تحت مسمى القسمه والنصيب

البارت الخامس

الكاتبه حَـوࢪاء

----------------------------------------
صِرت مثلك مو حَنين
وبعد مَتردني الأغاني
هاي أول مَرة أشتاگلك وأبقى بمكاني                                          
ضوگتني الخوف يَمك
بعد شتفيد الأماني ؟

---------------------------------------------
هو يحجي واني ولا حرف طلع مني بس شهكاتي تنسمع توني دااحجي ويا وانفتح الباب بقوه التفت وجان اشوف حسين!
-منو هذا الجاي تحاجي؟
-م م محد شجابك انتَ؟
-جابني حظج

-ترتيل:تقدم عليا بحركه سريعه سحب تلفوني بس شاف اسمه ركع الفون بالكاع سحلني من شعريي وضربني ضرب ماصاير لحد ما ضربني ع راسي بعدها محسيت بشي.... فزيت واني بحضن امير ومااحس بجسمي وجع كلبي مغطي ع وجع جسمي

-امير:انشالله كسر بأيدك ياعار يمه بس خل اشوفه اذا مااسوي بي هيج وادزه الج اصبروليي الجبان يكسرها ويعوفها ويشرد
-انجب لك اخوك الجبير ترا اطيح حظك
-باعي البيت اهجمه ع روسكم اذا صار بيها شي فاهمههه
-هو منو طلع عينها غيركم انت وابوك
-هذااا الموجود ..... كومي حبيبتي كومي يروحي بدلي ملابسج وتعاي انضف جروحج

-ترتيل: كومني غسلت ورجعت يمه بالكوا امشي نضف جروحي وطلع توني غفيت واسمع حسين العار صوته رج البيت رج ومثل الي ديتضارب هو وامير اريد اكوم مابيا حيل سمعته كاللهم سمعتها تحاجي مااحس اله دخلت امي ونزلت بيا ضرب مو طبيعي

-------------------------------------------------------------
-لمار: كلبي واجعني احس اكو شي وكلما يوجعني اكثر تجي ببالي ترتيل لان مداومت ببدايه الدوام وصارلها يومين مختفيه حتا متراسلني ومن اراسلها مترد وامي هم مجاينه وكلت لماما اروحلهم ماقبلت كعدت حايراا شسويي شوي وبابا كال كومو نروح لبيت اهلي فرحت شوي عاد اشوف اديان بدلنا ورحنا من وصلنا سلمت ورحت لاديان

-دودو ترتيل ماكو هلفترا
-ايي ولجج حتا اني اراسلها مترد
-ايي يمكن العار ماخذ تلفونها
-يمكن كومي خلي نروح نشوف شمسوين عشا نتعشا ونصعد فوك
-يلااا...... نزلنا صبو عشا تعشينه تونا دنغسل مواعين سمعناا صوت هوسه سألت الجهال كالو اجو بي عمو ابو ادم طرت من الفرح خلصت المواعين اني واديان ورحنا يم الدرج نسمع سوالفهم طار كلبي من سمعت عمي كال

-ابو لمار خويه جايك بموضوع
-كول عيني
-تعرف ادم كبر ويشتغل ويريد يتزوج هسا واحنا من كلناله اكو وحدا ببالك كبل اشر ع بنتك لمار وجايك اني رايدها لابني وتعرف هو وحيدي البنات مزوجهن وماعندي بس هو شتكول ياخويه

-والله ياخويه شفايتلي وانطيك بنتي بس تعرف هي صغيرا وهم ماعندي بس هي وتعبت عليها هواي واريدها تدرس اذا تاخذها تخليها تكمل دراسه؟
-ليش اجذب عليك لا احنا نريدها تداري ام ادم مااريدها تكمل دراستها بعدين ياهيا من بناتنا كملت دراسه شبيك كلهن للمتوسطه ويبطلن شتريد تصير مثلا