نهوه ابن العم

النهايه

مروه. مرت الايام هادئه وانه ملتهيه بعائلتي الصغيره كبرو اولادي صار عمرهم 9 اشهر يخبلون مدبدبين اتعلقت بيهم مو شلون مجان واسد جان الي ونعم الزوج طبعا بلفترا الفاتت ابد ماوصلت لهلي قطعت كل علاقتي بيهم انه المايريدني ما اريده وحتى بيت عمي ابو اسد ماوصلت وعلاقتي بلبنات قلت سمعت من اسد انو ياسر خاطب وهج وايمن ابن عمتي ايمان خاطب هيلين وزيد خاطب ايلين والخطبه صارت بس انه مارحت لان جنت متمرضه كلش طايحه بلفراش وحتى اسد راح شوي واجه بس العرسه خلو بعطله نصف السنه طبعا بدت المدرسه وانه صف خامس صار عمري 17 وطبعا اسد هم سوالي انتساب لان مااكدر اداوم والجهال منو يضل يمهم بس بفترت امتحانات نصف السنه بعدلها اسبوعين وانه هلكت نفسي بلدراسه وحتى مرات اسد ياخذ الجهال ويا من يطلع علمود ما التهي بيهم واعيف دراستي وبدت وكت الامتحانات وانه متحمسه راح اخلص ماضل بس سنه ونص واحقق حلمي واصير دكتوره خلصت امتحانات نصف السنه وبعد يومين للحنه مال البنات لازم اروح ماكو مهرب بهاي الفتره الاختفيت بيها هواي غيرت من نفسي بتصرفاتي وبشكلي بس كلش عاجبني التغيير

