نهوه ابن العم

الجزء السادس والعشرون

مروه. وصلنه اسد للمدرسه دخلت رحت كبل على صفنه واخذت نيران وايلين  وياي لان نقلوها همه للمدرسه مالتنه دخلنه للصف سلمت على البنات وكعدت برحلتي وخليت نيران تكعد برحله بيها بس طالبه المهم شوي ودك الجرس دخلت مدرسه العربي سلمت
نور. السلام عليكم بنات عطله سعيده
البنات. وعليكم السلام ست علينه وعليكم
نور. اعرفكم عليه انه مدرسه العربي اسمي نور وهسه خل نتعرف عليكم كلكم وبدن البنات يعرفن عن نفسهن وصل السره النه تعرفنه
نور. شنو انتو اخوات
مروه. لا ست بس انه وزينب اخوات ونيران وايلين بنات عمي
نور. اها
شوي وندك باب الصف المعاونه ووياها بنات ثنين
المعاونه. السلام عليكم
البنات. وعليكم السلام
المعاونه. ست ذن بنات نقل
نور. اي تفضلن شنو اسمائكم
رباب. انه رباب وهاي اختي ايات
نور. ها رباب كعدي يم مروه الرحله الثالثه السطر يلي يم الشباك
ايات كعدي يم نيران بل رحله يلي وراهن
مروه. اجت هاي يلي اسمها رباب وكعدت يمي واختها كعدت وراي يم نيران
دك الجرس الفرصه تعرفت على رباب هيه خوش بنيه بس صرعتني وهيه تحجي وماتسكت
وهيج خلص اليوم المدرسات يدخلن يعرفنه على نفسهن ويتعرفن علينا وينطنه تحاضير ويطلعن بلحله اجانه قسور
قسور. هلووو صبايا
مروه. لا هله ولا مرحبا
قسور. ولج زقجه ترى  اغسل حضج
مروه. لا ولله خوفتني بس عليك الله كلي بيش تغسله بزاهي بصابون
قسور. اعلمج نوصل للبيت لولا اخذنه الدرب كله نتعارك انه ويا هوه غثيث ويغثني وانه مااكدر اسكت وصلنه للبيت اخر شي وصلني انه ونزل وياي
مروه. خير وين مولي
قسور. شنو عيني جاي لبيت عمي انتي ياهي مالتج
مروه. لا ياهي مالتي ولاشي يله طكطك نعالاتك ولبيت اهلك يلى
يلى
قسور. تفوووو عليج وبعدين شو وخري من كدامي بيت عمي وبكيفي
مروه. دفعني ودخل والله مو صاحي هاذ. تاليته لو يجلطني لو اجلطه دخلت بدلت ملابسي ونزلت صبيتلي اكل وكعدت اكل شوي واجه قسور كعد يمي ياكل
مروه. هيوو منو عزمك
قسور. مامحتاج عزيمتج انه عزمت نفسي
مروه. عفته وكمت صعدت فوك ارتاحين شوي وانوب كمت حضرت التحاضير ولزمت التلفون جان يتصلن بنات عمي اتصال مشترك فتحت وياهن هلوو
البنات. هلوات
نيرمين. وين جنتي ولج من مساع نحجي سوه
مروه. اي مو جنت احضر التحاضير
ريم. ليش انتو هم انطوكم تحاضير
مروه. طيحن حضنه عودك هاذ اول يوم
وهج. حتى احنه اي شنو جنتي تسوين بعد
مروه. كلشي ماسوي رجعت للبيت واستاذ غثيث نزل وياي
نيرمين. منو هاذ
مروه. اخوج
نيرمين. لج عزه تحجين على اسد
مروه. هوه منو جاب طاريه قصديه على الغثيث قسور
نيرمين. يا شبي وياج
نيران. يا فاتتجن من حلينه قسور اجانه ومروه وقسور كبت بينهم لو بعد شوي ويتمالخون
وهج. يا ليش
مروه. مو غير هوه غثيث انوب كاعده اتزقنب جر الاكل من كدامي وكعد ياكل بي عفته وكمت لان اذا اضل يمه ارتكب بي جريمه يغث الله يساعد يلي راح تاخذه تموت بساعتها
نيرمين. يا جا انه ذاك اليوم دكيت بي دكه خليت ابوي واخواني يكتلو جنزو كلش خوب اسد نزع العكال وطاحله وين اليوجعه
مروه. حيلللل كون انه موجوده جان تشمتت بي
ـــــــــــــــــــــــــــــــــــــــــــــــــــــــــــــــ
اسد.  ثاني يوم صادف وكتها جمعه نزلت صبحت عليهم وتريكت ورحت للديوان حليت الطلايب وكلت اروح لبيت عمي اشوف مروتي مشتاكلها كلش رحت ليهم وداكيت الباب جان يجيني صوتها   بويه يابعد روحي شكد متلهف عليها وهيا ولاتحس تتدردم ومبينه عصبيه سمعت امها من صاحت عليها وكلتلها هيج بويه خربت ضحك عليها انوب شلون دردم صدقه للله هاي لو عندي ياها اكعد واكبلها

