Unicode
"ဒုမင်းသားပျောက်နေတဲ့ကိစ္စကိုဘယ်လိုလုပ်ကြမှာလဲ"
ဒေါသထွက်နေတဲ့ မင်းကြီးရဲ့လေသံက ငြိမ်သက်နေတဲ့ ကျားတစ်ကောင်ကိုတောင် တုန်လှုပ်စေနိုင်စွမ်း ရှိလောက်မည်ထင်၏။
"ကျွန်တော်တို့ရှာနေပါတယ် မင်းကြီး"
"မင်းတို့ရှာနေတယ်ဟုတ်လား? ဘာကိုရှာတာလဲ ရက်သတ္တတစ်ပတ်တောင်ကျော်လာခဲ့ပြီး သတင်းအစအနတောင်မရသေးဘူးမလား စိတ်ပျက်ဖို့ကောင်းလိုက်တာ"
"ကျွန်တော်တို့လည်းရှာ...."
"တိတ်ကြစမ်း!!!!!!!"
မှူးမတ်တို့နဲ့ရဲ့တုန်လှုပ်နေတဲ့အသံတွေက မင်းကြီးရဲ့ဒေါသမာန်အပြည့်ပါတဲ့အသံအောက် ပြားပြား၀ပ်ကုန်ကြ၏။
"ခမည်းတော်"
ဆိုးရွားလှတဲ့အခြေအနေ မစတင်ခင်မှာ ရှောက်ရှိလာတဲ့ အိမ်ရှေ့စံမင်းသားကိုတော့ မင်းကြီးကလွဲ အားလုံးက ကျေးဇူးတင်နေကြသည်။
"အိမ်ရှေ့စံ ညီတော်ရဲ့သတင်းဘာကြားသလဲ"
"ကျွန်တော်နဲ့နှစ်ယောက်ထဲပြောရအောင်ပါ"
"ကောင်းပြီ အကုန်ထွက်သွားကြ"
အားလုံးထွက်သွားတော့မှ အိမ်ရှေ့စံမင်းသားက မင်းကြီးရဲ့အနားကိုလျှောက်လှမ်းလာသည်။
"သားတော်က ဘာပြောချင်လို့လဲ"
"ဒုမင်းသားကို ခနလောက်လွှတ်ထားပေးပါ"
"ဟမ်"
"သူကထွက်ပြေးသွားတာမဟုတ်ပါဘူး ခမည်းတော် ဒီတိုင်း အပြင်လောကကြီးကိုသိချင်ရုံပါ"
"ဒါဆိုလည်းပြောသွားလို့ရ...."
"သူ့ရဲ့ကိုယ်ပိုင်အစွမ်းအစကို သိမြင်လာဖို့အတွက် သူကြိုးစားချင်နေတာ လွှတ်ထားပေးလိုက်ပါ"
"ဒါပေမယ့် ဟိုအကြောင်းသိသွားရင်ဘယ်လိုလုပ်ပါ့မလဲ"
"သိတော့လည်း လက်ခံရမှာပေါ့ အမုန်းတရားတွေ ထားနေတာက စိတ်ညစ်ဖွယ်ရာကောင်းပါတယ် သူ့နည်းသူ့ဟန်နဲ့ဖြေရှင်းပါလိမ့်မယ် ယုံကြည်ပေးလိုက်ရအောင်"