تحت مسمى القسمه والنصيب

الثاني والثلاثون

#تحت_مسمى_القسمه_والنصيب

لـ الكاتِـبه حــوراء آلـ طائـي

رُغم ذيّچ مّرورتك ؟
ولـ هَسة أحِن !
وذكريّاتك ضَالة بِگلبّي ،
" شَخابيط بَـ سجّن ؛

<><><><><><><><><><><><><><><><>

ترتـيل"

-چنت اعرف مراح يخلوني انفصل واصلاً رادوها حجه گعدت بعد فتره ع صوت امـيـر يباوعلي بقهر گـال

-شنو هاي سمعت راح اصير خال؟

-ايي مع الاسف

-توته مفرحانه؟

-لا امير لااا انت متعرف شلون راح اتأذه من ارجع لذاك الجحيم

-ماترجعين والله مااخليچ ترجعين

-راح يرجعني ابوك
بس كملت جُملتي دخلت امي فرحانه گالت:-گومي يمه زوجچ جوه تعالي بشري بحملچ

رفضت وماردت انزل بس هي لحت عليه وامير گال: انزلي ميعجبچ الوضع ارجعي صعدي

-نزلت چانو گاعدين بالصاله هو وامه وابويه يسولف ويضحك ويا عادي وگفت بنهايه الدرج رفع عينه باوعلي بنظره مامهتم ورجع اخذ گلاص الچاي يشرب ويباوع لأبويه

-گالتله امه: يمه گوم بارك لمريتك راح تصيرون عائله صغيره

-باوع لأمه صفح مثل المامفتهم قصدها رجعت هي ضحكت وگالتله: يمه ترتيل حامل

-انگلب وجها وتعابيره تبين هو مصدوم لكن بسرعه غير تعابير وجها لعدم اهتمام وگال: ايي ويعني شسويلها

-اختفت ابتسامه امه والكُل انصدم حتى اهلي ابتسمتلهم وحچيت: شمنتضرين ياخذني بالاحضان ويفرح

-ابو حسين: تعالي بابا اگعدي انتِ وزوجچ اتفاهمو واحنا نطلع بره

-حچاها وگامو يطلعون وامي اجت بصفي همستلي:روحي بوسه ع حضنه وتراضو يلاا بسرعه

-مارديت عليهم طلعوا وهو مارفع راسه عينه بالموبايل والچاي بـ ايده گلتله: آدم طلگني

-صدك حامل لو هاي لعبه من امچ وامي

-سويت اختبار منزلي وطلع صدك بس يگولون مرات يخطأ هذا الاختبار

-گام سحب مفاتيح السياره وگال:بدلي بسرعه نروح نسوي تحاليل بمختبر

-مااريد آدم

-مو تردين تتطلگين؟ امشي نتأكد حتى اذا مو حامل اطلگچ وفضت وراحت واذا حامل ورا ماتولدين اطلگچ

-فرحت رحت اركض ابدل وهم من شافوني هيچ فرحانه ومتحمسه عبالهم تراضينه لبست لگيته منطي ظهره للباب ومرتچي ع السياره ويدخن ويسمع اغنيه