[Unicode]
အခန်း ၁ (ဒု)
အန္တရာယ်တစ်ခုခုရှိလာပါက သူ့ကိုယ်သူ ရုံးခန်းထဲတွင် ပိတ်၍နေနိုင်ပြီး အားလုံးအဆင်ပြေသွားမည်ဖြစ်သည်။ ထို့အပြင် စူပါမားကတ်တွင် အင်တာနက်လည်းရှိသေးသည်။ အမှန်စင်စစ် လူတစ်ယောက်အနေဖြင့် ဝက်တစ်ကောင်၏ဘဝလို ဖြတ်သန်းနေထိုင်ဖို့ လိုအပ်သမျှအရာအားလုံးရှိလေသည်။
ဟာသဗီဒီယိုတွေကြည့်မယ်၊ များများစားမယ်၊ ပြီးရင်အိပ်မယ်!
လန်သဲ့တွင် တခြားအသက်ရှင်နေသည့်လူများ ရှိပုံမပေါ်သောကြောင့် အဆီတို့ဖောင်းကားနေသည့် ဝက်တစ်ကောင်အဖြစ် ပြောင်းလဲသွားမည့်အပေါ် သူစိုးရိမ်နေစရာမလိုပါ။ သူ့ပုံပန်းသွင်ပြင်ကို ဝေဖန်မည့် ဘယ်သူမှ မရှိပေ၊ ဗိုက်အဆီများ အထပ်လိုက်ဖြစ်လာမည်ကို သူမကြောက်ပေ၊ ဟဟ!
စွန်းလင်းသည် သူ၏ ကြီးကျယ်ခမ်းနားသော အနာဂတ်အတွက် စီစဉ်ပြီးနောက် စူပါမားကတ်ရှိ တွန်းလှည်းကို ယူကာ အစားအစာများ စတင်ဖြည့်တော့သည်။ ချိုချဉ်၊ မုန့်သရေစာ၊ စည်သွပ်ဘူးများနှင့် စားကောင်းသမျှအရာအားလုံးပင်။ တွန်းလှည်းပြည့်သွားသောအခါ မန်နေဂျာရုံးခန်းသို့ ယူသွားလိုက်၏။ ကွန်ပျူတာ၊ ဆိုဖာပျော့တစ်လုံးနှင့် ရေခဲသေတ္တာတစ်လုံးတို့ ရှိနေသည်။ ဤသည်က သူ့အခန်းသစ်ဖြစ်သွားပေတော့မည်။
အစားအသောက်များကို ဗီရိုများ၊ အံဆွဲများနှင့် စောစောက သူကောက်ယူခဲ့သည့် ကတ်ထူပုံးအများကြီးထဲ သိုလှောင်ထားလိုက်ပြီးနောက်တွင်တော့ စွန်းလင်းသည် စိတ်သက်သာရာရသော သက်ပြင်းတစ်ချက်ချလိုက်သည်။ အကယ်၍ ဤစူပါမားကတ်သည် ဖုတ်ကောင်များ သို့မဟုတ် ဆာလောင်နေသောလူများ၏ သောင်းကျန်းခံရပါက၊ ဤရုံးခန်းထဲတွင် ပုန်းအောင်းနေပြီး လအနည်းငယ်ကြာအောင် ရှင်သန်နိုင်သည်။
အိုး...သူ ပင်ပန်းနေပြီ...
ငိုက်မျဉ်းစွာဖြင့် သမ်းဝေလိုက်ပြီး မျက်နှာသုတ်ပုဝါအသစ်တစ်ထည်နှင့် ဆပ်ပြာတစ်တုံးကို ယူလိုက်ကာ ရေချိုးဖို့ရန် ရေချိုးခန်းဆီ လျှောက်သွားသည်။ ရေသည် သူ၏ အနက်ရောင်ဆံပင်များ၊ သွယ်လျသောလည်တိုင်နှင့် သေးသွယ်သောခါးမှတဆင့် ဝမ်းဗိုက်အောက်သို့ စီးဆင်းသွားသည်။ သူ၏ ခြေတံရှည်များသည် ဖြောင့်တန်းပြီး အပြစ်အနာအဆာကင်းကာ ဖုံးကွယ်ခံထားရသည့် အသားအရည်သည် အသန့်စင်ဆုံးသော ကျောက်စိမ်းကဲ့သို့ တောက်ပနေသည်။
ΔΙΑΒΑΖΕΙΣ
ကမ္ဘာပျက်ကပ်မှာ ကျွန်တော်ဝက်ဖြစ်လာတယ် [Completed✔]
Μικρού Μήκουςအချိုကြိုက်သူများအတွက် သကြားလုံးလေးပါနော်❤ Oneshot လေးပါပဲ!