المهم
كعدت العصر على صوت اسد يلاعب بلولد
اسد. صح النوم يحلو
مروه. ببتسامه الله يصح بدنك
اسد. اليوم اخذج تشترين ملابس للحنه والعرس
مروه. اوك
كمت غسلت وسبحت وبدلت ملابسي طلعت اخذت المشط ورحت لا سد كعدت يمه وهوه كعد يمشطلي
مروه. ليمته نروح
اسد. ورا الاذان علمود نتعشه بلمطعم
مروه. اها بيش الساعه
اسد. 6:22
مروه. بعد خمس دقايق للاذان
اسد. اي
مروه. كمت غسلت للجهال وبدلتهم وعطرتهم وحطيتهم على الجربايه يلعبون بس حاوطتهم بمخاد
اذن صلينه كام اسد بدل ومشط وترس روحه عطر وانه بدلت لفيت الشال ولبست عبايه اسد شال الولد ونزل وانه نزلت ورا صعدت السياره من بعد مقفلت البيت رحنه للمول اختاريت فستان اسود يصير قصير جوه الركبه ويصير مشدود على الجسم وحذاء عالي اسود والولد شتريت نفس ابوهم كلهم طقم رسمي اسود صرنه كلنه اسود طقمنه انوب اشتريتلي كم حاجه محتاجتها ورجعنه للبيت ومرن اليومين اليوم اسد اخذني للصالون الراحن البنات اله مكتلهن سويتها مفاجئه وصلنه وانه طول الطريق اوصي باسد على الولد لان راح ياخذهم ويا يم اصدقائه نزلت بس دخلت جانن يشتغلن بيهن سلمت التفتن على صوتي
نيرمين ولجججججج مريييييوووه هايي انتي مو
مروه. خرب بيج ولج فضحتينه اجت حضنتني
نيرمين. انجبي ادبسززز وين جنتي شو حتى من اجيج ماتطلعيلي
مروه. تكدرين تكولين اخذت فترته راحه
ايلين. بس مو هيج احنه شعلينه تقاطعينه
مروه. حقجن عليه يروحي
هيلين. شنو راح تلبسين
مروه. طلعت الفستان راويته الهن طبعا جنت جايبته وياي هوه والحذاء وكل الغراض الاحتاجها
ريم. يخبل بس ليش كله اسود
مروه.  طقمنه انه واسد والولد
نيرمين. واو يعني راح تطلعون سيت مال كلاصات
مروه. لا ولله اله اكل لخوج
نيرمين. انجبي
ريم. انجبن ثنينجن وتعالن خل يشتغلن بينه يلا
مروه. اي
كعدنه وبدن العاملات يشتغلن بينه طلبت مكياج صارخ وكلش حلو وشعري كوته الي وخصلته وخلته مفتوح
خلصنه هنه اجو عليهن الولد وانه اجاني اسد لفلفت روحي وطلعت صعدت ووخرت العبايه من وجهي
اسد. يابويه شنو هل جمال ولج بس لاناويه تجلطيني
مروه. يمكن حلوه
اسد. تخبلين بس حلوه ملاك
مروه. اويي حبيبي وانت طالع صاك
اسد. لج اخرب على الاوييي
مروه. عيب اثكل مو شيخ انت
اسد. واذا شيخ يعني ماعيش حياتي
مروه. لا عيني عيشها عيشها ليش متعيشها
وصلني واخذت الولد منه ودخلت لكيتهم واصلين سلمت على اللكل واشتغل الدي جي خليت الولد يم جدتي وعمتي وتكابلنه انه ونيرمين لعبنه لعب ورا لليل احنه على فد ركصه بدت الناس تخف الى انه ضلينه بس عائلتنه انتبهت على امي او لا العفو مو امي مرت ابوي جايه وجايه وياها بتها زينب طبعا هذا حملها الثالث جابت بنات ثنين وهسه حامل بلرابع اخذت ولدي وصعدت لغرفتي رضعت الولد وبدلت الهم ونيمتهم وكمت بدلت ملابسي ونزلت ساعدت البنات بلتنضيف بدت حنت الولد 11 انه صعدت بعد انهلكت ماكدر سبحت مشطت شعري ونمت يم جهالي فزيت نص الليل على ايد تلعب بشعري عرفته من عطره
مروه. اسد
اسد. عيونه
مروه خلصت الحنه
اسد. اي
مروه. جوعان اكوم اسويلك اكل
اسد. لا حبيبي اكلت شو تعاي بحضيني
مروه. تمدد بصفي واخذني الحضنه ضل يلعب بشعري بسرعه نمت ماكعدت اله على صوته يكعدني
اسد. ها مروتي اليوم مناويه تكعدين
مروه. بس خمس دقايق
اسد. ولا دقيقه يلا  كومي لاتصيرين كسلانه يلا راح تصير 7 هم يلا تبدلين وتبدلين لاجهال وراج روحه للصالون
مروه. اي كمت كمت غسلت وجهي وبدلت ولبست الشال وغسلت للجهال وبدلت الهم وعطرتهم طبعا لبستهم بنطرون كابوي اسود وبديات مخططات بلعرض احمر واسود واحذيه سود واسد بدل واخذهم ونزل كملت كلشي واخذت فستاني مال العرس احمر يصير طويل والردانات شلون الحمالات وحذاء اسود واكسسوارات نزلت لكيت البنات رايحات وانه هم وصلني اسد وبلشنه حمام مغربي وعنايه بلاضافر والشعر خليت شعري مفتوح بس هلمره بس كوي كويته ومكياج بلون الاحمر كلش حلو نازك مو مبالغ بيه
والبنات هم طلعن يخبلن طلعنه واجونه الولد اخذونه للقاعه طبعا كلعاده القاعات منفصله زلم وحد ونسوان وحد شبل ضل عند ابو بس فهد ضل يبجي عليه اخذته ودخلت واخذته مني عمتي ونفس الشي تكابلنه انه ونيرمين وريم ونوارا لعبنه لعب طبعا نوارا حامل بشهر الخامس بيها تؤام ولد وبنيه انوب ركصنه جوبي انه ونيرمين متدربات عليها كلها ضلت فاكه حلوكهن علينه رحت يم الطاوله الكاعده عليها عمتي وجدتي ونسوان ولدها
ام اسد. ولج يمه راح يحسدنج كعدي شوفي كل شوي وحده اجت خطبتج هاي لو يدري الاسد يكلب الدنيا على روسنه
مروه. عمه انتي كلتي لو يدري منو يكله قابل

ام حسين  نسوان تالي وكت كله من ورا زلمها
مروه. اي صح وياج الحق اذكر جانت اكو وحده بس يطلع رجلها للشغل طفرت لبست العبايه وداحت علقل انه مو مثل هاي الشكولات
ام حسين. شقصدج ولج
مروه. تعرفين قصدي كلش زين يمنو
كلتها واخذت وليدي ورحت للطاوله الكاعدات عليها البنات كعدت
نيرمين. شبيها وياج هاي
مروه. ختولي ترطن لوحدها
نيرمين. اي ولله فد صايره ادبسزز ما جانت هيج انه من شفتها حسبالي فقيره
مروه.  الله  لافقر الها
نوارا. لاتزعجون رواحكم بنات خل تولي
مروه. طبعا هوه هيج بعد شكد للزفه
نيرمين. توه اتصل اسد كال بعد نص ساعه
وصدك بعد نص ساعه صارت الزفه طلعت من بعد ماغطيت وجهي بلعبايه شفت اسد اشرلي رحتله جان شبل بيده صعدت بلصدر وهوه صعد شبل ورا وثبته بلمقعد مالتهم انوب اخذ فهد من ايدي وهم نفس الشي جانت الزفه كلش حلوه كل شوي موقفين السيارات ونزلو يركصون خوب قسور حتى العالم البشارع ركص وياهم وكل شوي مطلع نفسه من الجامه ويهز جتف
لمن زفوهم للفندق
واحنه رجعنه

وهيج اتكون انتهت القصه اتمنه انو استمتعتو وان شاء الله راجعه الكم بقصه احله