندي اله اغسل حضكم
قسور. انه بس اريد افهم انت شلون راح تسلك ويه مروه اذا هيه السانها اطول منها وانت جنك ثو سكتت من انتبهت لروحي
اسد. كمل ليش سكتت انه اعلمك الثور شنو ايسوي اله اغسل حضك ك****
يزن. ياييي قسور انت هم تفكر مثلي مساع من ضحكت هم جنت افكر مثلك وتخيلت مروه وابن عمي الغالي اسد شلون يتعاركون يصيرون من الروسس
قسور. هههههاااأااا
اسد. ومرض هذا هم ضحك
يزن. الله بلخير ياسر شنو صار وياك ذابها على الصامت
ياسر. جاي افكر بهاي الحلوه المساع شفتها بلدرب حرامات ما صجمتها
قسور. هوا كال هيج لو نزل عليه جاسر نزله كسره تكسر وصل النه صوت الحزام
نيرمين. جنت كاعده بلبيت وضايجه شوي وندك الباب رحت فتحتها طلعو شاهين واسد وجاسر كل واحد كاض واحد من الشله مال العفطيه ويجرجرون بيهم صعدوهم فوك وانه كبل طفرت فوك ما اريد يفوتني شي صعدت واشوف اسد لازم قسور وطايحله وين اليوجعه وجاسر وشاهين كذالك وطايحيلهم دك بلحزام وصوت الحزام يموت كبل ركضت جبت تلفوني وصورتهم بويه غير خربت من الضحك عليهم خوب موتني يزن من  صرخ من تقرب يمه جاسر صرخ بعلو صوته لا امي راح ينتهكون شرفي بويه فحطت عليهم انوب يقرضون بيهم وذوليج يضحكون ماجنهم ينجلدون ويستفزوهم صورت كتلتهم كلها علمود استغلهم بيها نيييهههاااا
نزلت جوا ركض من شفتهم كامو من فوكاهم خفت لايحطوني وياهم ويكتلوني كعدت بلصاله وحطيت رجل على رجل دزيت الفيديو المصورته على الكروب الي سويته ودخلت البنات بيه بنات عمامي وعماتي عدا زهراء ووسن لان مالي خلك مخذتهن
بوكتها جان محد موجود بلبيت الولد بدوامهم وامي ونسوان اخواني وجهالهن راحو لبيت عمي ابو جاسر
نزلو الولد فحطانين ركضت كبل جبت الهم مي وانطيتهم
اسد. بويه وين امي والبنات
نيرمين. راحن لبيت عمي ابو جاسر شوي ونزلو الشله قسور لازم ضهره ويزن لازم ايده خوب ياسر موتني من الضحك نازل على الدرج كعده يعني كاعد على الدرج وينزل كعده  خربت عليه من الضحك رفعت راسي وشفت المعقدين على كوله قسور خازريني بس بويه غير اجيت اسويها على نفسي

ـــــــــــــــــــــــــــــــــــــــــــــــــــــــــــــــ
مًشُتٌآکْلَکْ ♥
بًسِ مًآريَدٍ آحًآجّيَکْ ♥
بًلَکْتٌ آهّمًآلَيَ شُوٌيَهّ يَآذِيَکْ ♥
آسِألَنِيَ کْلَشُيَ وٌعٌوٌفُ آلَشُبًيَکْ ♥
هّمً تٌحًسِ بًيَهّ مًنِ مًحًدٍ يَحًسِ بيك♥