نهوه ابن العم

الجزء الخامس والاربعون

اسد. من سمعت من امي مروه حامل الدنيا ما سايعتني اخيرا التمنيتها صارت الي من بعد الصبر والله رزقنه بلطفل اليوم الصبح كتلها تحضر نفسها علمود نروح للدكتوره تحضرنه ونزلنه وانه لازم ايدها واوصي بيها مو كلساع صاعده ونازله الدرج
مروه. ترا ولله افتهمت
اسد. بعد حتى ركض متركضين وتگعدين عاقله وتسكتين
مروه. ايباه
اسد. هذا الموجود حبي
نزلنه صبحنه على اللكل
وباركونه يمكن امي ونيرمين كاللهم
كال قسور. يلا يمه ليمته اتزوج مو حتى اسد وراح يصير عنده الولد وانه لسه ممتزوج ترا الله ميرضاها زوجووووننننييي
اسد. وحمسسس لهل صوت تسد حلگك لا انه اجي اسده الك
ام اسد. عيفكم منه يمه وتعالو تريكو
اسد. لا يمه رايحين للدكتوره ومناك نتريك
ام اسد. بكيفكم يمه
لزمت ايد مروه وطلعنه اول شي اخذتها للمطعم ونزلت اشكال الاجبان والكاهي والجاي كملنه ريوك ورحنه للدكتوره طبعا انه حجزت الها من البارحه جانت اكو وحده قبلنه خلصت فحصها ودخلنه انه وياها
فحصتها واخذتها للمختبر سحبو منها دم
وصعدنه للدكتوره
الدكتوره. مبروك ماما حامل
اسد. الله يبشرج بلخير دكتوره
الدكتوره. بس لا زم تنتبه على نفسها وعندها فقر دم وهاي الاشهر الاولى صعبه صعدت الدرج خففيها والتزمي بلفيتمينات والمقويات الراح انطيج ياها
صدك كتبت الها فيتمينات ومقويات رحت اشتريتهن من الصيدليه وصعدنه السياره متوجهين للبيت
اسد. اي بنيتي شنو مشتهيه
مروه. اممم
اتناوع الها حطت ايدها على حنجها مثل التفكر
مروه. اريد اندومي
اسد. لا هاي هيه انه اكول راح يطلعون فريخاتي معصعصين
مروه. اوووو لا صدك مشتهيه اندومي وجبس وحبشكلات
اسد. تدلل مريتي طبكت يم محل ونزلت اشتريت الها الرادته واشتريت لنيرمين والبنات صعدت انطيتها علاكه ومال البنات خليتهن ورا وصلنه للبيت نزلنه انطيت للبنات وحتى هدوء حسبتها وياهن بس انطيتهن لنيرمين تنطيهن الها خاف تستحي مني وكلت لمي على حجي الدكتوره
ام اسد. جا يمه هم صدك ما يصير كل شوي صاعده ونازله انه راح اكل للبنات ينضفلكم غرفه لي جوه علمود بس تجيب وتطلع الاربعين صعدو فوك
اسد. اي خوش حجي يله يمه ديري بالج عليها وانه طالع عندي شغل
ام اسد. لا يمه ما معقوله منك توصيني على بنيتي روح يمه الله وياك
اسد. طلعت لديوان جانت عدنه مشكله حليناها ركبت السياره ورحت اشوف الزرع والبساتين كلشي تمام وانوب اتصلو عليه من المركز رحت
ـــــــــــــــــــــــــــــــــــــــــــــــــــــــــــــــ
نيرمين. من بعد ما درينه بمروه حامل كلش فرحنه خوب اخوي فرحته مينطيها لحد فد فرح حگه ولله شكد انتضرها لمن كبرا وهوه الرباها على ايده وتاناها لمن كبرت واتزوجها واول شهر من زواجهم مجانت متقبلته وهسه احسها تميل اله وكلش افرح من اشوف نضراتها اله احسها تحبه واكدتلي شكوكي من تعاركت ويه وسن من حضنت اسد اليوم الصبح راحو للدكتوره علمود تفحص مروه ورجعو واخوي العزيز اكيد مينساني مو مثل قسييررر بس لمصلحته يجيلي المهم امي كالت نضفي الغرفه الجوه لاسد ومروه لان الدكتوره كالت مو زين صعدت الدرج وصدك نضفت الغرفه كنس ومسح ومسحت حتى اغراض الغرفه وشلت الفرشه مال الجربايه والبرده وحطيت غيرهن صعدت لغرفت اسد ومروه شفتها كاعده على الجربايه وتتناوع بلابتوب مال اسد وتاكل اندومي وحبشكلات
كتلها
ها يخاينه من وراي
مروه. هلا بيج تعاي
نيرمين. اي هسه اجي نزلت جوه وحطيت الغراض الجابها الي اسد بصحون وطبخت اندومي وصعدت فوك وكعدنه نتابع بلمسلسلات الصينيه طبعا جنه نتابع مسلسل