تَـحت مُسمى القِسمه والنصيب
للكاتبه حَـوࢪاء
آخاف أشتآگلك والگاك ما عايز
وأخاف من الـبَصدري البعده ما جايز
وأخاف گبال " عينكَ " نضرهَ منيّ تصير
تشبه نضره الخسرآن للفايز .
---------------------------------------------------
اديــان"
هلكنا من التعب وگلت حتى ماارجع للبيت هو بالاساس امي متدري بحالي ومتهتم ارجع ويا بنات خالو ابو مصطفى احسن وگلت اقنع لَــمار وترتــيل هم يبقون اول ماوصلنا ببدايه الفرع سمعنا صوت عياط انهد حيلنا من انتبهنا الصوت طالع من بيت خالي ابو مصطفى راحت ارواحنا اباوع مُرتضى يريد يوگف السياره وينزل ميعرف شلون حتا ماطبگها عدل نزل يركض وعاف الباب مفتوح نزلن البنات واباوع لَمار گاعده ترجف وبس صافنه ع الباب
لمار شبيچ امشي ننزل
-مصطفى مصطفى سوا بروحه شي والله مصطفى
حچتهن ونزلت ترجف وخلتني اكل بروحي اخاف ادخل وانصدم بشي سميت بأسم الله ونزلت كلما نخطي خطوه والعياط يزيد وهل مرا عياط سَـما وغفران هم ومرتضى يصيح بيهم يسكتون صعدنا اني ولمار الدرج بالگوا من وصلنا شفنا مصطفى متمدد بالگاع ومرتضى حاضنه لصدره ويگللهم
-لتخبلوني مابي شي وخرو خل اخذه للمستشفى
وصدگ اخذه وطلع وراحت عمه وياه سكتنا البنات بالگوا واني روحي رايحه مصطفى الي مثل الورد هيچ اشوفه الوجه اصفر وذبلان مو ذاك مصطفى ومنعرف شصاير اصلا بس البنات گالن متخربط امهن گايلتلهن لمار اتصلت ع اهلها وماطولو دقايق واجو وخطيا عمتي حالتها حاله اجت عبالها اكو شي وخالي ابو لمار هم فد نوب رايحه روحه واسر گال
-عمو ابو مصطفى يدري؟
-ابو لمار:لا بابا ديرو بالكم تگلوله خطيا بغير محافظه يوگف گلبه اذا گلتوله
-سَــما: اذا ماگالوله مرتضى وامي
-هسا اتصل واشوفهم بيا مستشفى حتا نروحلهم گومي ام لمار
-لَــمار: بابا طمنونا
-انشالله بابا اسر انت ابقا يمهم
-روحو اني يمهم
وصدك راحو ورا ساعه اتصلو گالو صار زين راح يجيبونا ويجون وماطولو نص ساعه واجو معلگيله مغذي ومنتهي بسرعا صعده مرتضى لغرفته نام
--------------------------------------------------
مَــرام"
الي مر عليا هلكني تحملت فوگ طاقتي واگول تهون تالي ماهانت بس مااگول غير الحمدلله ع كُل حال بيوم زفتي طَلبت بلا هوسه والزفه تصير بالبيت واكيددد عيالي قبلوا حتى ميكلفون نفسهم واصلا كيفووو مااهتميتلهم اني روحي مطفيه صعدوني فوك ارتاح بس اني هلكت من البچي لا بقالي مكياج لا شي گمت سبحت وبدلت ورجعت گعدت مااعرف شراح يصير وياي وشنو راح اعيش كرهت روحي حرفياً
YOU ARE READING
تحت مسمى القسمه والنصيب
Romanceاربع صديقات لم يستطيعوا ان يحصلوا على مااختاره قلبهم اليهم ووقعوا ضحيه القسمه والنصيب كل منهم تحمل قصه.
