تحت مسمى القسمه والنصيب

مُـقتطفـات مـن المُـستقبل

"كانت لنا ألواننا
متى انسكبنا في السواد؟"

-بـ هـل يوم چان لازم ينتهي كُلشي چان لازم اخلص من الجحيم العايشته انفصل واعيش حُره بَـس صار الي خيب ظنوني

-واگفه بالحمام واختبار الحمل بـ ايدي الترجف ومنتضره النتيجه اني اليوم انهي كلشي ياربي فدوه اروحلك خلصني ياربي مااريد يصير اليي ببالهم ويكسروني خابت كُل امالي من طلع خطين حُمر رجفت كُلي وگع الاخبار من ايدي الي ماسيطرت على رجفتها وكلهم منتضريني بـ باب الحمام يردون يعرفون النتيجه نزلت رفعت الاختبار من الگاع وطلعت بخطوات ترجف شمرت اختبار الحمل على امي

واول ماشافته هلهلت من الفرح عبالك اني عدوتها مو بنتها كرهت كلشي توجهت لغرفتي واستلمت للنوم

__________________________________

-كُل الاعرفه مشاعر مختلفه اگلك مرات اريدها مرات لا من تصير گدامي عنادها، غرورها، نظراتها الحاده وهي تخزرني، صلافتها، لسانها الطويل، ابتعد عنها بسببهن بَـس بُمجرد ماهي تبتعد عني احس الدنيا تضلم الهوى يضيق بصدري ادورها بكل مكان اريدها تصير يمي احسها مسؤوليتي

-كل هذا وتگول مو حب؟

-مااعرف شنو تفسير مشاعري

________________________________

أجي تَعبان مِن الناس
مِن حَسبات الـ بالي
وتلمني سوالفَك وأنسه
وتاخذني بـ دفو عِيونك
وأختِل جَوه جِفنك طيف
اليطب لأحلامَك تونسَه

-رجعت وتقابلنا اني ويا صفن بوجهي وهمس بصوت بس اني ويا نسمعه

-نحچي؟

-گول شتريد بسرعه اريد اروح

-احبچ!

-هيچ بلا مقدمات گالها وگلبي طار حسيت فراشات الدنيا تجمعت ببطني ماگدرت اخفي ابتسامتي وهو ابتسم على ابتسامتي گلتله واني مبتسمه: حبتك حيه

-من فرحتچ عرفت تحبيني

-ايع هو انت هم تنحب؟

__________________________________

في رأسي مئات الكلمات ، لا أقول منها أي شيء ، أحاول نسيانها حتى تتعفن ، لهذا أشعر بالصُداع طوال الوقت

-ظلام مااشوف شي بسبب القماش الموجود على عيني جسمي متشنج لأن مربوط بكرسي افكر بيهم هم افتقدوني هم گالو ليش تأخرت صداع حاد براسي يمكن من تأثير المخدر الانطونيا لحضات بَـس سمعت صوت خطوات تتقرب من الغرفه الگاعده بيها وصوت الصدى واضح انفتح الباب وطلع صوت عالي كأن باب حديد وصوت الصدى مُرعب من سمعت ضحكات رجل مُستفزه صحت بصوت عالي

-وحق الحق اذا تقربت تدفع الثمن غالي

-لبوه شرسه

-تربيه اسود وعندك الحساب

-تربيه چلاب

-تاج راسكك

__________________________________

- وسُقمي لا يُشفيه إلا طِبُك .

-جسد بلا روح هيچ عايشه احاول اتأقلم بس مااگدر هو عاش حياته ولا كأنما صاير شي واني! وحدي حاربت وحدي تعبت بچيت وواسيت روحي بروحي محد وگف وياي لااهل ولااقارب ولا حتى هو الچنت حاسبته العالم كله ماعندي غير حل انتهت روحي انسلبت مني مستحيل اقاوم واعيش اكثر

گدامي علبه العلاجات سحبتها وايدي ترجف وبديت افرغ بشرايط الحبوب بأيدي ونصها توگع بالگاع اثر رجفه ايدي تشاهدتتت واني اعرف ذنبي چبير بس بعد مااگدر اتحمل والله خلي اخلص وانتهي

__________________________________

‏ ‏"شعرتُ في كثيرًا من المرات بأن البُكاء لا يكفي، الحديث لا يكفي، والنوم أيضًا لا يكفي، شعرتُ حينها بمعنى كيف للمرء أن لايسعهُ أي شيء"

-شعور انت وحيد وماالك سند كلش صعب شفت بي العالم كله هدمني بلحضه شكك بيه وصدك كلامهم انتهينا

لملمت ماتبقى من كرامتي وتوجهت لغرفتي اجمع بهدومي وساكنه حتى دموعي مانزلت كأنما قالب ثلج
كلشي مابقيت كل اغراضي المُهمه اخذتها تركت بس الشغلات الي جابها الي وكأنما اريد ابينله ماريد شي يذكرني بي

هو تركني بهل طريقه واني راح اتركه سمع منهم وماسمعني خلصص يحلم يشوف شكلي نزلت وجنطي كبار واهله ماراضين على السواه وامه وخواته يبچون سحب اخوه جنطتي من ايدي وگال اني اوصلچ

-همستله: شُكراً مااريد احد بيكم يعرف مكاني خلوني بعيده عنكم اريد ارتاح

__________________________________

-تدرين اني مامصدگه الدنيا ضحكتلي ودزته بطريقي وخله گلبي يرجع يعيش

-على نياتكم ترزقون

- الف الحمدلله والشكر والله لو اشكره ليل ونهار اكون مقصره

-لهل درجه تحبينه؟

-فوك ماتتخيلين اذا اگلچ اتنفسه فـ هاي قليله

-الله يجمعكم بالحلال

-ياروحي انتِ الله يبرد نار گلبچ

__________________________

هاي هم مُقتطفات تفاعلو ع البارت وتناقشو بخصوص الاحداث الجايه

صوتو وعلقو بين الفقرات

احبكُم 🤎✨