مروه. ثاني يوم اليوم حملت التنضيف مال امي ومنو الواكع بيها غيري
لزمتني من الصبح الساعه بلسته لحد 11 هيه كربتني كرب غسل فراش والساحه والكراج وغسلت ملابسي وملابس اخواني وملابس بنين وغسلت الماعين يعني طاح حض حضي ادري  انوب فوك هاذ كله ماعاجبها  شي هيه العطله نرتاح بيها بس لا شلون انه لا عطله ارتاح بيها جاي احجي بصوت مسموع بس مو عالي وجنت كاعده على الحشيش بلحديقه اندك الباب استغفر الله ربي صاحت امي عليه
ام حسين. هسه بدل هاي اللغوه من مساع لسه تلغين كومي فتحي الباب ولله بنات هل وكت ميتح
مروه. ماخليتها اتكمل لان اذا اشتغل المايك مالها محد يطفي كمت فتحت الباب وصار اسد بوجهي لا حول الله يعني انه ارتاح من اخو يجيلي هوه
اسد. آلُـۜسـۨۚ(✋)ــِۖلُأمٌ ؏ـليۜـ(💜)ـكـۜم وݛحـٍّْـٍّْ⁽😘₎ـٍّْمهہ الًـًٍۖـٍـٍۖ(☝)ٍۖـًٍٍٍّـًٍلۖهًٍۖۂ وبـۗـۗـۗـۗـۗـۗركۧۧــۧۧۧۧۧـۗـۗ(ۗ😇)ـۗـۗاتهۂ
مروه. وعليكم السلام تفضل
اسد. دخلت للبيت وسلمت على مرت عمي دخلت للاستقبال سألت مروه.
جا عمي وين
مروه. راح لبغداد
اسد. ليش
مروه. رفعت كتافي بمعنى ماادري
اسد. صدقه لهل الوجه
مروه. شكلت
اسد. كلشي ماكلت جان تدخل مره عمي وقدمت الضيافه مشكوره عمه
ام حسين. بلعافيه يمه
مروه. كعدت امي تحجي وياه وانه صعدت فوك ورا نص ساعه صاحتني امي علمود انزل اصب الغده نزلت وانه اكول ادري محد غيري بهل البيت شني بس مروه تعاي ودي وجيبي متتت بويه جان يطلع بوجهي اسد نزيت رجعت ليوره
اسد. اصمله شبيج بس تتدردمين
مروه. بيه مرض كون شنو انت وين مااروح تطلع بوجهي

اسد. انجبي ادبسزز
مروه. اهوووو شنووو يمه
ام حسين. وحمس صوتج بت الزفره وبعدين شلون تحاجين الشيخ هيج
مروه. لا حول الله شلون عائله تخلي الواحد يكفر كوه
ام حسين. وحمس يله صبي الاكل
مروه. صبيت الاكل وردت اصعد كالت امي
ام حسين. وين تعاي اكلي
مروه. ماريد
ام حسين. تعاي يمه لايصير بيج شي من امس ماماكله
اسد. تعاي اكلي
مروه. ماريد
اسد. تعااااايييي ازقنبي
مروه. لا ولله عفته وصعدت لغرفتي واسمعه جوه يصيح وامي تهدي بي
او عشتوو يريد يمشي سوالف ولد العم براسي
راسي ضلت يوجعني اخذت حبايه وتمددت على الجربايه بعد مدري شكد مر وكت حسيت على شي يمشي على وجهي طفرت طفرا وكعت من الجربايه رفعت راسي لكيت اسد كاعد على الجربايه ويتناوعلي بصدمه كام  وهوه الخوف ظاهر على ملامح وجهه
اسد. شبيج بوي انتي كومي كومي
مروه. كومني واني حسبالي ابو بريص يمشي على وجهي خفت
اسد. خو ماتاذيتي بنيتي
مروه. لا
اسد. شلون تطفرين هيج يله وكعتي على راسج واتاذيتي
مروه. اسمله بيش طالبني بس حسبالي ابو بريص يمشي على وجهي وبعدين انته منو سمحلك تفوت على غرفتي
اسد. ضحك ولله ضحكتيني بكيفي داخل غرفت مرتي
مروه. نعم نعم منو هاي مرتك
اسد. انتي
مروه. تحلم
اسد. عتيتها من ايدها ونضربت بصدري نزلت راسي علمود صير بطولها حبي خليها ترجيه ابئذنج انتي الي رضيتي لو مارضيتي انتي الي وماتصيرين لغيري